بقلمي اساور...
صبركم عليه خلوني انطي حق القصة
ماريد استعجل..
راكان كعدت لكيتها نايمة وشعرها عالوجهه
وخرت شعرها بيدي بستها بوسة خفيفة
غطيتها وبقيت اباوع عليها شلون جمال
شلون عيون تخبل الرموش طويله
ولا شبعت منها ....بقيت متمدد شويه وكمت لان
متعود اكعد من وكت
كمت على كيفي شفتها نايمة مثل الطفلة
ماحبيت اكعدها خطية..
فتت للحمام سبحت وطلعت.. لفيت نفسي بالمنشفى دخلت للغرفه بعدها نايمة
وجسمها وهي نايمه يسحرر اتمنيت ارجع
اخذها بحضني. فتحت الكنتور طلعت ملابسي
بقيت افكر بكلامها من كالت ماريدك تتقرب مني
لأنها متريد ترجع الطليقها لعد هذا العار شكد مأذيها صفنت لازم الكيلها حل..
للبست وتعطرت.. خابرت للشغل اخذت اجازة
تمددت يمها سحبتها وخليتها على
ميار.. جنت حلمانه علي يسحلني من شعري
ويضرب بيه واني اعيط..
فزيت مثل المخبلة اصيح.. لتضربني الله عليك
راكان.. نايمه على ايدي فزت وهي مخروغه
وتصيح لا تضربني.. بقيت مصدوم هاي شبيها
ميار.. فزيت لكيت نفسي على ايد راكان
عدلت نفسي ونزلت ملابسي جانت رجليه طالعه
راكان.. صبااح العسل..
ميار.. صبااح النور
راكان شبيج تصيحين خوفتيني..
ميار اسفه بس حلمت بعلي يضربني..
راكان علي طلبقج مو..
ميار بحسرة كلت اي طليقي..
راكان اكدر اعرف شنو قصتج ...
ميار.. نزلت من الجربايه بقيت ادور على ملابسي خجلانه منه بالدشداشة القصيرة
راكان شيبيج ليش مخبوصة..
ميار.. اريد اغير ملابسي.
راكان ضحكت عرفتها خجلانه تعالي حلوة عليج هاي لتغيريها
ميار لا قصيرة ممرتاحة بيها..
راكان انتي زوجتي ليش مستحية مني
ميار زوجتك لساعات بس..
راكان.. تعالي خلي نحجي..
ميار كتلك لتتقرب مني اعرف راح يرجعوني عليه
راكان يعني حلوة وكدامي تتمايل ولابسة ملابس تغري .. تتصورين راح اصبر هذا منو الي يقاوم والاكثر من هذا كلة زوجتي شلون اصبر
ميار عفية اطلع اريد اغير ملابسي
راكان خفتي تغريني مرة اخرى موو
ميار.. لالا بس ممرتاحة بيها
راكان لا تغيرهااا كتلج
ميار .. ياااا. شنو بكيفك .
راكان مرتي واني حر ولازم تسمعين كلامي
ميار مرتك لحد كم ساعه ونروح اطلك
راكان متريدين اطلك موو
ميار. حجيتلك السالفة وبقت بكيفك اذا تريد اطلك عادي لان هو اتفاق مومن حقي اجبرك
ماتطلگ
راكان.. حتى لو طلگت لا ترجعيلة انتي
ميار بعدك متعرف علي واطباعه
راكان وانتي ليش تسمحيلهم يعاملوج هالشكل
مياار كتلك اني يتيمة وماعندي احد بقيت
على ايد مررت ابوية
راكان المشكله اني انطيت. كلمة اطلگ
كدام السيد وكدام اهلج شلون هسة
ميار.. عادي بعد هو هذا حضي ارضى بالمكتوب
راكان شوفي انتي هسه حتى لو طلكت مراح يكدر يرجعج هسه..
ميار شلون يعني...
راكان لازم تطلع العدة ميصير والعده اكثر من ٣ شهور يمكن..
ميار صدك.. ياريت
راكان اي بس انتي حاولي تبعدي عنج ضلمتي نفسج هوايه كافي هيج جمال بيد هالنذل
ولو يمكن اتعديت حدودي بس صدك ضوجني
شنو يضربج ويقهرج..
ميار.. اوووف شحجيلك هاي مختصر الي حجيته الك
راكان سحبتها من ايديها وكعدتها يمي
لترجعيله حرام والله تضيعين نفسج وياه
ميار.من يقربني منه احس ادخل بعالم ثاني
عالم وردي انسى كل قهري مجرد اكون قريبه منه شعور مينوصف اول مره احس بي
راكان،،حلوو شعرج كلش.. لتكصي ابد
ميار.. اي اني هم احب شعري طويل
راكان كلشي بيج حلو هو بس الشعرر اخ
ميار.. ابتسمت وكمت ادور ملابسي
راكان هاا وين؟؟
ميار اريد اللبس ،.
راكان.. تمددت على الجربايه بقيت صافن عليها
وهي تمشي كدامي بالغررفة تخبل عبالك حويه
ميار اريد اغير ملابسي
راكان وشعليه اني متغيريهن.
ميار دكوم اطلع شبيك
راكان .. هههههه وليش اطلع ماطلع مرتي انتي
ميار لعد اني اطلع ابدل بغير مكان
راكان عادي روحي ..
ميار.. شلت ملابسي ومشيت ادور غرفه
راكان مشت وركضت كدامها قفلت الباب
وهي صارت كدامي..
ميار بقيت عيوني بعيونه وهي يباوعلي وماشال عينة مني
راكان وين رايحة ..
ميار ممكن توخر اريد اطلع ابدل
راكان حلوة عليج ليش تغيرها خليت ايدي على خصرها وقربتها مني
ميار سحبني من خصري وقربني عليه حسيت نفسي انتهيت من الخجل..
راكان بستها من خدودها برقه ..
ميار.. ياربي شديسوي راح يموتني بسوالفه
راكان من احضنها تضيع بين ادية تبقى ساكته احسها هي هم تريدني اتقرب منها تبقى
ماتقاومني او تسحب نفسها
ميار وخرت وسألته الساعه شكد..
راكان الساعه ٨ ليش !
ميار . بعد شوي لازم اروح..
راكان وين تروحين..
ميار هسه خاله فهيمة تجي تاخذني
راكان مبايلي طافي من الليل واذا دگو الباب نكول نايمين تعالي ويايه لزمت ايدها ومشيت
ميار دقيقة وين نرروح..
راكان تعالي نسوي ريوگ لو متعرفين
ميار لا كلشي اعرف شلون ماعرف
راكان ديله لعد..
ميار سويت الريوك وهو كاعد على الكرسي
اروح واجي ماشال عينه مني نضراته تخبل
اني امشي وانزل بدشداشتي خجلانه كلش
راكان.. ولا مدي اطلكها بعد ولا اريدها تروح مني شسوتلي هاي والله گلبتني بالمگلووب
ميار صبيتله الريوك ومشيت..
راكان تعالي وين..
ميار اروح اتحضر خاف يجوني
راكان شدعوة هالكد مستعجلة شبيج
ميار والله ولا اريد اروح بس شسوي اقصد يعني ماريد اروح العلي
راكان ابتسمت ابتسامه خفيفة ضحكت من كالت ولا اريد اروح دتعالي اكلي هسه
ميار موجوعانة..
راكان كتلج تعالي اكلي
ميار ماريد شبيك
واكان تجين لو لا
ميار.. شبيك بساع تضوج اي جايه
راكان ماحب احد يعاندني ..
ميار.. ابتسمت وكعدت اعصابك عيني
راكان .. كعدت تاكل كدامي والله مدي اكوم اكلها بدال الريوگ بقيت اباوع عليها من غير ماتحس حسيته متقيده بالاكل كملت وكمت
اغسل..
ميار.. شلت الاكل ورجعت كلشي بمكانه..
راكان غسلت ورجعت شفتها واكفه تغسل مواعين
بقيت مرتجي عالباب اشوفها شلون تنضف
ميار.. انداريت شفته واكف ورايه يباوعلي ومبتسم
راكان مشيت عليها وكتلها اكو عروسة من الصبح اتنضف
ميار انداريت عليه لعد شسوي هو هسه حطلك
ياعروس
راكان.. شلتها لا تركي التنضيف ميفيدنا
ميار شالني ورفعني عالي..هاي شنو نزلني
راح اوكع..
راكان وانتي بيدي لتخافين تعالي هاي شنو
ملابسج كلها مي اخذتها للغرفه
ميار،، اي موجنت اغسل مواعين،.
راكان خليتها عالجربايه وكعدت يمها
ميار بقى صافن بعيوني واني ماكدر ابارع بوجهه
راكان تدرين شكد الخجل يلوكلج
ميار.. ممممم
راكان حلوة كل تفاصيالج نيال هذا الغبي عليج
ميار،، هههه شكرا
فهيمة كعدت الصبح هاي ليش مغلق تلفونه
اشو محد خابر.. هسه هذا علي يجي ويسألني
خلي اللبس عبايتي واروح اجيبها
والعصر نتفق وياه يطلك..
ميار.. بقينه نسولف سولفلي عن حياته
وعن شغلة يحجي واني صافنه بعيونه
