#عشقت_فصليتي
البارت ال 2
بقلمي #ميديا_الفهد
📞اني نائل
ملك.. 😳😳 عزة هذا منين جاب رقمي ؟؟
📞الووو ملك وين رحتي ؟
📞أنت منين جبت رقمي ؟
📞طلعته من جوة الكاع ،، عندج اعتراض
📞تره اني بت عمك مو بنية من الشارع حته تسوي وياها هل سوالف
📞واني شمسوي يعني ميصير انعجب بنت عمي واحبها
📞لا ميصير ورقمي تمسحة وبعد لاتخابر اوك ؟
📞ليش شنو فرقي عن وائل مو يحب اختج اني هم احبج
📞اول شي اني مالي دخل بأحد وثاني شي والاهم اني ماعندي هل السوالف والخرابيط يلا باي ومثل ماكلتلك بعد لا تتصل
📞بس اني .... الوووو الوووو
نائل.. شوف شلون سدته بوجهي بسيطه اذا ماخليج تموتين عليه فلا اسمة نائل
ملك.. لج تعالي شوفي هذا الخبل
مسك.. منو ؟؟
ملك.. حماج وابن عمج نائل،، مادري منين جاب رقمي انوب يدور حب 😂
مسك.. ولج خاف اخذه من تلفون وائل لان دكيت عليه من رقمج ذاك اليوم
ملك.. مو عيب عليه ينطي رقمي لاخو كلش نزل من عيني
مسك.. والله هسه اخابرة وألعب بيه طوبة
ملك.. مسك خابرت وائل وبقت تحجي عليه شلون ينطي رقمي النائل ،،
نائل.. طبعا اخذت رقم ملك من وائل بدون علمه ، قبل كم يوم كاعدين ودك عليه رقم غريب صحته جاوب عرفت من كلامه ويه مسك هذا رقم ملك ،، كيفت واخذته بس عنودية وراسها يابس بس اجيبها اجيبها
مسك.. والله وائل يحلف ويتكفر مو هو منطي اله وراح اليوم يحجي وياه ويرزله
وائل.. نائل تعال اريد احجي وياك
نائل.. يمعود الولد ينتظروني من ارجع عود احجي
وائل.. لك بابا شو انت متستحي ،شلون ادك ع ملك شلون تاخذ رقمها مو عيب
نائل.. اوكف شويه ارد ع التلفون
📞الوو روحوا اني مراح اجي وياكم عندي شغل ، يلا مع السلامة.
نائل.. شكو شبيك؟
وائل.. سألتك وجاوبني شلون تخابر ع ملك مو عيب
نائل.. يعني انت حلال تحب مسك ودك مكالمات ومسجات واني حرام مو ؟
وائل.. البنية صغيرة مو مال هاي السوالف وخجلتني كدام مسك عبالها اني منطيك الرقم ، وكالتلي بعد لا يدك عليها
أنت تقرأ
عشقت فصليتي
Romanceقصة حقيقية لفتاة عراقية بين ليله ويوم تصبح فصلية بسبب تهور اخوها ،، بقلمي #ميديا_الفهد
