#ذبول-الياسمين

الجزء 6 والاخير

#قصه_ذبول_الياسمين
للكاتبه فردوس عبد اللطيف
جزء  6 والاخير
فكرت بنتى لازم اخلصهه من سيطرة اخوها وانى موجوده وهيجى سوة شراح يسوى من بعدى سويت سلفه ويه المعلمات بالمدرسه وجهزت بنتى احلى جهاز زوجتهه
صحيح فراكها صعب ومؤلم لانهه القريبه على قلبي وكانت تتالم لالمى لكن هذه سنه الحياه لازم ازوجهه وربي يسعدهه وفعلا زوج بنتى اسمه خليل انسان محترم وطيب القلب يحب هبه ويحترمهه وصار قريب النه اكثر من ولدى بعد ماعرف مسيرة حياتى تعاطف وياي ويا الامى وصار هو احد اولادى فى البدايه كان هو الى يقوم بواجباتنه واحياجات البيت وفى نهايه الاسبوع تجى هباوى تبقى تنام عدنه وترتب البيت وتنظف وتغسل ملابسنه تنظف غرفتى
اما داليا بدت تثير مشاكل خصوصا بعد ماصار عدهه طفل ثانى من يطلع مصطفى تضرب اطفالهه حتى انقهر بس انى ما احجى لابنة حتى لاتصير مشاكل لكن القهر بدى ياثر على ويصير عندى اغماء ودوران واعرف ابنى عصبي لا يضربهه
ومن يجى تبدى تشتكيله وانهه ما مرتاحه وياى بحجه البيت ضيق وجهالهه ماماخذين راحتهم ومن يطلع تسمعنى كلام غير لاءق وظلت تنافق لحد ما ابنى مايطرق يحجى وياى يدخل ياخذ ابنه ويدخل لغرفته واسمعهم سوالف وضحك ولعب وياي ولا كلمه وانى وحيده بالبيت مايهون عليه يكلمنى بالسلام عليكم حتى الطفل مرات يريد يجى يحجى يمى يمنعونه حرمونى حتى من حفيدي كانو مخططين يتحولون لبيت وحدهم لكن اهل داليا سافرو كلهم للخارج وبعد ميرجعون لذلك مصطفى يخاف عليهه يبقيهه لوحدهه بيت وبعدين هو اصلا ميكدر يتحمل مسوؤليه بيت وحده لان انى كنت اصرف على البيت وادفع الايجار من راتبي بقيت وحيده فى بيتى معزوله كانى مرض معدى  لاسلام ولاكلام بينهم وبينى بعدين عمته خبرته كلتله تعال اكعد وياي بالبيت وجيب زوجتك واطفالك طبعا هو فرح وماصدك مع العلم البيت بي ورثه وانى وبنتى
عمته كلتله لاتجيب اثاث لان البيت بي اثاث وكله ورث وباقى من اهلهم فرحو هو وزوجته لكن الله يشهد شكد تالمت قطعه من قلبي انشلعت طلعو بدون حتى سلام وابنهم يباوع على امنى احظنه ودموعى تنزل وطلعو منى اعز احبابي بلاى وداع
اتجهت لرب العالمين بالقران والصلاة والصوم وذكر الله لاعيش ايامى الباقيه ولا اعرف ما يخبىء لى القدر
حاول خليل زوج بنتى يكلمه ويقنعه يرجع لحظن امه لكن عمته قست قلبه على
كظاها سفر بين سوريا وايران وونسه ولا فد يوم اتصل بي وسال على لكن الله عوضنى بابنى الثانى خليل الذى يقوم بواجباتى واحتياجاتى وبكل موقف اشوفهم واكفيلي ربي يحفظهم
بعدها ابنى ليث تزوج ودزو ايفاد الى دوله اوربيه لمده خمس سنوات مع زوجته كان حنين على ومعوضنى فراك مصطفى وبقيت وحيده بذكرياتى وعندما اشتاق لاجفادى اطلع البوم الصور واسولف ويه صورهم واتحسر على شوفتهم
ترفعت بوظيفتى وصرت مشرفه تربويه مما ساعدنى على تخفيف الامى وحزنى على فراق اولادى
العمه فوزيه تمرضت بمرض خبيث  وصارعت المرض سنه كامله وقبل وفاتهه اوصت وصيه
ان لا يعطونى حصتى وحصه بنتى هبه من الورث والبيت يكون فقط لمصطفى وليث وابن عمهم وبعدها توفت ولما سالت مصطفى على حصتنا انا وبنتى كال عمتى وصت امام شهود وما نكدر نغير الوصيه
مصطفى باع بيت جده واخذ حصته واشترى بيت اله ولعاءلته وسكن بي
وانا الان اسكن بيت ايجار بالقرب من بنتى بيت صغير راتبي مصدر عيشتى اعانى من الالام المفاصل وارتفاع الانلاح وخفقان فى القلب ذبلت كوردة الياسمين تذبل لكن يبقى لونها ابيض
انشغالى بعملى ينسينى همومى حفيدي الكبير صف الرابع والثانى بصف الثانى يعيشون بعيد عنى واتحسر على شوفتهم
اريد اقول كلمه للشباب لاتحرمو امهاتكم واباءكم من شوفتكم لانها حسرة فى القلب لو تعرفون المها ما فعلتموها لكن ربي يحفظكم وشكرا لتفاعلكم وسعه صدركم لقراءة قصه حياتى
زينه  
انتهت
ترقبونى بقصه جديده
الكاتبه فردوس عبد اللطيف f