عشقك قدري

الجزء الأول،، عشقك قدري

بقلم الكاتبة
سارة التميمي
البارت ال 1
اني سحر خل احجيلكم قصتي
جنت بعدني زغيرة صف ثالث متوسط خل اوصفلكم شكلي
عيوني خضر وبيضة وشعري اشكر طويل جسمي ناعم يعني موطويلة بس حلو جسمي متروس شوية بس ناعمة وشكلي ناعم
عايشة بلبيت وية امي وابوية واخواني ثنين كبار مزوجين
حيدر وخالد يحبوني كلش لان اني اختهم الوحيدة ماعدهم اخت غيري
امي كلبهة طيب كلش ومن نوع متكير الابوية كلمة وابوية شخصيتة كلش عصبي وميتفاهم يعني مااكدر اوكف كدامة واناقشة باي شي من يقرر قرار انتهى بعد
ابوية وعمي علاقتهم كلش قوية عمي عندة ولد ثنين سمير واحمد وبنات عمي ٣ رنا وهند ومروة سمير ابن عمي هو الجبير بس اني مااطيقة مينبلع دمة جامد 😒
احمد ازغر منة عمرة ٢٠سنة كلش حباب واحسة يميل الي وصراحة اني هم بس احاول ماابين الة احمد شخصيتة حلوة رزن وميباوع على البنات وثكيل بس احسة يهتم بية ويسال علية دائماً ويحب يساعدني بلامتحانات يشرحلي رياضيات لان مااحبة😢 ويجيبلي موطة
عكس سمير 😡يباوع علية نضرات متعجبني
واني مااطيقة وهو شكلة محلو
عكس احمد حلو 😍عيونة كبار وحواجبة عبالك سيف نضراتة تموتني وجسمة عضلات وطويل وحنطاوي من اشوفة كلبي يطير بس مجنت اعرف ليش هيج يصير وياية من اشوفة مجنت اعرف شنو الحب وهو هم احسة يحب يشوفني دائماً
فديوم من الايام اجة احمد علينة واني جنت توني سابحة ولابسة برمودة وكاعد اقرة لان امتحانات البكلوريا قربت
اني مالبس حجاب كدام ولد عمي عدنة عادي
طب احمد للمطبخ شافني داقرة بس ضل صافن علية
احمد:خل اعرفكم بنفسي اني احمد عمري ٢٠سنة طالب كلية تربية رياضية وشاعر هم اتمنى اتخرج وراهة اتزوج بت عمي سحر لان ساكنة كلبي وشاغلة بالي بس مااكدر احجي لان بعدهة زغيرة واني بعدني طالب على مااتخرج تكبر شوية وصير الي اويللللي شوكت يجي هذا اليوم
مااكدر يفوت يوم مااشوفة اتحجج واروح الهم علمود اشوف سحورتي ومرات اساعدهة بدروسهة هي حلوة ودلوعة وساكنة بروحي من تحجي وياية احس تفوت كلبي
مرات احس روحي اني مسؤل عليهة احسهة بنتي وحبيبتي ومستقبلاً مرتي 😍
رحت فديوم عليهم فتت للمطبخ شفت سحر طافرة شعرهة ضفيرة صفح نازلة على جتفهة ولابسة تراك برمودة ودتقرة اني من شفتهة تخبلت صفنت عليهة بعدين انتبهت النفسي ودنكت بلكاع
سحر:احمد عفية تكدر تقريني رياضيات انت شاطر بي واني كسلانة بي كلشي ماافتهم😓
احمد :بكلبي اويلي شلون بية هو اني اكدر اضل صافن بوجهج
اوك سحر ميخالف
ام سحر:يمة روحي بلصالة اقري خل حمودي ابن عمج يقريج علمود ماكو هوسة تضوجكم
احمد:اني كيفت علمود اكدر اباوع بوجهة الجنة كمر واشبع منهة
سحر :انتبهت على اخوية خالد جان كاعد ضاج من امي لان هيج كالت جان امي كلتلة مابيهة شي يمة حمودي مثل اخوهة
احمد :من كالت خالتي ام سحر حمودي مثل اخوهة اني نعقجت
بس بعدين خالد كال يلة روحو
سحر: دخلنة للصالة بس خلينة الباب مفتوح يعني ياهو الي يفوت يشوفنة علمود خالد ميضوج لان ادري بي نحس وعصبي على ابوية
احمد : من كعدت يمهة داادرسهة وهي منتبهة علية اجاني شعور متحملت اكتم الي بكلبي
كتلة سحر عندي موضوع وياج كالتلي كول
كتلهة اني طالب هسة وانتي هم بعدج زغيرة بس اني رايدج الي اريد اخطبج من تخلصين امتحانات نقرة الفاتحة وخطوبة نضل اضمنج الي مو الغيري ومن اتخرج نزوج لان اني اشتغل وية ابوية بلعقارات يعني ميهمني وضيفة
سحر:من كلي احمد هذا الكلام حسيت روحي ساحت وكلبي كام يدك ومادري شجاوبة بس كتلة ان شاء الله وكمت بسرعة لان لوني نخطف وبين علية ارتباك
احمد :من شفت سحر نخطف لونهة ورتبكت اني تندمت حجيت وياهة حسيت نفسي ستعجلت وخفت لدكل الامهة لو العمي والاخوتهة وضليت متبسمر بمكاني مااكدر اكوم
سحر :صح ارتبكت بس جنت طايرة من الفرح بعدين نتبهت اني عفتة وكمت وخليتة موقف محرج
مدري منين اجتني الجرأة ورجعت علية مرة لخ لكيتة كاعد بمكانة بلصالة وجهة ينطي الوان خطية
جان كتلة احمد اني موافقة على الي تريدة هو صل مصدرم بعدين ابتسم
احمد : من كالتلي سحر هيج اني حسيت الدنيا مسايعتني كتلهة سحورتي اني اخاف عليج اكثر من روحي اني حالياً اريد تنسين الكلام الكلتة الج وانتبهي على دراستج مااريد شي يشغلج ورة الامتحانات يصير خير بس فكري هسة بدراستج واي شي تحتاجي كليلي اني الج كلشي بهاي الدنيا منا وهيج اي شي طلبي مني شتحتاجين حتى اخوتج متكليلهم تكليلي الي
جان تبتسم وكالتلي ان شاء الله اويلي على الابتسامة الجنن اموت عليها يناس مو بيدي 😍😍😍
سحر التهيت بلامتحانات ومفكرت بموضوع احمد مثل مكلي وهو كام ميجي علمود مالتهي وافكر بي فديوم طالعة من الحمام لابسة دشداشة قصيرة ودامشط شعري
كاعدة بلمطبخ واخوية حيدر كاعد وابوية طب ابن عمي سمير الي اكرهة😡
ديحجي وية ابوية بس عينة علية اني خنزرت علية
ابوية سألة :سمير ابني ليش متزوج وتبطل تفتر ورة البنات
سمير : اي عمي عن قريب ازوج ان شاء الله
ابو سحر: لازم مقرر بالك وحدة
سمير اي عمي بالي وحدة اني اولة بيهة من الغريب ويباوع علية