بقلم الكاتبة اساور العزاوي
استبرق عزيز وامي طالعين
اخذت المبايل وخابرت راكان ،،
راكان كلش ضوجتني من كالت انت وعلي
نفس الشي ليش تقارني بي طلعت جكارة
وطلعت بالطرمة ادخن ..
سمعت المبايل دگ ركضت اشوف منو
باوعت هم بس رقم .. فتحت خط وكلت
الـوو ،،!
استبرق السلام عليكم خويه انت سجاد مو
راكان صوت بنيه ماعرفه وتحجي وهي مخنوگة
ماعرف شبيها .. جاوبت اي نعم منو حضرتج
استبرق اني بنت خالة ميار هي اجتي ويايه
البيت اهلي انهزمت من علي وهذا علي الحقير
اجة اخذها وسحلها من شعرها وبده يضرب
بيها اخذها وراح..
راكان صدك تحجي زين وين اخذهااا
ممكن تحجين ياريت تفهميني
استبرق والله ماعرف وين بس اكيد البيت
اختة فهيمة الله يخليك ساعدها تره ماعدها
احد الكيلها حل..!
راكان ماشي خيتي روحي هسه ..
سديت الخط وصعدت بالسيارة
وطلعت عالشارع باوعت ماكو الضاهر بعدة ماوصل.. بقيت واكف براس الفرع اريد اشوفة
راح يجيبها هنا لو لا بقيت واكف على نار
ميار ليش اجيت انت مورجعت مرتك شدور
بعد بية نزلني هنا بسرعه لا الم الناس عليك
علي ارجعها وغصبا عليج افتهمتي بنت الكلب
اتزوجتي هذا الوصخ الي لحد الان ماطلگ تريدين تخلصين مني هذا اليوم
يطلگج وراح ارجعج اذا ماسليتج سل اني
موعلي
ميار لتغلط على ابويه ابوية بشرفك وبشرف
عشيرتك افتهمت احجي وابجي واتذكرت
من كال هذا ماطلگ يعني راكان بعدة
ممطلگني. لان اني طلبت منة شكد عيب
صيحت عليه ..
علي نزلي بسرعه..
راكان شفت سيارة طبكت ببابهم ونزل منها شاب وفتح الباب الثاني ونزل منها اي هتي ميار
شعرها مفتوح وتبجي..
ميار نزلت بدون نعاال شعري مفتوح سحبني
من دشداشتي وانشكت وايدي كلها طالعه
دفعني بالطرمة
فهيمة هلا هلا اجتي الخاتونة وين جنتي عيني
طلعت عينج وصرتي تنهزمين من البيت
علي والي يكتلج الطريق كله تلاسن وصوتها
عالي
ميار.. عوفوني معليكم بيه عبالك اني دايحة
الك والها والله الا اشتكي عليك بأي حق
تتهجم علينه وتضربني شعليك بية
هاا مكادرك على مرة تضربني
ولو انت متحس ماريد احجي وياك ولا
وية امثالك... انت فد واحد سكير
كاظيها بنات ونسات ميشرفني اكون بعد
زوجة الك اطلع برة بصياح
فهيمة نصي صوتج حقيرة فضحتينة
علي ولج فهيمة دتسمعين نزعت الحزام
تعالي عليه اليوم اشوفج منو السكير اني
هسة صرت ماشرفج صرت اضرب بيها
فهيمة عوفها خلي تولي يمعود راح تموتها
راكان من سمعت عياطها مابقى عقل براسي
صوجي اني خليتها ترجع الهم دفرت
الباب ودخلت جوة
علي واني داضرب بيها اجة واحد ولزمني
من ركبتي وخنگني
راكان شلون تمد ايدك عليها بقيت خانگة
بيدي..
علي اريد احجي ماكدر دفعته وخررر
انت شعليك ليش تدخل
راكان مرتي وتنكسر ايدة الي يمدها عليه
يتخسى الي يخلي عليها وردة افتهمت بصياح
ميار حلكي يذب دم وكفت على صفحة
مصدومة راكان شجابه وشلون هيج
سووة معقولة اكو احد يدافعلي حسيت
روحي ردددت الي نسيت الضرب وكلشي
بقيت بصدمة وبنفس الوقت فرحت
علي هااا خوش والله مرتك مووو
لزمته من قميصة اليوم اطلگها غصبآ عليك
راكان ضربتة ودفعتة على الحايط
ماطلگ وشتريد تسوي سوي يله انگلع
فهيمة احنة اتفقنه وياك .شنو هالحجي
راكان سحبت ميار من ايدها امشي
ويايه يله
ميار وين !!
علي ركضت سحبتها وين ماخذها امشي
ولي لك ناقص عوفهااا
ميار عووفني شعري اخ شبيك ايدي صرت اعيط بصوت عالي
علي ساقطة ولا كلام لتعيطين اني اعلمج
راكان اتحملتك هوايه وخرت ميار
منه ودفعتة عالكاع وكع وصرت نايم فوكاه واضرب. بي كتلك اكسر ايدك اذا تضربها
ميار راكان عوفه راح تموته لاااا يمعود
فهيمة وخرر منة نذل امنة بيك تالي
تطلع هيج الله كريم راح تتحاسب على كل هذا
راكان اشش رجاءآ انتي الثانية ماريذ اسمعج راح اخذ مرتي واطلع اذا
سمعت منك حرف واحد انهي حياتك
مشيت واخذتها من ايدها
علي كعدت شفته اخذها ومشه
جانت اكو حديدة يمي شلتها وضربته على
ضهرة
راكان اخ ولك ناقص تضربني وتنهزم
اذا انت رجاال گابلني بس ذرة رجولة ماعندك
ميار شبيك يااا هاي شسوالك
علي ضربته وطلعت برة
راكان لزمت الحايط من الالم اذاني حيل ضربني وانهزم برة
راكان اذا انت رجال ارجع ولك انت مورجال
علي اشوفك منو المو رجال وانتي اذا ماكسرتج
اني مو علي صعدت بالسيارة ومشيت
راكان امشي اصعدي
ميار ايدك تنزف
راكان كتلج اصعدي وكافي حجي..
ميار اخذني وياه مثل المخبلة بدون حجاب ونعاال رحت وياه للبيت
راكان نزلت كوه امشي من الألم بس مابينت نفسي ..
ميار كعدت على نفس مكاني بالطرمة
راكان كومي فوتي جوة
ميار هسة افوت
راكان كووومي بصياح
ميار وكفت الحيلي خفت منه دخلت جوة كعدت
بالهول بقيت ابجي شسويت اني الرجال شنو
ذنبة تحمل الضرب والمشاكل علمودي
راكان بقيت ماكدر ارفع نفسي من الألم
كعدت بالطرمة دخنت جگارة.،
ميار دخلت للحمام غسلت رجلي وشديت شعري
بس ماعندي ملابس اغير دشداشتي
بقيت لابستها وطلعت برة وكفت يمة شفتة متأذي
راكان ذبيت القميص اريد اشوف شصاير بضهري انداريت لكيتها واكفة وراية
صحت اني شكتلج موكتلج فوتي جوة
ميار داشوف شبيك ضل بالي
راكان فوووتي جووة ومعليج بيه
ميار زين ليش افوت خلي اداوي ضهرك
راكان ولج ملابسج هيج واكفه هنا كل جسمج طالع روحي عاد وكافي ماريد اسمعج
ميار انتبهت اي صحيح صدري نبين
ايدي طالعه علي شكك ملابسي
ماحيت شي طبيت كعدت بالهول
راكان فتت للغرفه باوعت ضهري مجروح
ويحركني..،
دخلت للحمام غسلت الجرج
ميار امداني شسويت بي خطيه شنو
ذنبه متأذي هواية الله لاينطيك علي
حسبي الله عليج فهيمة
استبرق بقيت بقلق موبايل ميار يمي عافتة
وراكان ميجاوب شلون هسة
ميار بقيت خايفة احجي وياه بقيت كاعدة بمكاني ماتحركت
راكان لبست وطلعت لكيتها كاعده وعيونها حمر
راكان راح اطلع اقفلي الباب واي
احد يدگة ديري بالج تفتحي
ميار وكفت الحيلي وين تروح واتعوفني اخاف
علي يجي..
راكان مايجي جبان هذا واذا اجة اني اعرف شلون راح اعالجة يله كومي قفلي حطلع
ميار تتأخر !
راكان .. لا كلتها بضوجة ومشيت لان ضوجتني
من قارنتني بهذا السكير ومن طلعت وخلت بالي
ميار عافني وطلع حسيتة كلش ضايج مني
لازم الكي حل واطلع منا عيب اتحملني هواية
علي رجعت للبيت كسرت الغراض
مخليت شي اني هاي هيج تسوي بية
هناء شبيك ياعيني غير اعرف شنو
الي مضوجك!
علي ولي. انتي الثانية ماريد اسمعج
هناء هااا انتي الثانيه لازم هم حبيبة الكلب
ميار..
علي تسكتين لو اكسر عليج البيت
فهيمة اني اعلمج ميار بس ترجعين اذا
ماخليتج تبوسين ايدي حتى ارحمج سهلة
راكان اخذت عشى جاهز ورجعت للبيت
ميار رتبت اللبيت جان هوسة وغسلت المواعين
لهيت نفسي شويه
سمعت صوت بالطرمة خفت وجمدت بمكاني
راكان دكيت الباب.. ماكو احد يحجي عرفتها
خافت عبالها علي صحت فتحي اني راكان
ميار يمة الحمدلله هذا راكان رحت فتحت الباب
راكان .. فتحت الباب وباوعت بوجهي وابتسمت
ماحجيت شي عفتها ومشيت
ميار .. اقفل الباب لو تطلع
راكان اقفلي ماطلع
ميارة قفلته وبقيت كاعده بالمطبخ رتبت المسواك
راكان.. كوة امشي من ضهري..
صحت وينج تعالي..
ميار سمعتة صاح رحت اركض
راكان جبت عشى جيبي وتعالي..
ميار شفته لازم چتفة ومدنك من الوجع
كلش انقهرت جبت العشى وخليته كدامة
راكان اكعدي
ميار ماريد والله اكل انت
راكان تعرفين قبل هالمرة كتلج ماحب احد يعاندني كعدي يله
ميار . كعدت وايدي ترجف ماعرف شبيه
مقهورة وضايجة اعصابي تلفانة
اكلت شوي وكمت
راكان وين؟
ميار الحمدلله شبعت رايحة اسويلك
جاي
راكان شربت جاي وكملت كعدت اكلب بالمبايل
ميار غسلت المواعين وكعدت الملم بنفسي
دشداشتي مبين منها جسمي
راكان شفتها مامرتاحة دخلت للغرفة طلعت
دشداشتهه من الكنتور وخليتها يمها
ميار.. هاي شنو ناسيتها هنا والله ولا ادري
راكان رايح للغرفة اتمدد ،،
ميار.. دقيقه بس اغير ملابسي وفوت للغرفه
راكان لا روحي بغرفة خلود لان كلش تعبان
ميار.. شفته حيل متضايق مني دخلت
للغرفه بدلت وطلعت بقيت احووص لازم
احجي وياه واعتذر منه. وصلت للباب اريد
ادكة رجعت.. مترددة خايفة يفشلني
راكان عطشت كمت اشوفها وينها واشرب ماي
ميار تقربت اريد ادگ الباب وفتحة راكان
راكان بقيت واكف شفتها جانت ورة الباب
تعالي فوتي..
ميار بس اريد احجي وياك دقيقه واطلع
واكان فوتي رايح اشرب ماي وراجع
ميار لا اني اجيبلك اكعد..
واكان كعدت عالجرباية وطلعت جبتله ماي
راكان كعدي ليش واكفه
ميار كعدت على طارف السرير
هو متمدد وايده جوة راسة مخليها
ميار اني اسفة راكان والله ماعرف هيج
راح يصير
راكان مومشكلة!!
ميار اليوم صيحت عليك بالمبايل والله اعصابي
تعبانه من القهر واني عبالي انت طلگت
راكان ليش تريدين ماطلك بعدين هذا اتفاق
من الاول،،
ميار لا ردت فترة ابقى على. ذمتك
بين مااشوف النفسي حل.،
راكان شلون يعني حل..
ميار اريد اطلع جواز واسافر على بيت
عمي
راكان مممم االله كريم نحلها
ميار بعدك زعلان!
راكان لا انسى السالفة
يتبع
