زفيت حبيبي لحشد

وگبل لا شوف لبروحك شفت روحي احبنك

ملك
بقو يضحكون ويغيرولي جو  وكمت من يمهم  اذان لمغرب واكلتلي لفه ع سريع وصعدت لبست فستان  ابيض وبيه ورد  وردي واحمر ولفيت شالي لفه مصريه وخلتلي بت خالتي ميكب كلش خفيف عباره عن كحله  ومسكار  وحمره ورديه بناتيه كالت محاجه مورد خدود  لان حيصيرن ورديات  سمعت اجوي بيت علي وصعدتلي ريم و اخواته رهف ورغد وكامن يهلهلن ويصفكن ويركص ليكول زفه خطيه فرحانات  بعلي واجني بنات عمه لعلي عنده كوومه بنات هم اكثر خلفتهم بنات كل واحد من عمامه وخواله عنده ولد واحد لو اثنين وبنات 4 لو 5  كلهن صعدن وسوالي زفه بهلاهلهن   اشويه وصحاولي تعالي يردونج  جوه نزلت سلمت وكعدت يمهم  دك لباب سلام كال
سلام ::-يلا سمعوني هلوهله  قرينه لفاتحه 

ملك
حسيت نفسي ملكت دنيا وما افيه من كال سلام قرينه لفاتحه  صراحه نطرمت اذاني بصوت لهلاهل  واباوع كله فرحانه بينه ماكو واحده حاقده لو دتمثل كله مكيفه  وكامت ريم تهوس 
ريم ::-سو ردب لاخت لولد خليه تلعب جوله

ملك
ضحكت عليه  بس شفت مو بس ريم  لتركص لا اخواته وبنات عمامه وخواله كلهن فرحانات ويصيحن اخونه خوش اخو ع طول ريم اسوالفلي اشلون لبناتهم يحبن علي ويحترمنه  ويعتبرنه اخ ويشاقيهن ويطلعهن كلش يحبنه وحده من بنات خاله كامت تهوس هاي فرحتنه صغيره وبعد فرحتنه جبيره بيوم عرس خونه  وحده اصيح هاي فرحتنه لفرحت كل لعشيره ولي دكول اني حالفه ولي دكول اني ناذره وكلهن باسني وباركلي وكللي مو تغيرين علوس علينه ترى اخونه ونموت عليه روحنه من دنيا  جان علي اول واحد بيهم يخطب فرحانين خطيه ومكيفين  اجتي شهد وكوثر وقدمن لكيك ولعصير  دك لباب سلام وكلهم  من وره باب لصاله
سلام::- يمه ام علي ابنج طلعت عينه ويريد يشوف اختي ولا يستحي يكلي خلي اشوف اختك
ام علي ::-ماتخليه يكحل عينه بهلجمال دخله يمه
سلام::-يمه ترى اموته كل اشويه وكال احب اختك ولا يستحي ابنج
ام علي ::-يمه هو مامعتبرك اخو لعروس معتبرك اخوه  وهيج يكلك
سلام ::-اي والله هو اني حاس نفسي من طرف لعريس مو لعروس حته كتله راح اجي  وياكم مشاي ع اختي
لكاتبه ويبقى الامل {{طفوف حميد }}
ملك
بقينه نضحك ع سوالف سلام ولمحت  بنوته من لكاعدات تضحك ويده ع كلبه  شفت نفسي بيه  بس هاي لامعقوله  ماعرف عقلي مو مال تفكير كمت لغرفه بسام اخوي وياي لبنات يضحكن عليه لان صرت ورديه وارجف عجيب  هيج خوف نزل عليه  كلت كدامي لخطوبه ولعرس يمه ذكرت الله وبعدني خايفه   كوثر وشهد طلعن من لغرفه لان علي اجه وبقن بناتهم  يشاقن علي وعلي يطرد بيهن اخر شي حلف ياخذهن لمدينه ولسوك ويطلهن يونسهن ويعشيهن بمطعم  طبعا كلمن شرطت شرط وجسلنهن بموبايل خاف بعدين ينكر طلعهن وبقه لباب مفتوح  رجعت ريم ع سريع سدته ومشت ركض وسمعت صوت ضحكته  اجه كعد يمي كلي

علي ::-مبروك عروستي ان شاء ادخل عليج بيوم لخطوبه وحنه عاقدين   وبيوم لعرس

ملك
رفعت راسي  غمزلي  وتقرب مني كتله