عشقك قدري
بقلم الكاتبة سارة التميمي
البارت ال 8
ام احمد :هلا خالة تعاي سلمي على سحر وشوفي سموري الزغير
نور: هلو سحر شجابج بس لا تكعدين هنا
ام حمد :شنو هل حجي بنيتي هذا بيتهة
احمد سمع كلامهة
اجة عاط بنور كدام الكل كللهة باعي رجعتج اي علاقة بسحر مالج ولتحجين كجي يغث سحر لو امي لو اي احد من اهلي ترة على عمة عيني رجعتج مرة لخ طلاكج كبل
نور خنزرت وصعدت فوك
سحر: قررت مااحجي وية نور ابد واجنبهة لان مبينة حاقدة علية مااعرف ليش
ثاني يوم الضهر دااروح للدوام وحضرت ممات سمير وخليتة يم عمتي ورنا ورحت انتضر الخط ورحت للدوام من رجعت صادف عندي امتحان رياضيات
واني من قبل مااحبة فكلت الخالتي اريد مدرسة رياضيات اخذ عدهة خصوصي كالت ليش يمة خلي احمد يدرسج
موجان يدرسك قبل
من عمتي كالت هيج نخمط كلبي
اذكرت ايام متروح من بالي
بس كلت العمتي لا احمد عندة شغل اني صديقتي كلتلي اكو مدرس بلفرع الورانة اروح اله عندة مجموعة ادرس وياهم
كمت اروح للمدرس المدرس بعدة شاب كمت اخذ يمة محاضرات الصبح والضعر اروح للدوام وخطية خالة ممقصرة وية سمير مهتمة بي لحد مااكمل دراستي
المدرس بدة يسألني انتي مزوجة مخطوبة اني ضجت من اسألتة وكمت اغلس وادرس وية الطلاب
لحد يوم من الايام العصر اول مرجعت من الدوام لكيت نسوان ثنين بلبيت وحدة جبيرة بكد امي وحدة زغيرة
ولكيت عمتي تحجي وياهن بس من شافتني دنكت سلمت ورحت اخذت سمير ورحت لغرفتي بعدين افتهمت من رنا ذني اهل المدرس الي يدرسني وجايات يخطبني
عمتي صاحتني كلتلي بنتي احنة مريد نضلمج اذا موافقة ماعدنة مانع بس سمير يبقى ابنة ويبقى يمنة وانتي شوفي دائماً حتى لو يومية عمتي من حجت وياية مصورة عندي علم
سحر: عمة منو كلج اني موافقة
اثناء مدااحجي وياهة بلمطبخ دخل احمد كل الامة شكو
كالتلة يمة سحر اجوهة ناس رايديهة
احمد:شنو يعني رايديهة وين
سحر اني ضليت مدنكة وخجلت ومرضيت على عمتي من كلتلة
ام احمد :يمة جايهة المدرس الي يدرسهة رياضيات يريد يزوجهة
احمد:شنووووو
يامدرس ومن يمتة سحر تروح مدرس وليش مكتولي منوع بعد تروحلةواني هذا المرس اروح اكسر راسة شنو ياهو الي يدرسهة يخطبهة
سحر :اني كمت محجيت شي
احمد: كلي وين من تريدين دروس تعاي علية ادرسج وبعد ماكو خطاني اوصلج فهمتي
نور نزلت سمعت هذا الكلام كامت تصيح انت شعيك بيهة وشتريد منهة
احمد : من سمعت صوت نور نفجرت حسيتهة هي السبب حالياً انو مانع نفسي من سحر
رحت عليهة ضربتهة وكتلهة لمي اهدومج خل اوديج الاهلج مية مرة كتلج لتدخلين بيني وبين اهلي
ام احمد :شبيك يمة صدك جذب
احمد :ماريد نور يمة مااريدهة شنو تريدين تخسريني مثل ماخسرتي سمير راح اموووت بعد مااتحمل
سحر:من سوة احمد هيج عرفت بعدة يحبني
ركضت الغرفتي وضايت اباوعلة من ورة الباب شلون منفعل وبجيت اذكرت كلشي مريت بي
احمد :وديت نور بيت اهلهة وقررت بيني وبين نفسي بعد مااترك سحر الحق الي انأخذ مني قبل لازم ارجعة بأي ثمن
ثاني يوم سحر كعدت الصبح ساعدت عمتي بلبيت وكملت والضهر تحضرت دااروح للدوام
احمد جان كاعد واني دااطلع اروح للدوام
احمد شافني كلي سحر وين رايحة
احمد : ويامن ترحين
سحر الخط الي يوصلني
احمد: خلصنة من المدرس طلعلي ابو الخط ماكو روحة وية ابو الخط
سحر : تفاجأت بكلامة كتلة لعد شنو تريد تبطلني
احمد : لا اني اوصلج بعد المن جايبين سيارات لعد اذا نخلي بناتنة تصعد خطوط
سحر :احمد بس انت عندك شغل ونور اكيد راح تسمع وتسوي مشاكل
احمد: ماعندي شغل افرغ نفسي ونور معليهة وديتهة لاهلهة ومااريدهة اصلاً بعد
يلا روحي صعدي بلسيارة راح اغسل واجيب السويج واجي
سحر: اني كلبي كام يرجف بنفس الوقت فرحانة دااحس اكو شي قديم بكلبي ديصحى ويحن الة
صعدت بلسيارة ليورة وهو صعد يسوق ديسوق ويباوع علية بلمراية من انتبه يباوع يوخر عينة من المراية
وساكت محجة شي من داانزل صاح علية
سحر شوكت تطلعين كتلة ب٤ونص كلي خوش انتضريني اجي اخذج كتلة احمد مااريد اضغط عليك
كلي اششش ولاحجاية روحي
احمد :من وصلتهة احس نسيت نفسي بودي اسوق السيارة واخذهة بمكان بعيد محد يشوفنة بي
محبيت بعمري بكد محبيت سحر اباوع بلمراية على عيونهة خضرة وتلمع من تجي بعينهة الشمس كل نضرة منهة تخليني انسى اسمي
سحر : احس روحي فرحانة من هلي تصرفات احمد وياية لدرجة نسيت اني جنت مرت اخو لو هو مزوج
خلص دوامي طلعت انتضرة ملكيتة كلت خل انتضر شوية اذا ماجة ارجع
واكفة عل الشارع واكو ولد وراية يذبلي حجي اني لبستة وسوت نفسي ممنتبهة اجة وكف بصفي ويجي وياية يريد رقمي ومن هل حجي بهل اثناء اجة احمد شافة اني صعدت بلسيارة ونزلة احمد كلة انت شعندك هنا وشدتكول الهة؟؟
الولد كلة انت شعليك احمد كبل ضربة بوكس ذاك كام يصيح علية كلة اني اعلمك تضربني ورد احمد ضربة بوكس لاخ اني كمت اصيح
احمد حباب عوفة ذاك جر احمد شك قميصة وضربة بوكس على خشمة اني تخبلت نزلت احمد نام فوكا وضل يضرب بي ذاك تخربط من الضرب احمد كام يصيح علية كلي شعندج نزلتي كعدي بلسيارة رحت كعدت ورة وارجف من الخوف احمد اجة فتح باب الورة وجرمي من ايدي وكعدني ليكدام بصفة وهو اباوعلة خشمة متعور وقميصة مشكوك كام يسوق وهو محجة ولا كلمة اني بس ارجف وابجي
أنت تقرأ
عشقك قدري
Romanceقصة بقلم الكاتبة سارة التميمي عن فتاة اسمها سحر تحب ابن عمها احمد ولكن بنفس الوقت بطلب ابن عمها الثاني سمير اخ حبيبها يدها للزواج من والدها
