لمياء
جانت ثلاث سيارات وحدة بيهة عمي وابوي و عمي ابو مريم وعمي سعد وحدة بيهة عبدلله وانا ورامي صايرين بنص سيارة بابا وسيارتي الي بيهة قصي ورانا
وانا سيارتي بيهة قصي وسلام اخو مريم وعمي فاضل وصلنة منطقة فارغة من البيوت عبارة عن مزارع وانواع الاشجار ومنطقة كلش حلوة ومزرعة جبيرة شفت بابا دخل بلمزرعة دخلنة المزرعة وشفت بيت اكبر من بيتنة ب مرتين صح بيتنة مو صغير كلش جبير بس مو مثل هذا اكو كدامة واكف رجال شاب مو صغير بس مو جبير ويمة رجال جبير وبابا وكف انا حسيت كلبي انقبض وبجيت لا اراديا نزلت من سيارة صفنو علي وبابا صاحلي
بابا:تعاي بنتي تعاي شمعة بيتي
مهدي:اجو اهل الفصلية ورايد اطلع حركة كلبي كلة بيهة اشو هاي نزلت و3 سيارات وصح تبجي بس مبين عليها مغرورة
بابا:ابني ومعزة الغوالي عليك ديربالك عليها
مهدي:عمي لاتخاف وضربت علة صدري وكلت بنتك كم شهر وترجعلك وحجاية زلمة وشيخ عشيرة ترجعلك بس خلال هاي المدة انسة عندك بنية اعتبرهة ماتت كلش انساها بس مو مشكلتي ترجعلك مكسرة
عبدلله:راد يضربة بس قصي حاول يدفعة وكلة خلي ضفرهة ينكسر وراسك اخسفة جوة تاير سيارة
مهدي:ماعندي حجي وي جهال الحجي وياك ابو عبدلله
قصي:عبدلله كافي امشي مو مال مشاكل
لمياء:من كلة انسة عندك بنية بجيت بزايد ودعت اخواني وصلت لقصي وكتلة بصوت بلكوة ينسمع "لاتنسة"
رحت الابوي حضنتة وبجيت كتلة اعذرني خلفت بوعدي بس هاي اخر دمعة وعد "حجيتهة وانا امسح بدموعي"
بابا راح واجة شاب ضخم شلون البدي كارد "حرس" لابس دشداشة وجفية او غترة كلي طبي جوة ام سيارات
لمياء:هزيت راسي ب نعم اول ماخطيت عتبة الباب كلت بدة معاناتي وصارت حياتي فصلية بس لازم اتغلب لمياء انتي وعدتي اهلج دخلت
شفت بنات ثلاثة اجت وحدة
طيبة:تعالي اوديج لغرفتج امشي وياي
رويدة:حطيهة بلمخزن هاي فصلية
طيبة:روييدددة
مهدي:طيبة جيبهة اجة سيد ولاتطلعلي هيج انطيهة عباية
لمياء:جابتلي عباية ورحنة عقدنا الي عرفتة اسمة مهدي
رجعت للهول تلكتني رويدة وتضرب بية انا اهنا حسيت نفسي طفلة يتيمة وكعدت تكلي فصلية اخوي ماتهنة بحياتة من وراكم وحجت حجي انا بس صافنة بس ضربهة مو قوي لان قزمة وايديهة صغار بس كرامتي انداست اجت طيبة
طيبة وانفال سحبو رويدة مني
طيبة:امشي وياي
رحت وياها وانا اسحب بجنطتي وراي جانت جنطة سفر كلش جبيرة
رويدة:حضرة جنابج خامة بيتكم كلة وجايتنة ها يلفصلية
لمياء:لارد
دخلتني غرفة غرفتي احلا واثاثهة اجدد من هاذي بس هاي اكبر واثاثهة عادي كنتور وجرباية وزاوية وميز تواليت واكو شاشة بس مامركبة
طيبة:هاي غرفة ولو هاي اقدم غرفة بلبيت اتحملي مهدي كال ذبوهة هنا
لمياء:هه ذبوهة
طيبة:انا طيبة اعتبريني اختج كلشي تردينة انا حاضرة بس تكعدين لازم من صبح
لمياء:هزيت راسي ب اي
طيبة:تردين اساعدج بترتيب ملابسج
لمياء بارتباك:ءء لا لا انا اسويهن
طيبة:اوك بكيفج
لمياء:طلعت طيبة وقفلت الباب رفعت مندر الجرباية لكيت مساحة حطيت جنطة دبلماسية(الي مايعرف شنو جنطة دبلماسية هاي جنط الي يحطون بيهة فلوس بلمسلسلات اتصير سودة) ورتبت جرباية حطيت ملابس بلكنتور وحطيت اغراضي بميز تواليت وبدلت وفتحت القفل وكعدت اريد الف الحجاب ماعرف اندك الباب صحت منوو
طيبة:انا طيبة
لمياء:فوتي حبيبتي فوتي
طيبة:شنو دسوين
لمياء: ماعرف البس الحجاب
طيبة عليمن تلبسينة
لمياء:عبالي عدكم لازم ينلبس
طيبة:محد بلبيت بس انا وياج ومهدي ورويدة
لمياء:مممم تمام شلت الحجاب و سويت ضفيرة هندية تبدي من بداية الراس وانا علة خطبة زمن صبغت لون بنفسجي غامق انا ولين ولانا مؤقت 6 اشهر
طيبة:هاي ليش هيج شعرج
لمياء:صابغتة مؤقت لخطبة اختي
طيبة:هاااا لمياء اي احد يحاجيج تجاهلي ونفذي شنو يكلولج ماشي
لمياء:هزيت راسي ب نعم
اول مانزلت
رويدة:هلة هلة فصلية وتتكشخ بروسنة
لمياء:لا رد
رويدة:طبخي يلة الغدة
لمياء:انا صفنت وفتحت عيوني
رويدة:نزلي عيونج عساهن الفكس
لمياء:لا رد ودرت وجهي وانا كلشي ماكو بطبخ يادوب اعرف اطبخ اندومي صفنت كلت اسوي مركة فاصوليا لان شفت معلبات فاصلوية سويت فاصولية وطفيتهة وغطيتهة جاي اسوي تمن
رويدة:شطابخة رفعت القبق عن جدر عييييع شمسوية فاصولية عيييع بت الفكور دجاج احنة ماتشوفين الفريز متروس لحم ودجاج شمرت جدر بلكاع وانا نفذ صبري
لمياء بعصبية وصريخ: حرام عليج كافي تحجين علي سكتت امري الله كتيلي طبخي وانا ماعرف سكتت كلت امري الله اسوي سم وزقنبوت و طبخت اجيتي ذبيتي بلارض كتيلي بنت الفكور وانا الشي بتئشر من صبعي يوصل يمي يعني شتردين اسوياج شطبخلج ماعرف مااعرف
رويدة:صافنة و تباوعلي بصدمة
مهدي:جنت اريد ادخل وسمعت كل حجيهة صح ججيهة صحيح بس لازم اعاقبهة دخلت شفت المركة بلارض ورويدة سوت روحها تبجي وحضنتني
رويدة:هئ هئ 😭 مهدي الفصلية تصيح علي وذبت جدر النعمة بلارض
لمياء: صافنة بتعجب وصفنة
مهدي:احيت للمياء وكضيتهة من شعرها ونزلتة للارض وكتلهة نضفي زبالة جبتج خدامة وبس وشتكلج تنفذين فاهمة
لمياء:خنكتهة العبرة وهزت بنعم جابت الممسحة ومسحت وسوت اكل مرة ثانية وفاصولية لان مااعرف غيرها صبيت الاكل وطيبة ماشفتهة نزلت من درج وكالت شنو فاتني شفتهة لابسة برمودة عادي يعني
لمياء:مافاتج شي طيبة سؤال
طيبة:ايي سئلي
لمياء: عادي البس برمودات
طيبة:شوفي ورة الغدة من تخلصين تعالي اعلمج علة بيتنة
لمياء:تمام صيحيلهم علة الغدة
طيبة:تمام
راحت صاحتلهم وحطيت الاكل وكعدو وانا محتارة اكعد وياهم لو لا احسن شي اروح اذا يردون اكل وياهم يصيحولي
رحت بلمطبخ وانا ميتة جوع وعدتي تئذيني
رويدة:يلفصلية
لمياء: استغفرالله...نعم
رويدة:حطيلي بعد
لمياء:صافنة وكتلة خلصتي
رويدة:عينج عساها فكس يلة صبيلي
مهدي:ليش متاكلين
لمياء:لا رد
رويدة:لا ويع الفصلية تاكل نفس الطاولة ويع لا
مهدي:رويدة.....جيبيلج صحن واكلي
صبيتلهة ورجعت جبتلي صحن وكعدت اكل وخلص صحني استحيت ارجع اصبلي فسكتت خلصو شلت المواعين غسلتهن وصبيتلهم جاي ورحت لغرفتي كلش تعبانة من البارحة لا نوم واكلت شوي لبست برمودة ليموني ونمت بسابع نومة
طيبة:دك دك دك ياهل دار
لمياء:لا رد
طيبة:دك دك دك
لمياء:لارد
طيبة دخلت شفتهة نايمة دزيتهة
طيبة:لمياء كعدي خل نسولف لمياء
لمياء:لا رد
طيبة:عزة البنية صار بيهة شي ولك مهدي تعال
مهدي:شبيج شصار شبيهة هاي
طيبة:مادري ما تتحرك
مهدي:جيبي ماي
طيبة راح تجيب ماي
مهدي ذب علة وجهة ماي
لمياء:ييييي شبيكم
الكل:صافن
لمياء:شبيكم شنو صار
طيبة:بيج شي
لمياء:لا جنت نايمة
مهدي:هو هذا نوم جنج ميتة
رويدة:بدة الدلع
الكل طلع بقة بس طيبة
طيبة:ياعيني هسة هاذة الي لابستة مقبول وطبخ لازم بي لحم او دجاج انا اكثر اوقاتي دراسة و بغرفتي مهدي يطلع يدخل للبيت بس بوقت الغدةو بوقت العشة ومن يريد ينام
لمياء:اهووو يعني بوجهي رويدة
طيبة:ترة رويدة كلبها طيب بس تكابر
لمياء:انتي يا صف
طيبة:سادس علمي
لمياء:هه نفسي
طيبة:صدك ندرس سوة
لمياء:هه شندرس شلون اداوم
طيبة:درسي بلبيت بس امتحني بلمدرسة
لمياء:الله كريم علعموم كم ساعة
طيبة:هسة ب٦ لازم تسوين عشة وعلعشة نحب ناكل ثكيل مو خفايف
لمياء:تردين صدك ماعرف اطبخ
طيبة:ترة كلشي عندج بورك مجمد كبة مجمدة دولمة مجمدة كلشي بلفريزر
يتبع.....
أنت تقرأ
انا والحياة💗
ChickLit"بنت عراقية مدللة وقوية تعيش حياة مئساوية كلمة المستحيل لا يوجد لها معنى في قاموسها هل ينهي بها المطاف بين الحفر ام ستنجو بأطباعها القوية تابعوا القصة. (خيالية/مبالغة) باللهجة العراقية?
