طفـلي ابن الشهيد

بدايتنا

(( أنت بداخلي اكثر مني ♥️
"لم يكن الحب ليؤذيك، بل كان ليَشفيك ، ليكون ملاذَك من البُؤس ، لجعل الحياة تستحق ذلك العناء.))

اسلام°^
شاب ثلاثيني يمتلك صفات رجوليه جميله جدا محامي شاطر
تزوج بعمر ال20 ولم ينجح زواجه فطلق زوجته بعد 7 شهور من زواجهم واكمل حياته اعزب

زهراء°^
دخلو ام سلام وابنهه ورحبت بيهم وعرفتهم عن نفسي وبعدين تلگتهم ام حسن وبيداء مرت حسن اني رجعت لبيت حيدر حتى لا اثقل عليهم اكثر

رقيه; اي كملي
زهراء: شنو اكمل بعد كلشي سولفتلج

رقيه ; ولج تكولين حلو زين ليش مامرتاحتله اذا حلو
زهراء: ومن شوكت الجمال مرتبط بلاخلاق
رقيه: هو المهم جمال وانه على الوصف دخت 😍

زهراء: انه رايحه اكعد يم حيدر 😛

رقيه: وج كعدي راحه هههههه عابتلج

زهراء: اكلج خاله ام حسن كالت تسولفله قصتي واذا بيهه امل يساعدني ونوصلهه محاكم بس انه خايفه حيل

رقيه: اي خوش حجي هو المفروض من البدايه يصير هيج

زهراء: رقيه ابو كاظم موسهل وخاف يسوي شي ويأذيني لو يأذي اهلي
سوده عليه مشتاقتلهم هواي 😔😔 وخايفه على ابويه

رقيه; زهراء ليش ماتتصلين على ابوج

زهراء: لا رقيه لا اخاف كلشي يصير ويعرفون مكاني

ها هاي بيداء تتصل .......الوو
بيداء: هلو زهراء تكول خاله ام حسن تعاي النه
زهراء: ليش
بيداء: ماعرف بس كالت خلي تجي بسرعه

زهراء: ماشي هسه اجي

اكلج رقيه عبوسي نايم عينج عليه وانه رايحه لبيت ام حسن اشوفهه شتريد

رقيه : اي ماشي ووياج كصي صوره للحلو 😍
حيدر: رقيه 😒 شتگولين
رقيه: هااا شنوو ع على هذا هذا علوش ابن حسن تكصله صوره

زهراء: 😲😲😲😲
....................................................
في مكان اخر في محافظة البصره

نور: ااخ يارهام ااخ گلبي راح يخلص

رهام; يعني وين اختفت هاي البنيه راح يصير شهر وهي ماالهه ذكر

نور: والحارگ گلبي البرود الي بگلب ابوي. ساكت لا يحجي ولايخلي اخواني يدورون

رهام: ولج علاوي نار ومشتعله بي بس مايكدر يكسر كلمة عمي

ابو علي: نوور ياا نور
نور : ها بويه

ابو علي: اكلج صبيلي استكان جاي وجيبي الي للحديقه

نور; بويه اريد اكلك شي بس لاتزعل مني

ابو علي: كولي بويه

نور ; زهراء بويه گلبي ماكلني عليهه وانته عادي عندك ساكت لا ادور ولا تحجي شنو قضيتك

ابو علي; بويه انه مأمن على اختج

نور; بويه انته تعرف وينهه وساكت

ابو علي; لا ماعرف بس اختج كالت برسالتهه

نور; بويه والنعم بأهل البيت بس ماندري بأي مكان بلضبط والناس والوكت يابويه مايتأمنون وهي بنيه ولوحدهه والله گلبي مثل النار عليهه

ابو علي ; انه باجر طالع لكربلا وان شالله ضني يطلع ابمحله

نور : كربلا???!!! انته شاك هي هناك

ابو علي : نور بويه كومي جيبي الجاي وعوفي الشغله ع ربج

...............................
نرجع لكربلاء في بيت ام حسن

زهراء : راح احجيلك كلشي بلتفصيل

اسلام: اي كلشي كلشي حته اصغر تفصيله

°^اسلام
بدت تحجيلي زهراء وانه مركز وياها مركز بملامحها بأنوثتهه الطاغيه بصوتهه الناعم بخجله احسهه ملاك مو بشر لكن من سمعت قصتهه كلش انقهرت وتعصبت شلون هيج صاير وياها وهي زوجت شهيد
زوجهه ضحى بنفسه الخاطر وطنه وترك زوجته وابنه امانه لهذا الوطن وهلأمانه هيج مذلوله

اسلام: والله والله حقج اطلعه من نص عيونهم
زهراء; ماريد حق ولا شي بس ابني اريده يبقى يمي واعيش بأمان

اسلام: هو بلقانون الطفل من حقج اذا ما انثبت شي ضدج او شي ما ايأهلج انو انتي مو گد تربية طفل
انه راح ادرس هاي القضيه عدل وان شالله نربحه انتي بس ثقي بيه وساعديني

زهراء: ان شالله خويه

اسلام: خويه 😒😒

زهراء ; نعم كلت شي

اسلام : لا ماكو شي. انتي وين واصله بلدراسه ?

°^ زهراء
بده يسألني على حياتي واني اجاوب وماحسيت على نفسي اله وانه داخله وياه بحديث مو يم القضيه ضليت اسأله عن حياته وهو يحجيلي ما انكر ارتاحيتله خاصتا وهو شخص مرح يضحك هواي ويخليني اضحك غصب عني تأخر الوكت واحنه گاعدين بلاستقبال مالت بيت خاله ام حسن وما حاسين بلوكت وفجأه دخلت بيداء تركض

بيداء: زهراء الحكي
..............................يتبع
615 كلمه لحد يكول البارا قصير
واسفففففففه ع التأخير
ان شالله ما اتاخر بعد بس اريد تشجيع اريد كومنتات وفووت واريد تضيفون القصه لقائمة القرائه وتخبرون اصدقائكم عنهه

احبكم 😘😗😙
((ام حمودي...برووو))