اميرة وعلي

الثالث عشر

مر علة اميرة شهر وهي ابيت خواله
دز عليه علي اخو محمد ومقبلت تجي ومحمد يكول هي املخة
وجهة من البجي وحالته حاله
وكللهة تعالي ويايه للبيت
مجاوبته لمحمد بس كالت كوله ﻻخوك ما اريد اجي هسه
علي معرف شي يسوي
هو مو رجلهة كدام خوالهة وﻻ يكدر يتحكم بيه دز محمد
وهو ﻻيحل وﻻ يربط
وراد ينطيهة فرصة ترتاح بيه ﻻن صدمتهم جبيرة بس
امه وحدهة والبيت يفرغ الصبح للعصر وهي مريضه وميكدر يعوفه
صار اﻻربعين مالتهم وعلي راحلهم للبيت
ورحبوا بي وسلموا عليه وبليل بات يمهم هو واخوه محمد
وراد بس يشوفه لاميرة
وجانت بلمطبخ ويه النسوان تكظي شغل المطبخ
ويسون الحلويات علمود يوزعزعه ثواب
صاحوا علة واحد من ولدهم ياخذ الصينيه
راحلهم علي بس راد له حجه ويشوف زوحته
طب المطبخ شاف الدنيه مكلوبه هذا اليصيح هاك وهاي التصيح خسلي الماعون وهاي التصيح طيهم الخواشيك
واخيرا شاف اميرة وهي تنطي الخواشيك والمواعين
شافهة مو اميرة الي يعرفه هي ضعفانه ومبين عليه التعب

وجهة صاير كركم بس اﻻسود ضارب علة جسمهة اﻻبيض وطاغي علة تعبهة ومبين جماله (اللؤلؤ جو عمق البحر ويلمع
وهياميرة اسم علة مسمى اميرة وﻻبسه لؤلؤه)
بس هي وﻻ هنا وﻻ يمه كانما واحد غريب  واكف يمه
حاول علي يحاجيه صاحته بنت خالهة
اميرة هاي احط بيهة شكر شكيد
وراحت اميرة وراح علي واجل الحجي بعدين
وبليل خلصوا كلشي وراحت العالم  وعلي كاعد بلغرفة
ويه الزلم ويسولفون وهو فكرة يم اميرة شلون يحاجيه
وبعد ما الكل نام سحب روحة وراح للحمام بلكت يشوفه لو يشوف وحده من البنات اتصيحهة
واكو حمام خاص للخطار وكف اباب الحمام وهو ينتظر
مر طفل بلعشر سنوات كله
تعرف اميرة
اي عمو خالتي اميرة اعرفهة ليش
روح صيحهة
باوع عليه الطفل وكال
شتريد منه
علي اتعجب علة هذا الطفل الي امبين رجال من حجي وسؤاله
حبيبي اريده بشغلة كوللهة علي حماج يريدح
ها عمو انت اخو محمد رجله
اتعحب علي لفطانته بس ضاج من كال محمد رجله.
اي عمو روح صيحه
بس عمو هي بغرفته دترتبه علمود رجلهة راح يبات يمنه انت هم اتبان هنا
طلعت عيونه لعلي ليبرة من كال
راح ترتب الغرفة لرجله وهو يبات هناك
راح لمحمد وصاحه
اخو اجه يركض
شكو اصاير
تعل حلي هاي المشكله
شنو كلي
اهل اميرة عبالهم انت رجله ودزوهة اترتبلك الغرفة وتبات
يمهة اكيد كلوا رجله وعريس وصارله اربعين يوم
مفارك مرته وحبوا يسون خير
ضحك محمد ههههه وكال خطيه
خنزر علي عليه هسه هاي وكته هاي بدال متلكيلي حل
شيبك الحل سهل شنو كولي
اكللهم راح ابات ويه الزلم وعيب من اخويه
وانت اتروح وتحاجيه

شافهة علي خوش فكرة
اجه الطفل نفسه  وراح لمحمد وشاوره
ومحمد كله ﻻ اني راح ابات هنا
وبعدين اشر لعلي بايدة يعني روح
راح علي ورة الطفل ديندل الغرفة
وفعﻻ  وصل اباب غرفة بيه بنات وياهم اميرة
سمع وحدة اتكول.
شنو هذا ميشتاق لمرته
ردت الوخ عيب هاي مو وكته احنه بفاتحه
مو صار اشكد مفاركه
اميرة تدرين لحد هسة مشايفة رجلج شلونه شكله
اميرة مجاوبته هي حايرة بهمهة
جاوبت وحده من البنات
اني بس شفت اخو  رجل فاطمه يخبل اسمراني وهيجي
تحسين بي رجال هيبه هو ولحيته وشواربه ﻻيكات عليه
ياعيني مقهور علة مرته
ميجي ياخذني بمكانه
ههههه
ولج عيب مو كلتلج فاتحه هسة تسمعنه امي وخالاتي
واحنه شكلنه
يله يله كةل وحده بفراشه تعبانين وخلي انعوف اميرة اخاف يرجع بحجايته رجله ويجيهة ههههه
ههههههه
هسسسسس
وراحن وبقت اميرة وعلي جان خاتل جوة الدرج وسمعهن
وشافهن من طلعن
طب علة اميرة جانت متمدده وامبين عليه التعب
سد الباب
شلونج اميرة
كامت اميرة علة حيله
هاي اشجابك وشلون جيت هسة يحسون بيك اطلع
شي يحسون هم بسابع نومه الكل تعبان بعدين هم دزوا علة رجلج حته يبات هنا
ذني بنات خوالي بس مو انت عبالهم محمد
وانتي شلون قبلتي
ادري بي محمد يرفض
بس هسه عبالهم غيرت راي واجيت
اطلع ولتسويلي مشكله
اذا انتي مصرختي متصير مشكله
هسه شتريد جاي
اريد مرتي هو هذا سؤال اتسالي
وهي هاي وكته علي افندي اني بي حال متشوفني
علي
افتهمتيني غلط اني صحيح مشتاق لمرتي تواسيني على فاجعتي بفاطمه وابني
بس مجيت احجي وياج لهذا الشي
جيت ارجعج للبيت انتي متحسين بيج طولتيهة
باوع بعيونه شافت اشتياق قوي بعينه كانما اشتياق اسنين
امي وحده بلبيت وهي مرة جبيرة واتريد وحده تعاونه
بعدين اني عفته مريضة ورفل هسه يمه وهي خطيه
هم رجلهة يريدهة وصارله هوايه يمنه
اميرة اني راح ارجع لخاطر امك وبس
اتعجب علي لكﻻمهة
طبك حاجبه وكال
لخاطر امي  ؟واني ماعندي خاطر
اني وياك مستحيل نرجع لبعض روح فاطمه وابنه يجوني يوميه بلحلم
واحس احنه السبب بموتته
انتي شد تحجين هاي امر الله قضاء وقدر
ﻻ لو مو اني بلوسط مجان  انت عفته لفاطمه ومجان طلكته
وراحت لبيت اهله وصار الي صار
ولج هذا الي ادكولي حرام عليج
ﻻ مو حرام مثل ما كتلك هسة راح ارجع وياكم انت ومحمد
وبعدين انت بطريق واني بطريق