بقـلمي اسـااااور العـزززاوي ...
ميار تحضرت وكملت اخذوني استبرق ونامق اقصد خاله فهيمة للبيت مالتهم
وصلنا ماكوو احد ...
فهيمة هاي اختة راحت العيالها
ميار عايش هو واخته هنا...
فهيمة شعليج ليش تتسألين طلعت الجهاز واتصلت بِـ راكان..
راكان ... هلا خيتي تفضلي
فهيمة عيني احنه بالباب والبنيه ويانه شو ماكو احد..
راكان مسافة الطريق ماتأخر الباب مفتوح تفضلوو..
فهيمة يله راح انخليها بالبيت ونطلع ماشي
راكان على راحتج خيتي،.
ميار وين خاله شو تروحين
فهيمة ديلا مسويه نفسج متعرفين يعني شنسوي نبقى امشي ولج ام السان
استبرق طلعت فهيمة ولج ماشفته زين خرب حضي اكو عريس يطلع..
ميار تعالي ابقي هنا لتروحين انتي
استبرق دروحي ولج شعندي باقيه يلا حروح عليج الله اخذيله صورة اريد اشوفه صارت حسرة بگلبي..
ميار ههههه دولي ولج ياصورة ..
فهيمة وينج اطلعي عاد..
استبرق جايه جايه ..😒..
ميار ماكدرت افوت جوه بقيت كاعده بالحديقه وحدي وفشلانه من نفسي شلون خلاني علي بموقف اوويلي شلون راح اباوع بوجه الرجال
راكان رجعت للبيت فتحت الباب شفت بنيه كاعده بالحديقه الدنيه ليل .. مانتبهت عليها
سلمت السلام عليكم
ميار ماكدرت ارفع راسي وعليكم السلام
راكان.. تعالي تفضلي ليش برة
دخلت وفتحت الباب..
ميار ياربي والله صعبة شلون حفوت وياه
راكان .. فتت جوه هاي وينها ..
ميار .. دكيت الباب ودخلت...
راكان جنت واكف داكلب بالقنوات مالت التلفزيون وحسيتها دخلت واكفه ورايه
ميار.. بقيت جامده بمكاني ماكدر اكعد
راكان .. انداريت.. وبقيت بصدمة😳
ميار.. اندار بقيت 😨 بس ساكته.
راكان انتي!!!
ميار.. انت مووو!!
راكان اي اني .. الي وصلتج للمستشفى
ميار.. ضحكت .. ودنكت..
راكان ياااااه الدنيه شكد صغيرة...
ميار.. اي ماكدر ارفع راسي
راكان.. كعدي ليش واكفه..
ميار بقيت كاعده على طارف الطخم ..
راكان هسه اجي.. دخلت للمطبخ واني مصدوم هاي الحلووه الي بقت ابالي هي نفسها مامعقوله ..
ميار..يمة گلبي انتهى معقوله شفته من جديد
ياربي هاي شلون صدفة شكد حلوو ولا جنت منتبه الى فدوة ضحكتة تخبل.. اووو اني شبيه
احجي وكأنما هو زوجي ونسيت احنا زواج مؤقت وينج استبرق خرب طلع هو نفسه الصاك بقيت ادردم ويه نفسي..
راكان جبت العشى وخليته كدامها..
ميار وكفت لا ليش جان صيحني اني اسوي
راكان ماكو فرق كعدي ..
ميار لا تعشى انت اني ماريد شكرا
راكان كتلج كعدي شبيج ..
ميار.. عززة يحاجيني بعصبيه شبي
كعدت.. كدامه وعيوني عليه وهو بده ياكل لابس قميص اسود والدكمة مفتوحة نسيت نفسي واني اباوع عليه
راكان.. رفعت راسي عيني صارت بعينها..
ابتسمت ابتسامه خفيفة.. شبيج وين صافنه
ميار .. ها لا بس دافكر شنو وحدك باللييت
راكان عوفي البيت واكلي اكيد جوعانه انتي
تركي الخجل ميفيدج..
ميار نعم😳
راكان بلا اسألة اكلي وكافي يـا... ولو ماعرف اسمج شنو ؟؟ ..
ميار.. اني ميار..
راكان حلو اسمج اني اسمي
ميار اسمك راكان.. اعرف
راكان ههههه وتعرفين اسمي ..!!
ميار .. مو كالو اسمك كدامي وبقى ببالي
راكان.. مممم اكلي عاد تره بديت اضوج..
ميار.. اي هسه ..
راكان عفية بلي تسمع الكلام لتبقين خجلانه مني ماشي .. اني رايح اغسل كملي وتعالي..
ميار.. انداريت عليه شنوو وين اجي كلتها واني صوتي يرجف..
راكان شو اخترعتي يمعودة تعالي سويلي جاي اني مدمن جاي واختي ماكو اليوم ليروح بالج بعيد الحكيني للمطبخ مو للغرفة 😉 ضحكت ومشيت
ميار.. خرب شبيه اليوم حتخبل النوب هو مادعرف طبعه مرة عصبي ومره يحشش ويضحك .. يمة گلبي
كعدت اكلت شوي وشلت الصينيه ورحت للمطبخ
راكان جانت حارة ذبيت القميص بقيت بالفانيلة والبنطرون..
ميار.. دخلت شفته واكف يغسل وبدون قميص
حسيت وجهي يطلع مو حراره بخاااار
بقيت واكفه والصينيه بيدي اباوع على جسمه من فوك ليجوة حيل حلوو..
راكان انداريت شنو كملتي ..!
ميار دنكت اي الحمدلله ذبيت الصينيه ورجعت للهول..
راكان صحت تعالي يمعوده وين رايحة الجاي
ميار ياربي والله استحي افوت دنكت وفتت للمطبخ.. غسلت ايدي اكول اني مااندل كلشي
راكان هنا تلكيهن كلهن اسبح واطلع ماشي
ميار بقيت مدنكة هزيت راسي اي
راكان بقيت اعاملها واكأني اعرفها لان حسيتها منتهية خجل لازم اخليها تشيل شوي هالخجل خطيه صعبه عليها
دخلت للحمام وبقيت افكر بيها شكد حلوه
والاحلى بيها خجلها .. محبوووبه حيل.
ميار صار الجاي صبيته وهو ماكو بقيت بالهول
ماكدر ادخل اصيحه لان هو ديسبح
راكان لبست المنشفة وطلعت بالغرفه انشف شعري فتحت الباب شفتها كاعدها وتبين حيل متوترة.. هسه هاي شلون راح اجيبها للغرفه
لبست وفتحت الباب وصحت ميار تعالي
ميار.. يمة عضامي موبس رجليه ترجف شلون ياربي اخذت الصينية وكفت بالباب هذا الجاي من زمان صبيته يمكن برد تحب اغيرة
راكان تعالي كعدي... مومشكله عادي بارد جيبي
ميار.. كعدت بالكاع على الفراش بقيت ساكته
راكان.. يعني ماعرف من وين ابدي بس
انتي تعرفين هالشي راح يصير مو بأدارتنه
ميار.. اني يحجي وگلبي يدك الف ومااجاوب بس مدنكة راسي بالكاع..
راكان اعرف انتي خجلانه مني واني مراح
اتقرب منج اذا مو انتي موافقه بس المشكله
همه حددو وقت.. يعني لا بيدي ولا بيدج
ميار.. وجهي يطلع نار ماحجيت شي
راكان.. هاي غرفتي وتعرفين اني مامتزوج
هاي جرباية نفر واحد...
ميار.. رفعت راسي يعني شنوو!!
راكان ههههه لا تفزين اقصد عادي نامي على الجربايه واني اذا هاي انام بالهول او هنا بالكاع بكيفج..
ميار ممكن تنطيني وقت اني كلش خجلانه منك
راكان الج كل الوقت والله بس اذا همه انطونا وقت يعني شلون..!
يتبع...
