اميرة وعلي

السادس عشر

مرت عشرة ايام وعلي ﻻخابر وﻻ سال بس مرتين سلم بيهة
علة امه واتصل باخوه محمد وطمئن عليهم
اميرة ظلت يقلق وبحيرة ليش ميسال عليه ويتصل بيه عل اﻻقل ولو مرة وحدة بهل عشرة ايام
وهي كرامته متسمحلهة تتصل بي وهو ميسال عليه وﻻبس الشفله
مرت العشرة ايام وخابر اميرة
الوو اميرة مصدكت اتصل بيهة وجانت متلهفه تسمع صوته
الوو علي شلونك ظل بالي عليك من مجيت قصدي عمتي واخوتك ظل بالهم
شلونهم
كلهم بخير
همة يمج دااتصل بامي مترد صاير شي
ﻻ عمتي راحت زيارة والبقيه كل واحد بشغلة العصر يجون
انتي شلونج
اني (اتريد ادكوله اني تعبانه وعيوني مشتاقه لشوفتك بس
كبرياءهة ميقبل ليش هو ميكوله)
بس متعرف بنفسه هي الخسرانه**
بقلم الكاتبه ذكريات الحياة)
ردت اميرة
اني بخير ماطول ماانت بخير
رد علي
الحمد و لله ليظل بالكم اني براحة ومتونس وراح اجدد اقامه
انصدمت اميرة
شنو ***شنو اجدد اقامه شو انت مصخته انت اتونس هناك.
وخليني وحدي بين ﻻربع جدران هنا
علي
ههههه تردين اطلعين اني راح اكول للولد يطلعوج ﻻي مكان تردي لتحبسين نفسج
شنو اطلعين حته لو طلعت مراح اتونس
ليش
اتريد ادكوله اني اريدك ويايه انت اطلعني بس هم سكتت(بس
الى متى هذا العناد ياميرة مو رجلج راح يروح من ايدج بطلي عناد).
ردت اميرة
ها مو اﻻماكن كلهة رايحتلهة وشبعانه منه
علي ***اميرة  
نعم علي اتريد ادكول شي
علي بحلكه حجي ويريد يحجي ويتراجع وحست عليه اميرة
احجي اني دا احس تريد تحجي ومتردد
علي
اميرة انتي تعرفيني زين والعشرة الي بيناتنه مو قليله حته
متعرفيني شريد
اميرة عرفت زين علي يريد يطلكه
بس ﻻ علي لتسويه
علي
كمل
اني وياج الظروف الي اتزوجنه بيه اني وياج جانت صعبه
وصحيح اني اذيتج بس بعدين يشهد الله حبيتج
وحاولت وياج انو نرجع لبعض وانعيش حياتنه سعيدين
بس ذكرى فاطمه ميروح من بالج واني وياج هي اختج
وموتته جانت نكسه الي والج بس ما شاء الله كان
وهذا قدرهة وقدرنه
ولو انتي اتحبيني جان حاولتي ويايه مثل ما اني حاولت
لكن ﻻ كل محاوﻻتي وياج راحت ادراج الرياح
وهسه اكولج انتي طالك يا بنت الناس والي تردين سوي
تحبين اتعيشين ويه اهلج الله وياج ومستعد لكلي تردين
ويه اهلي لحد ما نستقرين علة راي وتحجيلهم كل شي
بعدين ﻻهلج وتشوفين حياتج واني ما احب اغصب وحده
متريدني ومتحب شوفتي واني اهنا ابهل البلد لحد ما ترحين.انتي من البيت  وخبرت اهلي وهم يعرفون بهذا قراري
اميرة انصدمت من كﻻمه
ظلت متعجبه شلون يطلكه بهل السهوله
صاحت بي
اني شنو سلعة عندك شوكت ماتريد ترميه وبعدين شنو طﻻك

وانت بمكان بعيد هذا الحجي مياكل عندي تعال.
واكوف كبالي وطلكني وجه بوجه انت مو زلمه ليش تخاف
مني
لو شفت الشكرة والسمرة وغيرتك علينه وادور حجة.وبعدين اذا طلكت هاي ثالث مرة يعني ﻻزم اتزوج يله احل الك
ولتستعجل بعدين تتندم اني حبيبتك اميرة الي عاركت الكل علمودهة حته فاطمة نسيته ﻻجل حبك فكر ولتستعجل
علي
فكرت بكل الي ادكولي وملكيت غير هذا الحل
خوش علي  لعد تعال لبغداد واجهني حته يصير طﻻكي حقيقي
مرد عليه علي.
بس في امان الله وسد التليفون
وهي بقت بحيرة ها راح يجي ؟
شلون ميجي ؟؟
تسال روحه واتجاوبه
قابل يبقه هناك للتالي راح تخلص فلوسه ويجي
وبعدين سمعت هو بدة يشتغل هناك وراح يتزوج وياخذ الجنسيه الاجنبيه
تخبلت ومبقه عدهة عقل
هذا سواهة صدك راح يتزوج لهل الدرجه اني مستصغرني
يعني اسويت علمود يعوفني بهيجي طريقة
كول الي سويته متحملت موتت اختي وجان ينطيني العذر.
اﻻناني الحقير بس ﻻ هو بعد زوجي وهذا ميعتبر طﻻك
واني راح ابقه هنا واعيش لحد ما هو يجي
محمد بكيفج هذا البيت بيتج واحنه كلنا اخوتج واشتردينه
حاظرين من اﻻلف للمﻻيين احنه صحيح فقرة وعلكد حالنه
بس منتعاجز من طلبات مرت اخونه وانتي  نعتبرج امانه لحد ما علي يجي لبغداد
واذا تردين اتعيشين يم اهلج هم علي كال واحنه هم انكول
طلباتج وانتي هناك توصلج
اميرة
ﻻﻻﻻﻻ ما اروح لبيت اهلي مراح يخلوني اكمل دراسه.
وراح يسالون علة رجلي واظطر اكوللهم واتصير مصيبه
خليني هنا(خطيه اميرة صدك صارت يتيمه هسه ﻻ ام وﻻ اب وﻻ ﻻرجال عليمن تستند المسكينه)
ويجت اميرة وهي تحجي وخنكته العبرة ومحمد واساهة
وكال
مستحيل اخليج متحيرة واني وياج لحد متكملين ومحد يدري بيج غير الله واهل بيت رجلج )
اشكرك اخويه محمد بس ليوين
معليج دا اكولج الي تردي يجرالج
ومرت اﻻيام وعلي يخابر ويسال علة الكل عليه.بس يظطرون
يكذبون عليه حته يرجع بكﻻمه
واميرة قدمت علة الخارجي وساعدهة محمد ودرست ونجحت

وصارت طالبه قانون
ومرت سنين وعلي هناك وكللهم اني انزوجت بس علمود
اخذ اقامه وبجت اميرة ودكت علة وجهة بسبب حظه العاثر
بس هذا ممنعه اتكمل دراسته واتخلص قانون حته صارت
محاميه بارعة اشتهر صيته ابلدهة وقرت وقدمت علة دوره

القضاة
ونجحت وصارت مره يفتخر بيه اهلهة واهل علي ﻻن هي جنتهم يم الناس
وجان محمد هو الي ياخذه البيت اهله من تسافر
ويسالون عن سبب انجابهم للاطفال
وهي ترد بعد وكت وكاعدة تقرة ومحمد ينحرج منهم
وميعرف شي يرد عليهم
محمديعتبرهة اخته وبنفس الوكت مرت اخوه وهي هم
بس المواقف الي يوكعون بيه محرجه
لحد ما يوم باتوا يمهم وخلوهم يباتون سويه بنفس الغرفة
انحرجوا اثنيناتهم وبقه هو منايم للصبح وهي نايمه علة الكرسي وكعدوا متكسرين والكل يضحك عليهم
محمد بدة يحب الكعده وياهة ويرتاح اله وهي بدت ترتاح
لمحمد ومتطلع اله وياه وصاروا مثل اﻻصقاء الي ميفاركون.
بعض
وفد يوم علي خابر وراد صور امه واخوته من محمد
وهو جان خال صور ه هو واميرة وهم طالعين وهم بلبيت
وجان ملتهي بلسيارة يصلحه صاح اخو كله ارسل صورنه
كل البيت ﻻخوك علي يريدهن وهو هذا خبل مصدك
دزهن كلهن حته صوره ويه اميرة
محمد ﻻخو
ها رسلتهن
اي هاك
باوع
لك هاي هم
اي انت مو كلت كل صور البيت
خرب ابليسك هاي انت اشسويت
لتخوفني
دزيت صور اميرة ﻻخوك
ها₩₩₩₩₩₩₩₩