ملك
جنت طالبه متوسطه وفرحانه لان نجت الاول واعتبرت نفسي صرت جبيره لان دخلت متوسطه اذكر من جنت بسادس اشون درسنه علي اني وريم اخته صح جنت طفله بس افتهم وعرف نظرات علي الي شنو اذكر من اخذنه لمدرسه اول مره نداوم صف اول اجه علينه من صبح وياها ريم دك لباب وطلعت اركض فتحت لباب
ملك ::-حلوات ملابسي
علي نزل لمستواها ::- اول شي نكول صباح الخير
ملك ::-ليم حلوات ملابسي
ريم ::-اي واني
ملك ::-اي
سلام ::-صباح الخير
علي ::-صباح النور
سلام::-يلا ملوكه جيبي جنطتج وتعالي
علي ::-اكلك منو ياخذهن منو يجيبهن بعد
سلام ::-اندري اختي الجبيره تدرس عداديه يعني مو يمه مو اختك رهف موجوده
علي ::-اشبيك رهف اكبر مني بسنه هم متوسطه
سلام ::-خوش انته توصلهن بصبحي واني بلعصري
علي ::-لا بالله
ملك ::-ليم هاي الج
علي ::-شنو هاي
ملك ::-لفه
علي ::-انطيني وياج
ملك ::-هاك
علي ::-خايبه اخوج لعصعوص عليمن طالع
سلام ::-انجب وامشي
الكاتبه ويبقى الامل {طفوف حميد }
ملك
يكولن لازم لواحد يبقه يذكر منو اخذه لمدرسه امه لو ابوه اني غير اختلف لا امي ولا ابوي علي بنسبه الي كل اهلي ماكدر انسه ذيج الايام
استمرينه ع الحال واكثر شي يوصلنه علي واذكر من رحنه نستلم نتيجه جنت لابسه ملابس جدد اشترتهن الي امي علمود اروح بيهن
ريم ::-ملك ملك
ملك ::-هاا
ريم ::-يلا
ملك ::-اي بس امشط
دخل علي لبيت لان شهد جبيره وعلي ربه ويانه ومثل سلام يدخل لبيت وحته يبات ومرات سلام يبات يمهم
علي ::-ام لوصخ ماكملتي
ام بسام ::-هلا يمه علي
علي ::-هلا بيج يمه اشونج
ام بسام ::-الحمد الله زينه امك اشلونه
علي ::-الحمد الله اسلم عليج يلا يمه خفيه ليدج كملينه كفشته لملك
ام بسام ::-هو يتمشط
علي
بقيت صافن ع ملك بشرته تخبل بيضه كطن وخدوده لجنهن طماطه لان جانت تلعب بشارع وشعره لعكش لونه رمادي لا هوه اشقر ولا هو اسود وبيه رده خاله ام علي تمشط واني صافن بيه صرت مراهق ولمثلي يباوع ع لبعمره مو ع طفله كملت ملك وطلعنه ع لمدرسه اخذته هيه وريم واشويه وطلعتلي تركض
ملك ::-دادا ناجحه الاوله
علي فرحتله ::-مبروك حبيبتي ملوكه
ملك ::-اريد هديه
علي ::-من عيوني انتي وريم
ملك ::-اريد لعابه
علي ::-تطلع ريم واخذج اشتريلج لعابه
لكاتبه ويبقى الامل{طفوف حميد }
ملك
بيومه اشترالي لعابه وخلصت لعطله وبده دوام وصرت صف ثاني كبرت سنه وهم علي وسلام ليوصلونه واذكر من لبست حجاب بقت ماكا تعلم بيه كلتلي راح دخلين سن تكلف ولبستني بلعطله ومن نجحت لثالث داومت بحجاب وعلي مكيف بيه ولبس حته ريم وبيوم لحفله مالتي مال تكلف جابلي محرم صلاء وحجاب وبالخامس بلمتحانات هو درسنه وكلي اريد تعبي نجاحج مثل كل سنه الاوله وصدك طلعت الاوله ع شعبتي و كال لازم ندخل عنده دورات لسادس وبقه لعطله كله يدرس بينه وبصف لسادس اني كبرت وكمت استحي منه لان صرت احس بكلشي صح صغيره بس افتهم وهو يباوعلي ويضحك ومن يدخل البس محرم صلاء وبالامتحانات مال سادس كله هو يدرسني اني وريم واكعد واني لابسه محرم وهو مرحله اوله ويسوالفلي ع طالبات لوياها واموت وعدت نفسي انجح حته ادخل كليه وحسيته متقصد يضوجني بطالبات ونجحت بسادس جبت معدل 92 وجابلي كلاده فضه بيه اميره دزلياها بيد ريم ومحد يعرف بيه غير ريم واكلهم لابسته لان من ريم ولحد هذا يومي لابسته
🎀🎀🎀🎀🎀🎀🎀🎀🎀🎀🎀🎀🎀🎀🎀
مرحبا عائلتي لواتباديه
مشتاقتلكم كل عام وانتو بالف خير
اتمنى يعجبكم لجزء
تعلقاتكم حته اكمل ترى الغبه اذا ماكو تفاعل
احبكم عائلتي لواتباديه
🎀🎀🎀🎀🎀🎀🎀🎀🎀🎀🎀🎀🎀🎀🎀
أنت تقرأ
زفيت حبيبي لحشد
ChickLitانا فتاه بعمر لربيع عشقت صديق اخي علي ورسم لي احلامنا و لوناها اني وياها بلون لوردي وكنت طفلته لمدلله لمشاغبه الي يحب ضحكته وعدني بدله وحلقه بس وعد لوطن بدم !!! لقصه حقيقيه بقلمي لكاتبه ويبقى الامل {طفوف حميد }
