محمد : صباح الخير . عامله ايه .
سلمي : (باسلوب رخم ) صباح النور . الحمد لله كويسه .
محمد : انتي لسه زعلانه ولا ايه .
سلمي : وانا هزعل ليه ايه اللي هيزعلني .
محمد : امال بتردي كده من تحت الضرس .
سلمي : معلش مخنوقه .
محمد : كل ده عشان معرفتيش ايه المشكله اللي انا فيها ماشي يا سلمي هقولك بس ماتجيش تزعلي بقي لما تعرفي .
سلمي : عادي مابزعلش .
محمد : ماشي يا جامد انت ياللي مابتزعلش بصي بقي ياستي انا جيت البلد لقيت امي متكلمالي علي عروسه وهنروح النهارده نشوفها .
سلمي : يا نهار امك الاسود انت بتسطعبت يا محمد .
محمد : ايه يا جامد زعلتي ليه .
سلمي : انت عايز تقولي الكلام ده و مازعلش .
محمد : طيب شوفتي بقي القرف اللي انا فيه وانتي مابتقدريش .
سلمي : وبعدين بقي هتعمل ايه .
محمد : اتفقت مع امي اني هروح اشوفها وبعد كده هقولها ماعجبتنيش و انهي الموضوع .
سلمي : ماشي يا محمد لما اشوف .
..................................
ام محمد : هي فين عروستنا مش تيجي عشان تشوف العريس وهو كمان يشوفها .
ابو العروسه : نادي هند يا ام هند .
خرجت هند وكانت مكسوفه ......
ام محمد : (قامت من مكانها لهند ) الله اكبر تعالي يا حبيبتي اقعدي هنا جمب عريسك .
ابو محمد : طيب يا ابو هند احنا نسيبهم بقي يقعدو هنا قدامنا عشان يتكلمو ويتعرفو علي بعض .
قامو كلهم و سابو محمد و هند قاعدين مع بعض .
محمد : ( قاعد ساكت ) .............
هند : (كل شويه بتبصله مستغربه سكوته ) .
وبعد وقت مش طويل قوي .
هند : هو احنا هنفضل ساكتين كده .
محمد : عايزه تتكلمي في ايه واحنا نتكلم .
هند : (بكسوف ) يعني نعرف بعض .
محمد : حاضر .
و بعد وقت من الكلام والتعارف حس محمد انه مرتاح لهند و رجعو الاهل قاعدو معاهم تاني .
ام محمد : انا شايفه اننا نقرا الفاتحه النهارده ونبقي نحدد الشبكه بعد كده .
محمد : ليه الاستعجال يا امي خليها المره الجايه .
ام محمد : لا النهارده هو انا هلاقي ليك احسن من هند .
و تمت قراية الفاتحه .
أنت تقرأ
حب علي موقع تواصل
Romanceمواقع التواصل الاجتماعي مكان بيتقابل فيه الناس من غير مايشوفو بعض ارواح بتتلاقي بتتكلم مع بعض قلوب بتتقابل بتتعلق ببعض في منهم بيقابل حب حياته هناك وساعات الحب ده بيكمل وساعات لا . قصتي المره دي عن قصة حب نشأت علي احد مواقع التواصل اتقابلو واتعلقو ب...
