mga kandidato na nakadikit sa damit ko
tunay bang ako ito
nangako sakin na gagawin ito
pero parang panaginip lamang ito
nagtulak ng kariton
suot ko ang damit na binigay niyo
nakikita niyo ba ako?
o nakikita niyo lang ako kapag kailangan niyo
kapag malapit na ang botohan
ako'y mabilis na lumabas
inasam na mabigyan ng pilak
na sa inyo ay kapiranggot lamang
magandang katayuan, magandang kasuotan
magandang salita, ang kapal ng mukha!
taon-taon ko na lamang naririnig
ang mga pangakong kay sakit na sa pandinig
pero paano nga ba sasabihin?
kung kayo ay natatakot saakin
paano nga ba babanggitin?
kung patay ang aabutin
dalawa kaming nagtutulak ng kariton
dalawa kaming nakasuot , nakatatak IBOTO....
siya ay nagtitinda ng asin
ako naman ay nangungulekta ng basura
pareho kaming matanda na
pero kaya paring magtulak pa
sa totoo lang hindi ko na kaya
pero para may makain gora!
hinihintay ko na mapalitan ang damit
gusto ko sana'y puti at plantsadong damit
ngunit paano makakamit?
kung ako ay nakadapa sa putik?
