زهراء: شو ماكو احد بلبيت اااا صباح الخير خاله زهره
زهره; كولي مساء الخير شوفي الساعه ب8 الناس راح تتغده وانتي توج كاعده
زهراء: افف اذا عمتي ماموجوده انتي بمكانه
زهره: ولج حجيتي شي
زهراء; لا خاله سلامتج
رحت للمطبخ ماكو اثار طبخ يمكن بهيجه طالعه خليت اللحم ع النار وطلعت للطارمه غسلته ورجعت سويت الباميه وبديت اطبخ بلمركه وغسلت لماعين وبقيت اشتغل بلمطبخ شويه وسمعت صياح عمتي رحت ركض
ام كاظم ; ولج زهيره الله لا ينطيج يلوصخه
زهراء: ها عمه خير شبيج
ام كاظم : وج ليش مامنظفه البيت
زهراء: عمه غسلت الطارمه واجيت اطبخ الغده حته يكمل ع وكت قبل لايجي عمي بعدين خلي يكومن زينه وزينب يساعدني انه منا حامل ومنا جاي اطبخ وبهيجه مادري وين
ام كاظم ; وسم لسانج شطوله شكد تهذين بهيجه مصخنه وبناتهه مو خدامات عندج وهل جاي يغسلن اماعين الغده وبعدهن صغار
زهراء; عمه ياصغار اطول مني
ام كاظم; شو نجبي ونضفي البيت وخلي ايام تكمل طبخ اصلا انتي طبخج موحلو
زهراء: اي مو حلو خوش
ودرت وجهي وعفتهه تحجي لان مليت منهه ورحت نضفت وكملت وجه عمي ولولد وتغدينه ورحت لغرفتي نضفتهه وسبحت ونمت كعدت العصر مشتهيه كيك كلت خلي اسوي بعدني ماواصله للمطبخ سمعت عمتي تصيح طلعي اللحم وسوي كبه
زهراء; هففف حته كيكه ماريد
حسين : شبيهه الحلوه تأفف
زهراء: هلا حسوني الله يساعدك
حسين; هلو حبيبتي شلونج علاوي خو ممتعبج
زهراء: هههه منو گلك اسمي علي سلام الله عليك يا امير المؤمنين بس عشقي لأبنك يجيبرني اسمي ع اسمه
حسين; ولج تعشقيمن ههههه
زهراء: اعشق لاغلى منك ومن ابنك حسين حبوبي اخذني لكربلا ازور فدوه وهناك احلف عد ابو الفضل اسمي عله اسمه من فدوه رحت لاسمه
حسين ; حبيبتي هسه وضعج مومال سفر ان شالله من ادخلين بشهرج اخذج تولدين بكربلا وبمستشفى الكفيل بعد
زهراء; حبيبي فدوه اروحلك
°^هنا جانت ايام تتصنت عليهم وراحت ركضت لامهه
وشويه ودخلت عليهم للمطبخ
ام كاظم ::ولج ام السحوره وين تردين تولين وانتي منو وتشرطين ع ابني تجيبين بكربلا وشبيهه البصره تنجبين وتكعدين بللا امج ياهي وتتشرطين
زهراء: حدج عااد انه مليت من تسلطج وحجيج الي مثل السم بس انه محترمتج لخاطر حسين ولان مره جبيره بس يوصل الموضوع لامي لا وحق الي كفل زينب اليوم اگلب البيت ع روسكم
حسين: زهراء لاتعلين صوتج وشنو هلحجي
وانتي يمه تره عيب هلحجي وهي ماشرطت انه اريد اخذهه لكربلا
ام كاظم ; خلي تولي ام لسان عساه الكص تجيب بلبيت حته مستشفى ماتوديهه
زهراء;;حسبي الله ونعم الوكيل بيج
اخذ حسين زهراء وصعدو بغرفتهم
حسين :زهراء حبيبتي خلي اخذج لاهلج وهم اريد اكلج بموضوع تره انه راح اصعد وي الحشد للموصل لازم اشارك ميصير شباب اصغر مني جاي تروح
زهراء; شلووون يااا شلون تروح تحجي صدك ياربي ماكدر امنعك ولا اكدر عله فراكك بس شسوي بعد ان شالله ترجعلي سالم
حسين ;;ان شالله حبيبتي انه باجر اوديج لاهلج الصبح والعصر اسافر بس فدوه ديربالج ع روحج ولاتطولين عد اهلج تعرفين زواج مؤمل وتحضير
زهراء; تحجي صدك شلون اتحمل امك وحجيهه ونته موهنا
حسين ; زهراء تره عيب هيج تحجين ومهما يصير تبقه امي وما اقبل عليهه
زهراء :😏😏😏
##################
اخذني حسين لاهلي ودعته وشبعت بجي اخاف عليه اخاف ماريجع هواي وصيته يدرباله ع نفسه ودعيتله من كل گلبي بقيت يم اهلي سبوع ارتاحيت نفسيا وجسديا بس الراحه ماتستمر خابر علي مؤمل كال راح يجي علي حته يرجعني للبيت لان حددو موعد العرس بعد سبوع وجاي يحضرون
زهراء: اوووووف استغفرالله والله ماشبعت من الراحه
رهام: شتسوين بعد هذا قدرج. الله يعينج عليهم حسين ورده بس عيالج اووف منهم
زهراء:ابتلاء مو يكولون المؤمن مبتلا ههههه اكل رهام فدوه اذا اجه ابوي بعد كليله خابرو عليهه وراحت
رهام; ان شالله لو اجه عمو اگله صوت سياره يمكن اجه مؤمل
°^رجعت للبيت وبديت بلتحضير وهوسة العرس والشغل كلش تعبت ومنا دخلت بلسابع وكلش ثگلت وعمتي ماراحمتني بلشغل حتى ملابس للعرس ماخلتني اشتري خابرت لحسين وكال من اجي انزل ابغداد وجيبلج هواي اشتاقيت لحسين وفاقدته ومحاولي اجاريهم بلبيت حته لا يسوولي مشكله وهو مموجود بس جان مخفف علي وجود نسرين هي الوحيده الي تحبني من اهلهه لو شافتني اشتغل تجي تساعدني وتسولف وياي.....
مرت الايام وصار يوم الحنه موعد جية حسين وكاعده انتظره ع نار صار الظهر وهو مواصل ضل بالي يمه وبس افكر حتى ماتغديت اتصل موبايله مغلق صار العصر وحسين ماكو بدت الناس تجي ويحضرون للحنه وانه گلبي ماكلني على حسين لهناك وانه كاعده بلمطبخ سمعت....... يتبع
أنت تقرأ
طفـلي ابن الشهيد
Fiksi Umumتدور احداث القصه حول فتاة متزوجه يستشهد زوجها وتخوض معركه مع اهل زوجها.الذين لايعرفون للرحمه طريقه من اجل ابقاء طفلها معها فـ ماذا ستكون النهايه عند من سيبقى الطفل? ومن هو اسلام??
