تعشينة بس محد حجة انا ضجت ومليت كلش
لمياء:بابا وين صاير بيت جدو هذا الجبيير
بابا: بأربيل
لمياء:خل نروحلنة
بابا:مانكدر
عمي:ليش خوش فكرة
بابا:عدهة امتحانات
لمياء كامت تبجئ
رولا:يااا ولج شبيج
لمياء:نسيت امتحاناتي وتشهك بصوت عالي
بابا:ولج بعد شهر
لمياء:ممالحك ولكم مالحك
بابا:من باجر درسي
لمياء:موحضرتكم تردون تعرسوني
بابا:مايئثر خلي رولا تسوي ترتيبات
لمياء:بابا ليش بس فهمني ليش منين طلعتو سالفة زواج بس فهموني مثكلة عليكم اذا مثكلة كولو بابا انتو بهذا القرار قتلتو احلامي كلهة بابا انا مو كد المسئولية ترة انا مو ذيج لمياء القوية بابا رجاءً خليني انا احدد الموعد وانا اتصرف بابا رجاءً لا ترفضلي هل طلب بابا ترة انا اكثر وحدة اتئذيت بقراراتكم هاي وانا الي راح اتئذة وانا الضحية بكل الي دتسوو دمرتوني ودمرتو احلامي رحت فصلية وفقدت كلشي حتة ش(بهلحضة خزرتني رولا وغيرت حجيي)حتة احتفالي بعيد ميلادي الي جان اهز المحافضة بلصعاديات بابا ولله دمرت وتئذيت عمليتي انفتحت مرتين بابا مرتين الخيوط لهسة ما شلتهم تدرون ليش لان انفتحت بابا تدري طبخت تدري غسلت مطابخ واماعين وانا الي جنت حتة بيضة مااعرف اسوي وبعد وبعد بس خاف احجي وانوب تكولون مامترباية رحت ركضت لغرفتي وقفلت الغرفة وضليت ابجي بحركة وبفرحة لان كدرت احجي هيج كمت ادرس
بعد شهر خل نكلكم شصار خلال هذاالشهر كل شخصية تحجي شنو تغير بهلشهر
بابا:انقرهت من كلام لمياء وحجيهة صحيح بس هذا القدر ومابيد شي الهة لان القرار هذا لمصلحتهة
امي:انقهرت علة بنتي وما جنت ادري انو لميائتي هيج متئذية ومحملة بكلبهة علينة بس هل قرار من مصلحتهة
عمي:لمياء مثل بنتي حاولت الغي الخطوبة بس فكرت انو هلشي من مصلحتهم ثنينهم
رولا:طبعا انقهرت علة لمياء بس عرفت خلال هلشهر اني حامل بلشهر الثالث كلش فرحت بس همين مقهورة علة حبيبة كلبي لولو
مريم:ماكو شي جديد غير اني صرت بلشهر السادس والصراحة حالة البيت صعبة الان الكل مقهو علة لمياء صارلهة شهر مطالعة من الغرفة
قصي:حسيت اختي ضامة شي وهل شي خطير لذلك ترفض حابب اعرف بس مو من باب انو تدخل واختي لازم اتشدد عليها لا من باب الفضول وحمايتي لاختي
عبدلله:عرفت انو حبب حياتي رورة حامل بس كتلهة لا تكولين الاحد خل نفاجئهم بلوقت المناسب
رامي:حسيت لمياء مو بس ماتحبني لاا عدهة شي وانتبهت قبل علغدة من خزرتهة رولا جنت رايد اترك كلشي ومتزوجهة بس من غمزت رولا للمياء تمسكت بهلزواج حتة اعرف مو انا الي ترفضني بنية وخاصتا لمياء اندمهة علفيديو هذا
لين ولانا:لا جديد
رئفت:تم قبول علي وصارت اتصالات بيني وبين ميس(خطيبة المستقبل) حبيبتي وهمين ضايج علة لمياء لان هي الهة الفضل
لمياء:مرر شهر ماطلع من الغرفة اطلب اكل من برة ورولا اجيبة الي بس ماحاجيهم صح مليت بس مدري حسيت عقاب حلو وطبعا فلست الكتب تفليس كطعتهم عيوني نطو من القراءة. تركت الفون وغلقتة طبعا شي غريب كملت كل كتبي ودرست وحطيت ببالي طبب جراحة اريد طب مدري مرة من المرات كتبت وصية مدري كلبي وعقلي كلولي كتبي وصية خاف اموت كتبت وصية للكل وحطيتة بجرارة مال الجرباية اصير جوة المهم
\{يوم امتحاني}\
كعدت ساعة 4 ونص راجعت و بدلت الصراحة اشتاقيت للزي لبست زي المدرسة وطبعا عرفت امتحاني وين لان انا دور ثاني اخذت سويج ورحت طلعت بدون كلمة جانت ساعة سبعة واغلب العائلة متجمعة مو كلهم حتة صباح الخير ماكو رحت طلعت سيارتي وحطيت نسم علينا الهوة مال فيروز والجو حلو بداية شتاء وصلت طبعا ولد وبنات والكل اباوع هيج😲😱😳😵 نزلت قفلت سيارة وتئكدت انها مقفولة ورحت دخلت المدرسة وهدوء وصلت لنص الساحة وهدوء والعيون علي
لمياء بصياح:شايفين جني لو الاسئلة علة كصتي مكتوبة عيونكم راح تنفجر دربالكم
وصلت لمكان بي كعدة كعدت اقراء وكل الولد صارو مافاهمين المادة وانا اشطر وحدة طبعا اكو سيارات رياضية واكفة بلباب بس لان انا بنية دك جرس دخلت للامتحان وحليت حسيت الاسئلة ماااااي وفاهية والغش صاير بلفس طلعت ورحت كعدت اكل اشتريت لفة وبيبسي لان ماتريكت بلبيت ولسة الوقت بعدة طلعت من وكت كعدت علكرسي يم المطعم الاخذت منة اكل واهز برجلي والعب بلفون اجة يمي شاب ماريد ابالغ بس ياناس صاااااك صاااااك باوعتلة ماردت اشيل عيني عنة بس وخرت عيني ورجعت العب بلفون
الشاب: مرحبا
لمياء:بدت رحمة الله خييبير
الشاب:السلام لله
لمياء:مراحب
الشاب:عيني مم...
لمياء:فكس عيونك ان شاء الله
الشاب:لا تفهمين غلط بس سيارتج عائق علة سيارتي
لمياء:تفشلت يا سيارة
يتبع.....
أنت تقرأ
انا والحياة💗
ChickLit"بنت عراقية مدللة وقوية تعيش حياة مئساوية كلمة المستحيل لا يوجد لها معنى في قاموسها هل ينهي بها المطاف بين الحفر ام ستنجو بأطباعها القوية تابعوا القصة. (خيالية/مبالغة) باللهجة العراقية?
