عشقت فصليتي

الجزء الثالث عشر،، عشقت فصليتي

#عشقت_فصليتي

البارت ال 13

بقلمي #ميديا_الفهد

ملك.. دخلنه للبيت ولكيت الحجية واكفه ع الدرج ومتخوصرة ، يارب سترك

مازن.. هلا يمه شلونج ، بيج شي ؟؟

ام مازن.. كول شنو الي مابيه والله راح اطك واموت مرة مريضه لا تسألون عليه لا دكولون امي وانت اخذت المسعده من الظهر وبنص الليل رجعت جان نموتوا بالفندق احسن ، انوب مشيلته كومه علاليك اكيد من سحورة امج وخواتج الله يعلم شمسويات بنهى وهاي هنا عايشه بالعسل المكطمة

مازن.. يمه شنو السالفه شبيج مكلوبه گلب اليوم سامعه شي 

ام مازن.. لا عيني شايفه مو سامعه ابني صاير عربانه لهاي ام الوصخ الي اهلها دزوها حته بدون هدوم يريدون بس يخلصون منها ، وخلتك محبس بديها

ملك.. هيه تحجي واني بلكوة لازمه نفسي ولساني ،بس ماريد احجي حته ليكول مازن متحترم امي اسكت احسن بس ميته قهر ،بقلمي ميديا الفهد

مازن.. يمه بنص الليل وتعيطين راح تلمين علينه البيت ، وإذا مريضه باجر اوديج الاحسن دكتور ادللي وهذا راسج وابوسه ، قصص من حياتنا M&T

ام مازن.. وخر مني لا تلزمني لا انت  ابني ولا اعرفك ، مستحيت ع نفسك يمنه خطار ومنجمعين اخوتك وخواتك وابوك وانت اخذت هاي الكح.... وطلعت ماحسبت حساب الاي واحد

مازن.. يمه شهل حجي عيب والله غير مرتي ،اخوتي مو يطلعون ويه نسوانهم شو متحجين واذا زعلوهن توكفين وياهن ضد ولدج ليش اني وحد فهميني

ام مازن.. ذنيج بنات ناس واجاويد هاي شنو وتقارنه ويه نسوان اخوتك الي يشرفنها وتاج على راسها

ملك.. اني هم بنت ناس واجاويد مو بس هنه صح ع كد حالنه بس عايشين بشرف ، واني لو ماعملة بنتج جان مو هذا حالي

ام مازن.. شوف شلون اطول لسانها كدامك يا الخيخه مسويتك وصلة مسح من طاح حظ بطني الي شالتك تسعة اشهر

مازن.. ملك 😠 كم مرة كايلج صوتج ماسمعه يلا صعدي كدامي يلا ،،بعياط ،، بقلمي ميديا الفهد

ملك.. اريد اصعد جان توكف وفاتحه صدرها ومتخليني افوت

ام مازن.. والله ماتصعد ولا تخطي خطوة وحده ، لو اني لو هيه بالبيت انوب عليه الكح....

مازن.. يمه دخيلج انعلي الشيطان وخلي الليله تعدي ع خير ، وين تروح البنيه بهل الليل

ام مازن.. ما اعرف بس اذا صعدت اني اطلع من البيت واغضب عليك دنيا وآخرة

ملك.. گلبي كام يوجعني يمه بس لا صدك راح تخلي مازن يعوفني ،،

دست ع نفسي وكمت ابوس براسها وهيه تدفع بيه ،، حجية فدوة اروحلج والله اسفه واعتذر مو قصدي اجاوبج الله يخليج  انتي ام گلب الجبير بداعة الكعبة الي حجيتيها لا تفرقيني عن مازن