عشقك قدري

الجزء السادس،، عشقك قدري

عشقك قدري
بقلم الكاتبة سارة التميمي

البارت ال 6

مرت ٥ايام واني مشايف سحر وماانزل اليوم السادس داطلع من الغرفة وهي طلعت وصارت كبالي هي دنكت واني هم رجعت للغرفة بس احس كلبي نخمط
وكلت هاي مو عيشة اني لازم اشوف حل ضليت ابحث بلنت وشفت اكو تقديم دراسة علوم سياسية بروسيا وقررت اترك كليتي واروح اقدم هناك وابدي حياتي فاتحت ابوية بهل موضوع عارض بلبداية بعدين قنعتة وكتلة اريد منك تقنع امي
ابوية كلي بشرط تخطب وتزوج هنا يالة تروح علمود اضمن ترجع ومتلعب عليك وحدة هناك كتلة يابة اني مبالي ازوج كلي هذا شرطي الوحيد
كتلة موافق بس شنو عندك مرة الي كلة اي يابة بنت خالتك نور خوش بنية املجهة وروح سافر علمود من ترجع تزوجون
كتلة ماشي
احمد: وافقت اخطب بنت خالتي بس باي ثمن اريد اهرب من العذاب الي اني بي ابوية حجة الامي الموضوع امي موافقة خطبولي نور وملجنة
سحر :من خطب احمد وعرفت بسالفتة يريد يسافر اني نقهرت وبجيت بس بنفس الوقت فكرت وفرحت كلت بلكن من يصير بعيد عني انساه واعيش حياتي هو يلتهي بحياتة واني بحياتي
احمد : كملت اجرأت السفر وتقديم الدراسة بروسيا وصار اليوم الي اسافر بي ودعت الكل بقت سحر وكفت كبالي وكلتلي ترجع بلسلامة اني مكدرت اودعهة بس سكتت وعفتهة
رحت سافرت ولتهيت ادرس والهي نفسي
مرت الايام ......
سحر:مر على زواجي بسمير سنتين بس مصار عدنة اطفال
وسمير حيل متعبني يومية بنات وشرب واني متحملة
ويرجع يضربني يكلي ليش ليهسة محبلتي
اني دااحاول اغيرة بس مكدر سويت كلشي اكدر علية ومكدرت
بيوم من الايام سمير اجة كلي حضري ملابسي وغراضي طالع وية جماعة للشمال
حضرت جنطتة وشغلاتة وطلع للشمال بس اول مرة سمير احسة متغير اليلة القبل ليطلع حضني ونام وكلي اني احبج اني فرحت بهذا تصرفة
ومن طلع الفجر طلع ورد رجع باسني وبعدين باسني من راسي اني استغربت تصرفة هو مو اول مرة يسافر دائماً يطلع لبنان وتركيا
بس ميدير بال اني كلت بلكن الله هدا كيفت راح سمير
من وصل خابرني كلي اني باقي ٥ايام
وراجع راح اشتاقلج وكليلي شنو محتاجة اجيبلج وياية اني كلش مصدومة بتصرفاتة مو عوايدة اني فرحت كلت بلكن الله باوع الحالي
مرت ٥ايام اتصلت علية الصبح مال هسة طالعين بلطريق راجع البغداد هذا الحجي ب٨الصبح
مر الوكت وصارت ب١٢بليل وماكو خبر عن سمير تليفونة نغلق
دك تليفون عمي واحنة جنة يمة قلقين على سمير جان هسة واصل ليش ماكو خبر من دك التليفون من رقم سمير عمي هذا سمير
ابو سمير: ها يابة وينك
الي يحجي بلتليفون عمي صاحب هذا التليفون بلمستشفى حالتة خطرة سوة حادث ويا ٣ولد وهو بلانعاش ولكينة تليفونة وشفنة رقمك ودكينة عليك
ابو سمير :ذب التليفون من ايدة وكال وليدي راح يايابة
احنة كمنة نعيط شبي سمير عمتي تخربطت رحنة كبل للمستشفى اول مادخلنة سالنة الدكتور كال البقاء بحياتكم
عمي وعمتي تخربطوا وضليت حايرة مدري ابجي مدري احير بيهم
مات سمير خلصت الدفنة عمي ابو سمير مكسور وعمتي كل شوية تتخربط اخوتي دزو على احمد يحضر فاتحة اخو
احمد: جنت كاعد اكمل بحث ودك علية تليفون ابن عمي خالد
كلي احمد محتاجيك تجي بسرعة كتلة ليش خير كلي انت رجال واكيد راح تتحمل الخبر
اخوك سمير سوة حادث وتوفى وابوك وامك منتهين تعال احضر الفاتحة وبلكن ابوك وامك من يشوفوك تهون عليهم
احمد وكع التليفون من ايدي وضليت ابجي مهما كان هذا اخوية الوحيد مالي غيرة بلدنيا كبل حجزت اول طيارة ورجعت لبغداد لحكت على اخر يوم الفاتحة
ابوية من شافني حضني ويبحي يكلي اشم بيك ريحة سمير
وامي حالتهة حالة اني نمردت والدنيا سودت بعيني من شفت امي وابوية
خلصت الفاتحة
دز علية ابوية وجان كلش تعبان كلي وليدي مثل مشوف بعد مالي غيرك شغلة السفر اتركهة اخوك راح وانت اذا سافرت مرة لخ امك تموت لان مصبرة نفسهة بيك
احمد :ابوبة بهل حال مااكدر ارفض الة طلب صح راح يضيع تعبي مال سنتين وضيعت دراستي بلعراق وبروسيا
بس اخسر دراسة لان تتعوض بس ماكدر اخسر امي وابويةكافي سمير راح
رجعت لزمت محلات العقار مال ابوية مكان سمير اني اصلاً جنت اشتغل وية ابوية قبل
سحر : ابوية اخذني يمة لان لازمة عدة واحمد رجع للبيت فمااكدر ابقى بعد بلبيت
حسيت نفسي نضلمت بحياتي كضيتهة قهر وضيم وية سمير بيوم الي سمعني كلمة حلوة وصرف وياية طبيعي مات
بس اكول الحمد لله رب العلمين على هل قسمة مااكول غير شي
سحر :دااحس نفسي دتلعب واحس والدورة مالتي منزلت هل شهر
وفاة سمير مرت عليهة ٣اسابيع وموعد دورتي ورة وفاة سمير بسبوع يعني سبوعين فاتتني
كلت الامي كالت حللي خاف حامل كتلة يسويهة الحض
اخذتني امي واني لابسة بوشية حللت طلعت حامل
من شفت النتيجة شبعت بجي وقهر وحسيت الوكت ديعكس وياية بشكل مو طبيعي
بس امي كامت تحجي علية وكلتلي هذا رزق ربج يجوز الله اخذ شي وانطاج شي
بلغت عمي وعمتي ابوية اتصل بيهم كلهم سحر حامل فرحو كلش
عمتي خابرتني كلتلي من سمعت الخبر يالة صرت زينة لان حسيت منكطع دبر سمير من الوجود
وحست قطعة منة حتنولد من ريحتة
اني فرحت لفرحهة وقررت احافض على هذا الطفل علمود هاي فرحتهم
احمد :وصلت للبيت شفت امي وابوية وجوهم مستبشرة مشايفهم هيج من يوم مات سمير سالتهم خير كالولي سحر حامل
اني دنكت وكلتلهم بيهة الخير
الحمد لله صار سمير الة نسل نذكرة بي
ابو سمير :احمد اريدك بشغلة .....

يتبع.......

بيج #قصص_من_حياتناM& T