هشام : اهلا ازيك يا ندي وحشتيني .
ندي : والنبي ياخويا اسكت عشان انا علي اخري منك .
هشام : ليه بس انا عملت ايه دانا لسه راجع من الشغل انا لحقت اعمل حاجه .
ندي : لا اتصال ولا مكالمه ولا كأن ليك اخت تطمن عليها .
هشام : والله الشغل واخد كل وقتي .
ناديه : هو احنا ياللي قاعد معانا حد مننا بيشوفو .
ندي : اه اعمليلو اعذار بقي .
سلمي : ولا اعذار ولا غيرو تعالي يا ندي عايزاكي هحكيلك حاجه مهمه .
ناديه : بعد الغدا الكلام ده يلا معايا علي المطبخ يا ندي وانتي يا سلمي جهزي السفره .(دخلو المطبخ )
سلمي : حاضر .
و وقت الغدا ......
الباب بيخبط .
سلمي : خليكو انا هفتح .(فتحت)
خالد : ازيك يا سمسم فين الشعب .
سلمي : جوه بتغدي تعالي اتغدي معانا .
دخلو وقعدو في الليفنج جمب السفره .
غاده : لا الحمد لله احنا واكلين و طالعين عايزين بس نشرب شاي بعد ماتكلي ياسلمي ابقي اعمليه .
ندي : انتي مش غريبه يا غاده ده بيتك يا حبيبتي ادخلي اعملي شاي للكل علي مايتعمل هنكون احنا كلنا .
غاده : (بغيظ) انا معرفش حاجه هنا في المطبخ .
ندي : اتعملي يا غاده انتي مش ست بيت هتعرفي تتعملي .
سلمي : غاده انا مش بحب الشاي بعد الاكل ياريت تعمليلي عصير .
غاده : (بغيظ زياده ) اممممم طب اي طلبات تاني .
سلمي : لا كده تمام .
دخلت غاده المطبخ .....
ندي : هي مالها يا خالد .
خالد : سيبك منها . امال عيالك فين مش بياكلو يعني .
ندي : جوه بيلعبو ماما اكلتهم من شويه .
خالد : ومصطفي عامل ايه مش ناوي ينزل ويستقر هنا في مصر .
ندي : كويس الحمد لله بس مش عاوز ينزل هو مرتاح في السعوديه شغلو كلو هناك ده والله لولا مدارس الولاد كنت قعدت معاه هناك بس هو عاوزهم يتعلمو في مصر .
سلمي : عمار يا مصر الله عليكي وعلي تعليمك .
ندي : بس يا بت انتي اسكتي خليهم يطلعو عارفين بلدهم وتاريخها .
سلمي : مانا ساكته اهو وانا قلت حاجه .
غاده : الشاي اهو .
ناديه : حطيه علي الترابيزه ياحبيبتي .
..............................
أنت تقرأ
حب علي موقع تواصل
Romanceمواقع التواصل الاجتماعي مكان بيتقابل فيه الناس من غير مايشوفو بعض ارواح بتتلاقي بتتكلم مع بعض قلوب بتتقابل بتتعلق ببعض في منهم بيقابل حب حياته هناك وساعات الحب ده بيكمل وساعات لا . قصتي المره دي عن قصة حب نشأت علي احد مواقع التواصل اتقابلو واتعلقو ب...
