عشقك قدري
بقلم الكاتبة سارة التميمي
البارت ال 4
دكيت على احمد اول مرة مجاوب ثاني مرة جاوبني
اول مكال الو خنكتني العبرة وبجيت هو عرفتي
كلي سحر ليش تبجين كتلة احمد مجنت اعرف اني خطوبتي لسمير عبالي الك كلي سحر عرفت هل شي الي صار صار الله يخليج لزيديها علية انتي بعد تحرمتي علية ولازم منا وهيج اشوفج مثل اختي بعد
سحر: يعني متكدر اسوي شي
لو واحد غريب خاطبج جان حركت الدنيا ونهيت عليج بس هذا اخوية مابيدي شي بعد سحر
سحر:متحملت كلامة سديت التليفون ومسحت الرقم وانطيت التليفون الجنان
فكرت بيني وبين نفسي لو انتحر لو انجبر واستسلم للامر الواقع اول اختيار صعب مو علمود روحي عزيزة لا روحي من هل لحضة حسيتهة رخصت بس الكاسر ضهري امي مااكدراكون سبب كسرتهة وموتتهة لان ادري اذا صار علية شي تموت وراية فقررت ارضخ الهم الان الله يدبرني
سحر:نزلت على امي كتلهة يمة اني سلمت امري الله وموافقة على سمير
بس جان وضعي تعبان وافكر وكل همي شلون راح اعيش بيت واحد اني واحمد واني مرت اخو
بس كلت الله يحلهة ويطلعة من كلبي
مرت اسبوع على هل سالفة وقررو الجمعة الجاية عقد سيد وكعدة مهر
وراها ثاني يوم نعقد محكمة والاسبوع الورا العرس
اخذوني نشتري ذهب وحلقات وبدلة للمهر اني مالي نفس اختار شي كلة همة اختاروا
رنا بنت عمي اجت ويانة كلتلي سحورة شبيج شو وجهج مخطوف وسمير يحجي وياية اني اباوعلة بحقد ومااجاوبة
رنا كلتلي تعاي اختاري البدلة اني تعمدت ختاريت سودة كتلهم عجبتني بس هي كلش حلوة رنا ضحكت كالت كل عقلج تريدين يوم الملجة تلبسين اسود كتلهة احب الاسود كالت زين ذيج البدلة اسود وبي ذهبي حلوة اختاريهة
اختاريتهة ردت بس اخلص هل يوم وارجع للبيت علمود مااشوف سمير
صار يوم الجمعة كعدت الصبح نضفت البيت وحضرت بس نفسي مكسورة ومجبورة اني احضر لان امي مالهة احد غيري حيدر اخوية جايب كيك جاهز وصناديك شرابت وببسي
واني لازم اروح للصالون الساعة بالوحدة الضهر تغديت وصلني خالد اخوية
محبيت اخلي مكياج طوخ جان مكياجي كلش فاتح
وشعري مقبلت اسوي تسريحة بس خليتهة تبرمنة الي
بس طلع شكلي كلش حلو كملت اجاني خالد اخوية اخذني
طبيت للبيت لكيت بنات عمي ومرت عمي جايات وقسم من المعازيم بس سمير مجاي بعدة 😒
تمنيت ميجي اصلاً
اول مطبيت طشوا علية جكليت وهلاهل وتخبلوا من شافوني لان طالعة كلش حلوة
نرجع الاحمد نشوف شصار ويا
احمد : اليوم الملجة مال سحر على اخوية سمير اني مااكدر اروح وكلت الابوية مريض بس ابوية مقبل كلي عيب هذا اخوك اذا انت متحضر الملجة مالتة منو يحضرهة
رحت بلدت بس مختنك هاي بلبداية وبعدني ممصدكة وهيج لعد من تجي يمنة هنا وتعيش ويانة شلون
رحت استغفرت ربي وكمت بدلت اني حروح لخاطر ابوية بس مو الخاطر سمير لان دك وياية دكة مو مال خوة
حتى الغريب ميسويهة خطب سحر ويدري اني اريدهة
دزوني جبت الهم سيد اتفقت ويا اني اسوق السيارة
وصعد سمير وابوية والسيد وياية بلسيارة اسوق وبالي بغير عالم
وصلنة البيت عمي اتلكونة عمي وولدة وكعدنة بلصالة والنسوان وسحر بلهول بدة السيد يعقد احمد اني متحملت طلعت برة
سحر :تمنيت اموت بذيج الحضة بس دموعي تنزل
كمل السيد وطلب مني كلمة نعم موافقة كلتهة بسرعة لان ردت اكوم اطلع من يم هاي الهوسة اجر هوى شوية
من كملنة سيد ردت اكوم كالو ميصير مخلوني كال راح يفوت سمير يبوسج من راسج ويكعد يمج شوية من كالو هيج حسيت نفسي صخنت
دخل سمير
سمير:من فتت وشفت سحر وجمالهة نسيت اكو ناس كبل جيتت بستهة من خدهة ولوما احس الروحي ردت ابوسهة من حلكهة
بس ستغربت من بستهة جرت روحهة يلا طفلة تستحي اكيد مبقى شي وصير جواية واني اعلمهة شلون تستحي بعد ههههه
سحر : من فات باسني حسيت روحي ردت اتقيء سحبت روحي بسرعة وعيوني غوركت
ونفسي لعبانة منة ضليت شوية يمة كاعدة بعدين شاورت رنا كتلهة راح اصعد فوك ابدل البدلة البس غير فستان
رنا كالت حجي وياج اني كتلهة ميحتاج اني حبدل وانزل
طلعت من الهول داصعد الدرج لكيت احمد كاعد على الدرج
أنت تقرأ
عشقك قدري
Romanceقصة بقلم الكاتبة سارة التميمي عن فتاة اسمها سحر تحب ابن عمها احمد ولكن بنفس الوقت بطلب ابن عمها الثاني سمير اخ حبيبها يدها للزواج من والدها
