زفيت حبيبي لحشد

‏• بَينْ اللحَظة واللحَظة

ملك
رحت لغرفه اريد انام نوم ميجيني اشتغفرت ربي ماكو صارت ب2  واني بعدني كاعده ب2 ونص نزلت جوه كمت افتر مامتعلمه هاي اول ليله مانبقه لصلاء  ماحسيت ع نفسي اله واني نايمه بصاله    حلمت ((جني افتر بصاله واتصل ع  علي وماكو واني خايفه عليه وكمت ارجف ماشوف  اله نسوان دخلن عليه  اني اول ماشفت نسوان ركضت سئلتهن ووين علي علي بيه شي  اشويه ودخل علي و وكف يم نسوان ويضحك   ))

فزيت ارجف وخايفه  ساعه ب4 اله ربع  يعني ما ابقه شي ع صلاءكمت اتوضه  حته اصلي وادعي لعلي  رحت لمطبخ اتوضه  وسمعت صوت موبايل سلام يدك  فتحت باب لمطبخ ورحت ع الاستقبال جان سلام فاتح لباب  دخلت لكيته تواه كاعد ويحجي بموبايل وجوه مخطوف  اشرتله اشرلي اسكت خفت اكثر  تذكرت امي من حلمت بابوي وتصوب اجيت كعدت يمه  واسمعه يكله

سلام
جنت نايم واسمع موبايلي يدك اني من نوع نومي ثكلي فتحت عيني شفت لمتصل ((كل شي )) اي جنت مسجل علي كل شي  لان هو بنسبا الي كل شي اخوي وابوي وصديقي علاقتي بيه اقوه من كل لعلاقات اكلنه وشربنه ودرسنه سوه شي واحد مصار هو للحشد امي ماقبلت وادري ماطول امي ماقابله يعني ميطلع اسمي  لمهم  جاوبت واني مرعوب وخايف  ليش هيج وقت يتصل عليه لان اعرف هيج وقت يخابر بملك اي اعرف بيه يخابره وعنده علاقه بيه بس اخوي واعرفه يخاف عليه اكثر مني  ومن خطبه وقرو فاتحه كلت عادي خلي يخابره يحبه اشبيه قابل راح يفسخ لخطوبه  ميسويه علي   هوه ماصدك  قبل بابا بيه    كتله
سلام ::-الو
جاوبني

علي ::-الووو ضلع هاا كاعد

سلام ::- لا والله نايم وجاي احجي وياك بلحلم شعندك مكعدني وخوفتني

سلام
اني احجي ودخلت ملك عليه زاد خوفي وماكدرت احجي بعد

علي ::-هههه ولك اشتاقيتلك وخابرتك
سلام ::-لا والله مصلحجج شعندك ولك
علي ::-اف اني مصلحجي 
سلام ::-اي والله  مصلحجي علمود ملك ومن نقرت فاتحتكم كطعت عني مخلصه ملك وملك
علي :::-ههههه ورب لكعبه احبك واعز من روحي
سلام ::-صارت كعبه احجي شعندك متصل بعدين شنو وين طلعت بعدك
علي ::-بعدني  هسه راح اطلع  اكلك ضلع
سلام ::-يابه  هاا شتريد اريد انام
علي ::-ملك
سلام ::-اشبيه صخام
علي ::-سلام ديبرالك عليه وخليه بعيونك ترى هاي اخيتك ادري انته مامقصر واخ وصديق اله بس
سلام
من حجه هيج زاد خوفي واني من لاساس خايف عليه بس ماردت ابيله لو ابين لملك لي كاعده كبالي وجه ينطي الوان وخايف وترجف
سلام ::-خو ماكو شي علوش شنو هل حجي لماصخ
علي ::-يخويه اذا ماصخ خليله ملح بس اسمعني  اهلي امانه بركبتك  ادري صعبه الامانه بس يخوي ماعندي غيرك تحمله
سلام ::-اهووو علي شنو هل لحجي اذكر الله كله كم ساعه وتوصل
علي ::-اي صح اول وتالي وصال لمهم افتح مايك
سلام ::-شعرفك يمي ناقص
علي ::-كلبي كلي يمك هيه
سلام ::-اووف منه كلبك  اتفضل
علي ::-عروستي  حبيبتي
سلام::- ولك عيب استحي اني اخوه والله طايح حظك 
علي ::-حبيبتي احبج اموت عليج  وانتي حبيبتي الي حبيته وهيه طفله ديربالج ع نفسج اوك كليبي

ملك
من سمعته سكتت  انوب كال لسلام

علي ::-يلا خويه مع سلامه مثل ماوصيتك
سلام ::-هاا وين خليك هههه
علي ::-ههههه راح نطلع اني وشباب
سلام ::-يا شباب
علي ::-شبابنه شباب شارعنه ومنطقتنه
سلام ::-هااا جماعتنه تنزل شعجب
علي ::-عزمتهن ع عقدي ولقائد كال روحو
سلام ::-هااا يلا لعد سلمنه وياك خويه ومن تكلعون اتصل بيه ومن توصلون هم اتصل
علي ::-ان شاء الله خويه ومثل ماوصيتك  باي حبي احبج ولحشد

ملك
كطعه علي وكمت وكفني سلام حجه وياي حجي بس مافهمته  ولا بالي يمه ولا اذكره بعده رجعت ع مطبخ عدت وضوئي وشرب مي وصعدت لكيت شهد بنومته صليت وبقيت اقره قران وابجي ع سجاده لان كلبي عاصرني  ومخنوكه  ماحسيت اله ع صوت امي

ام بسام ::-يمه ملك ليش هنا نايمه ع سجاده وبمحرمج

ملك ::-هاات يمه مادري جنت اقره قران ونمت
ام بسام ::-يمه وعيوج اشبيهن مورمات ارجعي نامي ماكو دوام ليوم باجر  لمهر

ملك ::-لا لا يمه لازم اروح اداوم  عندي متحان ولبيت احسه يخنك

فتحا عينه شهد
شهد::-عادي كلنه هيج نحس بيوم لعقد واتعس من هذا حساس تحينه بيوم لعرس مو بس خنكه وخوف ورجفه وكلشي

ملك
ما رديت عليه لان مالي خلك ماعندي لفرحه  لجنت بيه امس معقوله خايفه من لمهر لا يابه هذا علوش حبيبي ما اخاف بدلت   ونزلت مالي نفس شربت بس حليب شفت سلام كال مارجعت نمت بقيت ع كعدتي وسوالف الاهلي علي مخابره كتله

ملك ::-اتصل عليه
سلام ::- اتصلت وميجاوب موبايله طافي شحن يمكن

ملك ::-  عفيه وصلني بسرعه 
سلام ::-يلا بسرعه كومي

ملك
طلعنه مرينه ع ريم ورغد صعدت رغد بصدر طبعا اذا علي ماموجود وسلام ليسوق رغد بصدر  لمهم طلعنه ع مدرسه جانت ساعه ب8 اله دخلنه ولبنات استقبلني وفرحانات ويخططن لعرسي نسيت نفسي وخوفي ومنو اكله خايفه دكلي عادي حته لمدرسه خلص اول درس وثاني هم صارت ب 10 وربع عدنه امتحان بهيج وقت  دخلت امدرسه وهم سوالف ع خطوبتي ومدري شنو قدمت الاسئله  وقرتهن وبدينه  نحل سمعنه لجامع  كالت لمدرسه هدو خل نسمع طبعا عجيب لمدرسه صارت صنته من سمعنه  صوت لجامع الي يبعد مسافه عن مدرستنه بس اكو سماعات كبار بلمنطقه يعني صوت لجامع حته بمدرستنه مخلين سمعتين غير حظي كلهم خلو   سمعنه جامع حسبالنه ميت مثل كل مره بس هل مره لا  قدم بغير شكل كالت لمدرسه هذا شهيد  كمشت كلبي وحسيت يوجعني  اني خفت سئلتني  لمدرسه عن علي كالت نزل
توني جاوبت وسمعت اسم شلني شل

ملك ::-هاا ست اي نزل كال

صوت ::- الشاب لمجاهد الشهيد لسعيد البطل علي محسن نعيم .....

💔💔💔💔💔💔💔💔💔💔💔💔💔💔
مرحبا عائلتي لواتباديه

اعتذر راح اكطع بعض من الاحداث ما اكتبه لان  ايدي وكبيوردي لا يتحملن  مامرت به لشابه لفاقده حبيبه وما اريد افتح جروح   وملك تريد فد كلمه منكم !!

احبكم عائلتي لواتباديه ❤
💔💔💔💔💔💔💔💔💔💔💔💔💔💔