دخلت ناديه الاوضه وفتحت الستاير والشباك ودخل نور الصبح الاوضه نور كل شبر فيها .....
ناديه : سمسمه ....سمسمه يلا قومي بقي الضهر اذن يلا يا بنتي .
سلمي : (بتغطي عنيها بايدها من النور ) يا ماما سبيني شويه مش قادره اقوم .
ناديه : يلا يا كسلانه قومي مانتي لو بتنامي بدري هتقدري تصحي بدري يلا .
سلمي : هو هشام هنا .
ناديه : ايوه .
سلمي : ياااه اخيرا (قامت سلمي بسرعه نطط من السرير وجريت علي اوضة اخوها هشام ).
خبطط علي باب الاوضه ....
هشام : ادخل .
سلمي : حبيبي اخيرا يوم اجازه ده انا كنت فقدت الامل انك تقعد يوم .
هشام : عايزه ايه يا غلابويه .
سلمي : (ببراءه مصطنعه ) انا ابدا وانا هعوز ايه يعني مانت عارفني غلبانه .
هشام : اه يا غلبانه ماشي يا ستي بس انا بقي عارف انتي عاوزه ايه وهجبهولك النهارده .
سلمي :( بفرحه ) بجد يا اتش يعني هتجبلي اللي انا نفسي فيه .
هشام : اه يا حبيبتي انا خارج النهارده انا و داليا وهجبلك الموبايل اللي هتتجنني عليه النهارده ارتاحي بقي .
سلمي : ربنا يخليك ليا ويكرمك و يرزوقك يارب و ........
هشام : بطلي بقي اسلوب الشحاته ده و روحي يلا اعمليلي كوباية قهوه حلوه من ايدك .
سلمي : في حاجه اسمها كوباية قهوه اسمه فنجان يا حضرة المحامي .
هشام : عارف يا غلابويه بس انا عايز كوبايه عشان في ايدي قضيه وعايز قهوه مكثفه عشان اعرف اصحصح واركز .
سلمي : بس كده عيوني الاتنين .
.........................................
غاده : صباح الخير يا ماما .
ناديه : صباح النور يا بنتي عامله ايه اتفضلي ادخلي امال خالد فين .
غاده : (دخلت غاده وقعدو في الليفنج ) مانتي عارفه ابنك في الشغل اهم حاجه عندو الشغل .
ناديه : ربنا معاه و ادهم فين نايم ولا ايه .
غاده : لا انا سايباه مع البيبي سيتر تحت قاعده معاه في الشقه .
ناديه : المهم انها تكون بتعاملو كويس .
غاده : اه طبعا امال هي بتاخد فلوس ليه .
ناديه : وانتي عامله ايه .
غاده : بصراحه يا ماما انا جايه اشتكيلك من خالد مش عاوز يجبلي عربيه .
ناديه : والله يا حبيبتي دي حاجه بينك و بين جوزك انا ماليش فيها .
أنت تقرأ
حب علي موقع تواصل
Romanceمواقع التواصل الاجتماعي مكان بيتقابل فيه الناس من غير مايشوفو بعض ارواح بتتلاقي بتتكلم مع بعض قلوب بتتقابل بتتعلق ببعض في منهم بيقابل حب حياته هناك وساعات الحب ده بيكمل وساعات لا . قصتي المره دي عن قصة حب نشأت علي احد مواقع التواصل اتقابلو واتعلقو ب...
