انا والحياة💗

16

لمياء:عاااااا صدك تفشلت .....يا سيارة
الشاب:ليش مو انتي حديث الصباح الصاكة ام الجارجر
لمياء:مو هاي الصاكة ام الجارجر(مدري شبية انثولت)
الشاب:اسف اختي ضوجتج
لمياء:لا عادي وراح الصاك هفففف يخبل
خلصت لفتي وعصيلي ضميت تلفوني بجنطتي ورحت لسيارتي ولكيت الشاب واكف يم السيارة الي يمي هسة فهمت شيقصد لكيت سيارتي صايرة فلم اباوع وحلكي طاح بلكاع كلهة اوراق وارقام مكتوبة بتراب
الشاب:اختي متعرفين صاحبة سيارة ناس غبية اكو واحد هيج يصفط سيارتة اذا ماتعرف شكو مشترية نعال علة راسها وراس الخلفوها مو انسمطت وانسمط ابو ابوي بلتعب رجلي طاحن
لمياء:متعجبة علة حجيهة...هاي عليمن
الشاب:هاي ثولة ام سيارة اكولون عليها صاكة هسة تطلع زركة وعبدة
لمياء:بدون اي صوت كبست علسويج وانفتحت سيارة يعني طلعت صوت طوط طوط
ااشاب:صافن
لمياء:انا صاحبة السيارة وانا الغبية وانا الي نعال علة راسي وراس الغلفوي فتحت الباب ركبت و حركت بتفحيط رحت مطعم اجيب غدة ووصلت للبيت  ساعة 11 ونص والكل موجود يحاجوني وما ارد وانا اصعد الدرج
ماما:شلونج بنتي بلامتحان
لمياء:زينة...مجنت اريد ارد  بس ادري راح تضل تحوس حتة تعرف شلوني
صعدت بدلت وطفرت علة جربايتي جنت نعسانة بس اكلت ونمت وقتت تلفوني علساعة 3 ونص جنت دارسة المادة بس مراجعة نمت وكعدت ب 4 ماهتميت جنت دارسة كعدت درست ورجعت نمت ليوم ثاني  بدون عشة بدلت وجنت نعسانة كلش رحت لسيارة صادف اليوم خميس رحت امتحن طبكت سيارة ونزلت اول ما دخلت اجة الشاب بوجهي
الشاب:صباحو
لمياء وهي تكمل مشي:اهلا
الشاب:ترة اسف مو قصدي مجنت ادري انتي صاحبة سيارة
لمياء:ما اهتميت
الشاب:انتي ليش متكبرة وخابصة نفسج
لمياء وكفت عن المشي:ههههههه
ااشاب:ايش تضحكين
لمياء:ههههه انا متكبرة
الشاب:ييي انت خابصة نفسج يعني لان عندج سيارة
لمياء وهي تصفق:عفية برافوو اهني الشعب العراقي علة هيج عقول يعني لان انا بنية وعندي سيارة لازم اكون متكبرة ونفسية ولان الله ناعم علينا اكون نفسية ولان ماحاجي شباب اكون متكبرة شهل تفكير ترة البنات حالهة حالكم واعترف اطلع وادخل بكيفي والبس وافتر بكيفي لان انا بنية متكبرة مثل ماحضرتك تفضلت عندك مانع اذا عندك المدرسة بيهة اكثر من حايط لك كافي غسلو هذا(تئشر علة دماغ) مافي مو مليان زنجار(صدء/مصدي) بابا ارتقو شوية واذا بنية وعندي سيارة يعني الله حاط علي علامة(استغفر الله)
الشاب:😳😳
لمياء:دك جرس ورحنة للتفتيش ودخلت امتحن خلصت امتحان يعني مو ذيج الصعوبة طلعت بس هل مرة مجايبة الفون كعدت علمسطبات افكر انو دائما المرأة ضحية المجتمع الفاسد مثل مجتمعنة العراقي كل شي حرام وعيب اصلا التفكير العراقي المرأة بكبرهة عورة شنو تسوي هذا عيب هذاك حرام وهذا كفر وهذا عصيان اوامر الله مامرنة نكون هيج ياما المرأة ساهمت بتطور المجتمع اصلا لو ما المرأة زلم وشوارب وعكل(عكال ما غترة) ماكو لو ما المرأة لا اينشتاين ولا بيكاسو و لا دافنشي ولا هتلر ولا ولا المرأة المكون الاول بهذا المجتمع المرأة هي الجدة وهي الام وهي البنت وهي الزوجة وهي الحبيبة وهي طفلة وهي .. قاطع تفكيري
الشاب:اسف
لمياء:علة شنو
الشاب:علة كلشي
لمياء وهي تريد تكوم وتروح السيارتهة:مقبول
الشاب:طلعتي حلوة مو زركة
لمياء:شكرا
وردت اروح ورة كم خطوة
الشاب بصياح:عازمج علغدة
لمياء:ماكدر
الشاب:عذة اعتذار وتعارف
لمياء:ساعة 11 ونص يا غدة
الشاب: اوك لعد ريوك
لمياء:اول واخر مرة بس لان جوعانة
الشاب:اسمي جهاد
لمياء:اسمي.. قاطعة جهاد
جهاد:لمياء اسمج لمياء موصح
لمياء:شعرفك
جهاد:انتي صاكة ام الجارجر
لمياء:هااااا يلة انا بسيارتي وانت بسيارتك
جهاد:تسوين سباق
لمياء بابتسامة:حلمي اسوي سباق بسارتي
جهاد:يلة
لمياء:رحنة لسياراتنا وطلعت سيارتة دوج ابيض تبادلنة الارقام وركبت دزيت مسج لرولا
لمياء:انا اتئخر ليضل بالكم
وركبت وسقت سرعة هو صار وراي
جهاد:خرب ولك هاي شنووووو عود كلت امشي خفيف خاف ماتعرف او تخاف صدك كيدهن عيظيم جماعة حواء
لمياء:وصلت طريق وقربت للمطعم واكدر المح جهاد شوي وحاوطتني همرات سود من جات الاربعة رفعت جام وقفلت الابواب خفت كلشش نزل واحد وكلي نزلي بسرعة انا كمت وحطيت فلفل اسود باكمام القميص ونزلت حسيت شي علة خشمي رئسا وقفت نفسي حتة لا اتخدر وسويت نفسي اغمئ علي ونقلوني سيارة بصندوك طلعت تلفوني من جيب القميص صاير جوة السدرية وارسلت رسالة لجهاد
لمياء:جهاد الحك انا انخطفت ساعدني))
كلش اختنكت وما ضل نفس  كمت شغلت تسجيل صوت وحطيت تلفوني بصدري ورجعت سويت نفسي مغمى علي جنت احس سيارة تمشي بسرعة موطبيعية طايرة طيران وفجئة كضت بريك ونزلو اسمع صوت اكثر من باب انفتح اربع ابواب ايي اربع ابواب انفتح باب الصندوك ونزلوني جان واحد شايلني ويشم بركبتي اجاني شعور القشعريرة
شاب¹:فيييش شهل ريحة ماجذبت من كلت خوش صيدة
شاب²:شراح سوي بيهة
شارب¹:كرصة صغيرة انوب نشمرهة
لمياء:انا اسمع واحس انهم يصعدون درج وصلو وفتحو باب ماجازفت وفتحت نص عيني حتة لا انكشف حسيت نفسي انشمرت علة جرباية ريحة مالت المكان مقرفة ريحة  مشروب مرة شميتهة بمطعم بلبنان اذكرها
شاب³:يلة عيني اكرصها شتنتضر لا تكعد
شاب¹:هو هذا المطلوب تكعد حتة تحس بلكرصة ربطوهة بلسرير
شاب²:تمام
اجة ربط رجل بحافة ورجل ثانية بحافة ايد بحافة وصل لايدي الي بيهة الفلفل
شاب²:باوع شلكيت
الشاب¹:ولله ذكية بس مو اذكى مني
شاب³:صدك خوش صيدة
الشاب¹:يييي شوي تغيير روتين مو كلة ساقطات وكح...
الشاب³: انت تفتح المشروع مووو
**********************
هلاو انا عروبة حبيت اذكركم بيهم
الشاب¹:هذا علي 
الشاب²:وائل
الشاب³:حسن
حبيت اعرفكم عليهم شراح يصير يلة نرجع للقصة
***********************
حسن:انت تفتتح المشروع موو
علي: لا اخليهة لوائل احسن
وائل:انا مالي علاقة من الاول كتلكم مالي علاقة
علي:ولك انت موتتونس من نجيب ساقط..
وائل:ييي انت كلت ساقط.. هسة انت خطفت بنية وهي راجعة من مدرستهة بلله مخطوبة مزوجة سوتلك شي  تخرب سمعت ابوك
علي: فلسين ويسكتهم
وائل:ولك لا تخبلني فلسين حطهن بخشمك انت شفت سيارتهة ها تسكت بفلسين لو ندفع ورث ابوي وابوك مايسكتون افضحونة
علي:ههههه دربالك لا يطكلك عرق ليش خايف براس كل واحد طلقة براسة ووادي سلام بي مكان فضت سالفة
وائل:شيخلص السالفة
علي:ولك جبان شبيك انت تدري ابوك وابوي شيسوون بيهم
وائل:لا تكول جبان اثول فضنة من سالفة خل نذبهة ببابهم
حسن:ولله جنهة كعدت عليوي كعدت
لمياء:سمعت حجيهم وتلفوني يسجل وكل خوفي انكشف وبعدين سويت نفسي توني كعدت ومن هذا الولد صاح ولك عليوي كعدت خفت وعرفت ابو العصابة هذا اسمة علي واجة تقرب مني
علي:ءءءءف اختيار موفق يا علي ابن زهير
لمياء بصريخ مفزوعة:عوفوني شتريدون مني
علي ويقلد صوت الاطفال:تلقيح لا تخافين مايئذي بس نلقحج ونرجعج لباباتج
لمياء: ولك عوفني انطيك فلوس دنيا بس عوفوني
حسن:هي هي فلوس دنيا ولج هذا علي ابن زهير
علي:لا تخافين مايئذي بس عدنة طلب صغير طلع سجينة صغير وخلاها علة خصري كلي اريدج تبتسمين وتباوعين للكامرة  هاي  يلة شطورة
لمياء:حباب عوفني لازم ارجع لبيتنة ووراي امتحانات
علي:بابا هي بس ابتسامة رايدين حتة ما نئذيج واذا علة التلقيح مايئذي جكة صغير قابل انتي طفلة
وائل:ولك عاي خل نذبهة علة بيتهم لا هذا جهاد يحس
لمياء:يا جهاد
علي:هااا خل انسولفلج
*****فلاش باااك*****قبل امتحان لمياء
علي:ولك جهاد هي صديقة سوت بينة مقلب انريد انريد انردة الهة
جهاد:افا عليك سهلة بس وين الكاها وشسمه
عاي:اسمهة لمياء خالد محسن رايديك تتعرف عليها راح تمتحن سادس خارجي باجر بمدرسة***** نفس المدرسة مالتك اعزمهة واحنة نسوي المقلب
جهاد:تمام
**********************فلاش ايند
لمياء:اسودت الدنية وكمت ماشوف وعيوني سود ماكو ضوة ولا شي انعميت
علي:اي عيني ابتسمي للكامرة
لمياء:علة جثتي اندمكم ولله واحد واحد (وانا ساكتة لان عيوني ماشوف شي)كام وضغط علسجينة بخاصرتي واذتني اضطريت ابتسم
علي:اييي عفية هيج هسة لا تخفين بس خليج مبتسمة
لمياء:ضليت مبتسمة  وعيوني ضلت تصب دموع مثل شلال وهو فوكي حسيت بكره لنفسي وعيوني كلشي ماشوف انعميت وراسي حسيتة انفجر وكلشي ماحست
علي:هففف تم ولله الشريفة اتعب الواحد
وائل:ان شاء الله ب اختك
علي:عود من يصير اجي اهفك بوكس عدلي ملابسهة وربطهة نذبهة يم اهلهة فاقدة الوعي
الي صار رفعوا ملابهسة وصوروها صور غير لائقة  ووائل يصور وبلتصوير مبتسمة وفاتحة عيونهة ربطوها وطلعوها وهي بنص ااطريق صحت ماكدرت تصرخ لان حسن حاط سجينة بخاصرتهة وعيونهة تغوش وترجع تغوش وترجع وصلوها لمكان سيارتهة حجة بأذنهة
علي:شايفة هذا التصوير كل الكرة الارضية راح تشوفة اذا عرفوا دليل عن الي صار واخذي عبرة بعد لا تتمادين وية الاكبر منج مستوى ولا ترفعين راسج هواي ترة ركبتج تنكسر مثل هسة ونتر بيهة فهمتي
هزت راسهة بنعم
شمروها يم سيارتهة بنص العالم وشمرولها سويج سيارة ماكدرت تمشي لان دتئذة زحفت لسيارة والعالم   تباوع ومحد ساعدهة ركبت بسيارة وايديهة ترجف تسوق بلكوة طلعت تلفونهة لكت شحن 2 وكفت تسجيل حتة ينحفض بلجهاز وشمرتة بسيارة وصلت للبيت حوالي ساعة 10 دكت الباب وهي خايفة فتحلهة رامي
رامي: هلو عيني هلو ياب بعد وكت لو ضالة بعد كمشهة من شعرها ودخلهة وين جنتي
لمياء:وخر ايدك ماناقصتك بابا تعال شوفة تحجي بصوت يرجف وخانكتهة
بابا:لاا رامي لا تلمسهة بنتي لمياء وين جنتي
لمياء:جنت بلمول
رئفت:ويامن جنت
لمياء:وحدي
رئفت بصياح:شسوين وحدج
لمياء برجفة:اشتري اغراض واتسوق
رئفت:ماشاء الله مشترية المول كلة وعلة نبرة صوتة وين الي اشتريتيهم
لمياء:ماعجبني شي
رامي:ايي عيني وين كاعدين تفترين بلمولات وما تكليلنة وتجين بل10 بليل بدون ما تشترين شي
لمياء:بس انا كلت للرولا
رولا:ايي وانا كلتلكم انو هي كالت راح تتئخر
رئفت بصياح عااي كلش:تتئخرين لل4 ل 6 مو لل10 بليل
لمياء:اوووو عوفوني ورحت لغرفتي  بجيت واكسر بكلشي بلغرفة ورحت للحمام شغلت دوش وانا بملابسي
يتبع........