اميرة وعلي

الثامن عشر

بعد موت ام علي البيت ظل فارغ بس علي كاعد ما عنده شغل
محمد يطلع لشغله ولؤي واميرة هم يطلعون
اميرة تحاول متكعد وياهم تسوي الريوك وتطلع قبل الكل
للمحكمه وكامت تخجل ﻻن ماكو مرة بلبيت وعلي من يوم الهجرهة وراح للخارج تعتبر رجل غريب عنه
بس ميانته ويه محمد ولؤي اكثر
وبيوم الجمعه عطلتهم كعد الكل عل الغدة بعد ما طبختلهم
اميرة سمج بلفرن وحلويات ثواب لوالدتهم
علي هاي اول مره بعد ما اجه من السفر يشوف اميرة
وهي تحاول تحط اﻻكل وتروح للمطبخ
صاح عليه محمد تعاي اكعدي اتغدي ويانه
اميرة
ﻻ اني راح اكمل شغل بلمطبخ
ميصير هذا ثواب وكلنه مجتمعين
اميرة رفضت .
محمد راحله للمطبخ وسحبه من ايدهة وجابهة وكعده وياهم
محمد
هاي من يمته وانتي تاكلين بلمطبخ هاي السالفه طلعت جديده
علي يباوع من طرف عينه علة محمد وعرف قصدة بس استمر
بلاكل وهو يستمع للحديث الي يدور بيناتهم
اميرة وبصوت ناصي مستحي
اني من يوم اتوفت عمتي احس دا اثكل عليكم البارحه
وصيت علة بيت للايجار
محمد شنو هذا الحجي انتي تبقين هنا وممنوع اطلعين
لؤي
انتي اختي ومرت اخويه علي شنو غريبه اندار علة علي
شنو ناويين اتاجرون بيت وحدكم
حجايه لؤي خلت الكل يرجعون للواقع اﻻليم
محمد خنزر على اخو لؤي
اميرة باعت عليه ونظراتهة كلهة عتاب الؤي (تقصد بيه ليش فتحت موضوع جان مزدود صار اسنين)
رجع لؤي كرر سؤاله لعلي
علي شو مترد امبين امر دبر بليل ههههه
هنا علي خرج عن صمته
امبين من الحاحك اتريد تغرغلك الغرف انت ومحمد حته
تزوجون بيه؟ هاي خوش طرده
اهوووو هم سويته سالفه انت مجوز من سوالفك القديمه
البيت مال الكل بس اشوف اميرة متشوف نفسه ومستحيه
منه هاي اﻻيام حبيت افتهم السالفه

محمد وهو يباوع علة اميرة وصارت عينه بعينه
وعلي يباوع عليهم
انتي شنو سالفتج متكولينه شكو خلي نفتهم
اميرة
كامت وعافت اﻻكل
راح وراهة محمد لكاهة تبجي بلمطبخ
هاي شنو هيجي انت انغثيتي من حجايتي ولو ادري انتي رجعتي صغيرة وتزعلين بسرعه جان مفكيت حلكي
وحاول يضحكه ومحمد اتعلمت عليه اميرة ويعرف شلون
يخليه تضحك
وهي ابتسمت وياه وهو ههههه واكف كباله
طب علي يغسل ايده اتفاجئت وكع الماعون الي جان بيديه
دنكت اتشيله دنك وراهة محمد وطخوا راس براس
باعت علة علي وكامت بسرعه
علي شاط وصاح عليه اميررررر ة
تعاي اريد احاجيج
اميرة
شتريد احجي هنا محمد مو غريب
هذا حجي بين مرة ورجله
انت مو رجلي لو نسيت مو طلكتني وهسه انت ومحمد ولؤي
اخوتي
واني ما احب طريقتك بلكﻻم
علي اتخبل مو هي اميرة الي جانت ترجف من يصيحله
صاح
ﻻ انتي بعدح مرتي واذا اتحبين خلي واحد يطلعهن الج بلمحكمه حته تذكرين
بس الي يعوف زوحته ويهجرهة سنين تعتبر بحكم المطلكه
انتي كلتيه بحكم بس مو مطلقه
وانتي كلتيلي تعال وكابلني وطلكني وهذا ميعتبر طﻻك .
واني انقصدت مجيت حته ليصير طﻻكنه رسمي
اميرة يعني
علي
يعني اني مطلكت وانت رفضتي وانتي لي هسه زوجتي
محمد طلع وهو متعصب من اخو معجبه الحجي كانما اميرة.
سلعة يمته يحب يرجعه

اميرة بغضب
اني مستحيل ارجعلك واني وياك بلمحكمه
علي
ها انهدديني وترديهة بلمحاكم مابيه شي
خلي العالم كلهة تدري بقصتج وننفضح واهلج يدرون
(صحيح علي حجه وهو يعرف نقطه ضعفه)
وعرف يجيبهة من ايدهة الي توجع
صارت عصبيه وصاحت

خلي اتحمل كلشي وﻻ ارجعلك
اتقرب منه وهو مبتسم
انتي زوجتي وشتسوين سوي المحاكم اهلي اهلج العالم
روحيلهم وجربي حظج
وعافهة وطلع من المطبخ
وخﻻهة تشبط
وهو وﻻهو يمه
(اميرة تعرف زين علي هو زوجه وﻻ بد يوم يرجع ويرجعه
بس الطريقة الي حجه بيه وياهة حست بنفسه ﻻشء
سلعه يمته يريد يرجعه)
بعد يومين
علي بلبيت
دك تليفونه كرايب اميرة جاي هو عائلته عنده معامله يكمله
وراح يبات يمهم
وجتي اميرة من وكت
ونضفت البيت وهو كاعد يباوعلهة وهي ﻻبسه البطلون اﻻزرك
وقميص صحراوي وتفتر بلبيت تشيل هذا وتخلي هذا
ومخبوصه اميرة متغير كلشي بيهة حته لبسه وشعرهة
الصابغته بلون نحاسي وضارب علة لون عينه وسادته بقراصه
ومطشر خصله هنا وخصله هناك ومسويه طفله حته قبل .
من جانت اتحط مكياج يختلف عن هسة مكياجه راقي
خفيف وهادئ ويبعث الهدوء واﻻحساس بانوثته اكثر واكثر
وهو يﻻحظ عليه كل هذا التغيير وكعت شيشه الثريه من ايدهة وهي تمسحهة وجانت حافيه داست عله الكزاز
واتعورت ودمه رجلهة.
ركض علي عله الكلينس وكعدهة عله القنفه وبده يمسحله
الجرح
دفعته اميرة يعني وخر اني امسح جرحي بيدي
مقبل علي واستمر ينظف الجرح
انتي ليش اتحاولين تبتعدين عني مو اني عﻻوي .

محجت
ظل يكمل..
اني مطلكتج وﻻ فد يوم فكرت بلطﻻك لحد ما انتي كلتيلي
عوفني وبعدين لي هسه متمسك بيج
خرجت اميرة عن صمته
اني كتلك عوفني بس مو سنين وتتزوج وبعده ترجع وينج اميرة انتي منتظرتني عفيه عليج حبابه هيجي اريدج
اتسمعين الكﻻم ﻻ اني اتغيرت مو ذيج الطفله الي تفرح من تضحكلهة وتقشمرهة بحجايه عفيه عليج
علي
اشوفج اتغيرتي وصرتي احله اميرة بلعالم واني متزوجت
بس ﻻاخذ الجنسيه واكدر اعيش هناك والغربه اتحملته لاجلج
اني ؟اني شنو
خفت عليج ﻻ اهلج يدرون بقصتنه ويكتلوج ولحد هسه خايف
وانطيج فرصة تكبرين ويكبر عقلج
بعدين اعرف اخبارج من امي ومن رفل واعرفج مرة وكدهة
واذا حبنه قوي راح يتحمل لوعه الفراك والغربة

هذا حجي روح قشمر اميرة الصغيرة بي
ههههههه
انت اذا لي هسه اتحبيني تتقشمرين باي حجايه اكوله
وانكولين اجه حبيبي عﻻوي وخلي كول شي وره طهري
واتحضنيني وكافي بعد فراك مو انهد حيلي وبعد ما اتحمل
او فتح ذراعه باشارة يريد يحظنه وهي استسلمت اﻻ اشويه
دك جرس الباب
اهل اميرة جوي
سلم عليهم وسلموا عليه وشافت بت خالته اميرة مجروحه
هاي شنو
ﻻ مو شي لديرين بال متعوده
اي والله صدك انتي اتعودتي علة الجروح وا له اشويه تبجي
كال رجله هسه وكته انتوا النسوان جكد اتحبون تبجون
باوع علة اميرة وسال
احنه اتقبلونه انبات يمكم هل يومين دا اسوي جناسي
للجهال
علي هاي انت شدكول انحطك بعينه
باوعت بت خالته وفرت راسهة بلبيت اميرة لعد وين غرفتج وين محمد رجلج لي هسه مجاي