انا والحياة💗

14

لمياء
كعدنة ناكل بسكوت
لمياء:اهووووووووو ترة ملل
رامي:شسويلج اركصلج
لمياء:تعرف تركص
رامي:😠😠😡
لمياء:اسفة اسفة
رامي:يلة خل نروح
لمياء:بس جاي اكل
رامي:اكلي بلبيت
لمياء:بس جاي اتعشة هنا
رامي:انتي تعشيتي او ما تعشيتي راح ترجعين تاكلين بلبيت
لمياء:شعليك انت مراقبني
رامي:كملي اكلج
لمياء:ماريد سديت نفسي
رامي:لعد يلة نروح
لمياء:ويين
رامي:للكبور بعد وين للبيت
لمياء:ماريد
رامي:بدت سوالف المزعطة اللهم طولج ياروح بنتي انت شكد عمرج
لمياء:19😒😒
رامي:هة لو 17 بيهة مجال نكول طفلة وج بعد شكبرج تصيرين انا مايعجبني دلع
لمياء:ولله انت لو رافض جا مصار هيج بس حضرتك وافقت وامشي يلة ضجت
رامي:لا تتئمرين علي فهمتي اضوج احد يتئمر علي
لمياء:بلاب بلاب بلاب خلصت
رامي:اي
لمياء:لعد يلة ادفع الحساب
رامي دفع الحساب و رحنة للسيارة ركبنة شغلت شيلة زلزلة سعودية واحجي وياها كام قصي وطفة الاغنية
لمياء:هاي ليش
رامي: راسي صدع من صوت كافي متملين
لمياء:لا ما امل
رامي خزر لمياء صار يخوف:عينج علطريق وبلا صوت
لمياء:خفت من شكلة وكمت اسوق مليت
لمياء:اوووف ترة مليت احنة نمشي علة أوامر حضرتك
رامي بثقة:طبعا
لمياء:شغلة اغنية مال محمد سالم احنا شباب وهو ما سوة شي اضاهر عجبتة وصلنة للبيت دخلت السيارة وفتنة للبيت ولكينة والكل كاعد بلاستقبال بابتسامة من الاذن للاذن
لمياء:اعوذ بلله عدللو وجوهكم لا تشنج علعموم هلاو هلاو بدون تصفيق اني اجيت راح ابدل وبابا ابيك بكلمة راس انت و رئفت
قصي: صار بيهة اجتماعات سرية خير
لمياء:هاك لكيت خشمك بنص سالفة وشمرت ايدهة بلهوة عساس خشم قصي
لمياء:لتدخل بشي ميعنيلك ماشي حبي ورحت ابدل ونزلت لمكتب بابا
رئفت:خير يا طير شنو المشكلة الي مصخمتهة
لمياء:امداك عود اريد ازوجك
رئفت:ليمونة حياتي منو الي راح اتزوجهة
لمياء: بطلت ما ازوجك😒😒
بابا:احححم شنو شو صارت بيهة زواج لعد احنة شنو موجودين هنا
لمياء:اسفة بابا نسيتك
بابا:نسيتيني موووو جيبي سويج سيارة
لمياء:لا يا بابا ياحبيبي اصلا انسة ماما وما انساك دخلت ماما من الباب
ماما:تنسيني مووووو ولج
انا ورئفت وبابا صافنين
لمياء:رحت اباوع للباب الكل واكف ......انتو شجابكك هناااا ياااااا ولكم تصنتون ماعيب عليكم ماما عود انتي جبيرة ومرت عمي لا ورولا ولين ولانا مريم مو هلساس حامل وبطنج بيهة واوا شو واكفة
صارت وجوهم تذب الوان
بابا:الكل يطلع شلون توكفون تسمعون
لمياء:طلع الكل .......بابا ليش ما باجر نروح لبيت ابو مصطفى حتة نرتاح من العلة مالتة وعندي خطة لان خطية زمن اابارحة خابرتهة اتكول من عرست لهسة محد خابرني شنو فتكيتو مني خطية عرس مثل الاوادم ماسوت
بابا: ماشي باجر تروح امج ومرت عمج لبيت ابو مصطفى ونرتاح من العلة العدنة و زمن راح اخليهة عليج ثقتي بيج عالية
لمياء:رحت حضنت بابا وبستة من خدة وكتلة شكرا باباتي
رئفت:ترة العلة بعدة كاعدة هنانة
ضحكنة انا وبابا بعدين رئفت هم ضحك دخل قصي
قصي:عيني احنة هم نريد نضحك ترة ضجنة
لمياء:ركضت لقصي وطفرت علة ضهرة كتلة اي اي نتونس راح نزوج اخوك ونركص ونفتك من العلة
قصي:ولج انزلي ولج دبة صرتي19 سنة مو 16 اكو احد ضاحك عليج وكايلج انتي خفيفة نزلت وكضيت قصي من اذنة
لمياء:ولك ممنو دبة
قصي:يمااا ضهري ولج انكسر واذني راح تنشلع
لمياء:بصياح ولك منو دبة
قصي:مريم ولله مريم
مريم وهي بلهول:وللك قصي انا دبة هااا
قصي:انااا ولله انااا دب كلنة ضحكنة وتونسنة ورة الكعدة الحلوة وسالف بابا وعمي عن ايام زمان وحاجينة ماما عن رئفت وزواجة وباجر راح تروح تخطب ومن سوالف بابا طلع عدنة بيت باربيل ملك لبابا ولعمي ورثو من جدي وعمي ابو مريم عندة بيت باسمة بس نص مساحة هذا البيت يعني كل واحد عندة ورث بيت مساحة 600 متر والبيت مال أربيل مساحتة 1200 مترة كلنة تعجبنة مساحة كلش جبير صارت ساعة 12 والك راح لغرفتة رحت لغرفتي ونمت نومة موتة
°°°في اليوم التالي°°°ساعة 3 الضهر
ماما:ولج كومي ولج مو كلبي خلص وصوتي راح ولج كووووومي
لمياء:ممممممم
ماما:ولج ماضل واحد ماكعدج لين ولانا ورئفت ورولا وقصي ذب عليج ماي وابوج اجالج عبالة ميتة ادري نومة اهل الكهف دكعدي
لمياء:ماااااا يعني مااااا وخرو عني شعليكم بية ولكم وخروو عني
طلعت امي ورجعت نمت وكعدت علة كف خلة اذني تسوي صوت صصصصصصص
لمياء:يماااااااا هجمو علينة اشهد ان لا الله الا الله واشهد ان محم..... قاطعهة صوت رامي
رامي:كومي ادري ميتة موتج كتل ماكعدتي
لمياء: وكفت علة جرباية وانت منو سمحلك تمد ايدك علي هاا ولك اذا اكل لبابا يعلكك من ذاناتك علبنكة باباااااا تعال شوف ابن اخوك اجة رامي سحبني من ايدي وجرني بعيد عن جرباية بحيث بطفرة وحدة وصلتلة وخلة ايدة علة حلكي
رامي:ششششششش فضحتينة
لمياء:وخرت عنة وكتلة اطلع اشو هذا  قفل الباب يدنة وانا ارجع يدنة وانا ارجع اخر شي طخيت بجربتية وطحت علجرباية رجعت كعدت علجرباية
لمياء:اااطلع بببرة
رامي بصوت همس يذوب صخر:خايفة قابل شراح اسويلج
لمياء:ذبت بصوتة بس صحيت وكتلة اااطلع
اجة وحط ايدة ورة راسي وايد علة خصري وباسني بوسة بيهة حنان ماجذب عليكم عجبتني وذبت خدرت لدرجة رجلي ماحملوني هو حاضني من خصري بس يوخر اطيح بوسة طويلة واتنفس نفسة ويتنفس نفسي بس ماتحملت وبعد مدري شصار كعدت اباوع ااساعة6  كلت يااااا صخام  نمت ليوم ثاني عبالي نمت  يومين اذكرت الصار البارحة حسب تفكيري  ادري بوسة لو منوم بس كعدت نشيطة دخلت سبحت وبدلت ملابسي مشطت ونزلت وشفت الكل كاعد
لمياء بأستغراب:صباح الخير
الكل: هههههههههه
لمياء: ادري مستغربين لان كاعدة من وكت
الكل:ضحك بس اقوى
لمياء: شبيكم
لمياء:اولا يا صباح الساعة 6 المغرب ثانيا يا من وكت صارت دنيا ليل
لمياء:يعني البارحة تعشينة انا ورامي برة مو اول البارحة
الكل:ههههههههههههههههههه ميتين ضحك
لمياء:اهوووووووو شبيكم شمدريني مصطورة صطر
رحت للمطبخ اشرب ماي واجة رامي
رامي:ادري بوستي سحرية بس ماتوقعت هيج تئثر عليج
لمياء:انا غصيت وطلع الماي من خشمي رامي يضرب ضهر وايدة ثكيلة
لمياء:اييي عل..كيفك ضهري..
اريدة
رامي:مو صوجج راد يطلع قبل ميطلع اجة علي وصار قريب انا عبالي حيبوسني غمضت عيني اشو هذا شاوني(همس بأذني) اذا تردين كل يومية ابوسج حتة تنامين انا خجلت وفتحت عيوني علة وسعهن ومتت خجل هو ابتسم وطلع شربت ماي ورحت يمهم
لمياء:ماما رحتي لبيت ابو مصطفى
ماما:ايي رحت كالو ب9 يردون خبر
لمياء:مدام ب9 يعني موافقين كعدنة نسولف عادي
بابا:انسوي خطبةلمياء ورامي الاحد(ملاحضة اليوم اربعاء) وخطبة رئفت الاثنين اذا وافقوا اهل البنية
لمياء:ليييش
بابا:عندج اعتراض
لمياء:يييي...اقصد مالحك
بابا:من باجر طلعو
لمياء:هففففف ماشي
ورة شوي كامت ماما وعمتي يسوون العشاء
لين:ملل
لانا:مي تو
لمياء:كلش ضوجة
مريم:اكثر مما تصورون
قصي:كلش ضوجة وملل ولعبان نفس
لمياء:انت اخر واحد تحجي عن ضوجة انتو الولد بس ضوجون رحتو لكوفي شوب
قصي:علساس انتي موليوم طالعة
لمياء:بس هسة مالي خلك اكوم ابدل
رولا:خل نلعب
رئفت:مثل شنو؟؟؟؟
لمياء:خطرت علة بالي لعبة
بابا:لعد ابو رامي كوم خل نروح للمكتب مدام بقة بس الزعاطيط هنا
عبدلله:ماقصرت بابا
لمياء:نلعب صراحة او تحدي منو يلعب
رولا:العب
لين ولانا:احنة هم نلعب
مريم:العب
قصي:وانا هم
رئفت:انا ايضا
عبدلله:امري لله العب
الكل ايباوع لرامي
رامي:هااا ليش تباوعولي هغفففف ماشي العب
كعدنة دائرة وفريت البطل طلع قصي ورولا
رولا:صراحة او تحدي
قصي:صراحة
رولا:مممممم اكو يوم رقمت بنية بعد زواج
قصي:سؤال صعب
رئفت:لازم الصراحة
قصي:مممممم مرة وحدة
مريم:انا الك😡😡
رولا:سوري بس فضول
قصي:فضولج وداني حبل المشنقة😒😒
الكل:ههههههههههه عدا مريم وقصي
رجعت لفيت البطل صار علي وعلة رامي
لمياء:صراحة لو تحدي
رامي:تحدي
امياء:مممممممم😈😈
رئفت:يحرام له له له ختية
عبدلله:ولله الله يعينك طحت بين ايدين اشرار
لمياء:راح اكوم اوكف وانت اركع وبوس ايدي وكلي انا اسف وانتي اميرة وانا حمار طبعا اصورك بتلفوني
الكل😱😱
رامي: مستحيل
لمياء:قانون اذا ماسويت تحدي انضل اسبوع انسميك مرية(امراءة)
لين:خلص لمياء كافي حبابة
لانا:يي لمياء مالة داعي
لمياء:لا الة داعي كامت وكفت وانطت تلفون لرولا حتة تصور ومدت ايدهة رامي مسك ايدهة وضغط حيل بس لمياء سكتت
رامي:انا اسف وانتي اميرة وضغط اقوة وانا حمار باس ايدهة وتركهة وراح
عبدلله:حيوانة ملكيتي غير هذا التحدي
لمياء:وهي تمسح مكان الالم مال ايدهة ....بكيفي تحدي مالي و بكيفي
اخذت تلفوني من رولا وشفت التصوير عجبني المهم
ماما:يله عيني عشة
يتبع.........