زفيت حبيبي لحشد

هو شـ بقى من الگلب حتى ارهم لغيرك

ليش...

بكل تفاصيلي علامة الكاك

ملك
طلعت من بيت شفت سلام واكف يم لجنط ودمعته ع خده مسحه وصعد اول ماصعدنه جان مشغل   باسم تمنيت الاحبهم مايبعدون بقينه سكته كم دقيقه وصلنه للبيت نزلت كوثر وامي وبقيت اني وسلام  كلي

سلام ::-لبقيه بحياتج ملك
ملك ::-منو لازم يكول لمنو  انته دكلي ع خطيبي لو اني ع اخوك وصديق عمرك

سلام ::-ملك احس بيج ريحه علي
ملك ماتحملت نزلت كتله::-خويه وياك غراض علي نزلهن ع كيف

ملك
دخلت لبيتنه هنا اول ما اعترفلي بحبه وباسني وهنا ضحكلي وهنا من  اجه وشبكته اذكر اول مالتحق بلحشد ونزل وصلت اصبح كال اتغده وانام واجي اشوفج بس اشلون كتله سهله كمت انك ع راس امي اريد حاجات من سوك  كالت تعالي امشي وياي مو بعدين ومايعجبنج ست ملك كتله لا يعجبني وعندي دراسه وصباحي كالت ميخالف   اوووف ماما وطيرناها لمهم طلعت امي لعصر وكوثر نايمه  بغرفته لان امي ماكو وكتله بقه عليك سلام بسام بشغل وعباس وبابا بلحشد  اتصل ع  سلام كله ينتظره بلكهوه لان يتاخر وعنده شغله طلع سلام صعدت حظرت نفسي كحله ومورد خدود ولفتيت شالي  اشويه ورمشلي نزلت اركض اول مافتحتله لباب دخل شبكني حيل وبقه يفتر بيه بطارمه مالتنه واني ميته من فرح جنت طير وطايره  وهسه نكطع اجناحي وكعت    انتبهت نفسي ودخلت لمطبخ اوووف هنا هم عندي ذكره وياها جنت اخابره بلمطبخ تذكرت مره جنت اخابر بيه وادور ع اكل بثلاجه كام يضحك عليه وكلي عروستي ام بطني  بقيت امشي بطبخنه بهدو لحد مادخلت لصاله ايييي هنا حلمت بيه جنت نايمه بصاله من دخل عليه عليه وياها نسوان  اوووف علي كلشي يذكرني بيك صعدت لغرفتي  اشويه ودك لباب سلام

ملك ::-ادخل
سلام ::-ملك بلا زحمه عليج يصير ابقيهن يمي.
ملك ::-صاير رسمي لمهم خاله انطتياهن يمته ماتريد
قاطعه سلام
سلام ::-ملك اريدهن
ملك ::-وين نحتفظ بيهن
سلام ::-ملك لمكان جنتي تلكينه نلبد بيه اني وعلي
ملك ::-قصدك لسطح
سلام ::- اي مكانه اني وعلي مو سطح كله راح اسكفه وخليله باب
ملك :-اي
سلام ::-اي اريده مكان انعزل بيه يذكرني بعلي جنه من نضوج نطفر لسطح لزويه بلسطحنه
ملك ::-خو بغرفتك ومن تزوج الله كريم
سلام ::-يازواج راح اقدم ع لحشد
ملك ::-سلام اني خسرت علي ما اريد اخسرك ولا تنسه وصيت علي وصاك باهله اذا انته رحت منو الهم يبقن لبنات محد الهن
سلام ::-ملك والله ماكدر اعيش وعلي ماكو ولج اول مره اختنك ومالكه واحد احجيله ولج اول مره اضم بصدري اول مره يمرن 4 ايام وماسامع صوته خلصنه عمرنه سوه  بدوامات ولعصريه وبليل ونومتنه كله سوه حته بلعطله اذا مايخبرني  مو بيوم لا بنص نهار اخابره واطيح حظه لو يخابرني ويزلني كله سوالف بصظاقتنه من جنه بلمدرسه متوسطه وعداديه كالو تفرقكم ابنيه ماطول علاقتكم قويه جان يضحك ويكلهم لا من هذا جان اطمنو  واكله سكط اسكت  وجنت اضحك واكلهم لا نسيبي ويكلي وهيج ونصير نسابه تاخذ اختي جلحه واخذ اختك لحلوه  واضل اضحك ع سوالفه وكل اشويه كافخه ومرزله من وره كلبه ليتمعشك ع كولته