عشقت فصليتي

الجزء الرابع،، عشقت فصليتي

#عشقت_فصليتي

البارت ال 4

بقلمي #ميديا_الفهد

نائل.. لا يابة ماريد اتزوج غريبه ، اريد ملك بنت عمي كاظم

ابو ابراهيم.. ابني بس ملك بعدها تدرس وادري بامها متنطيها هسه

نائل.. لا هية كالتالي اترك الدراسة متريد تكمل

ابو ابراهيم.. باجر اروح احجي ويه مرت عمك ويصير خير اذا انتو متفقين

ملك.. عاتبت نائل لان ماباركلي بس كالي اني ماباركتلج لان حضرتلج مفاجئة حلوة ، لحيت عليه حته اعرف وماقبل يحجي

كاعدين الصبح واجة عمي علينه وكال لامي اريدج بموضوع بوحدنه ، عاد اني كمت رحت يم ورد

ابو ابراهيم.. حجية اريد اطلب أيد ملك لنائل كلت اطلبها منج بالأول قبل مااطلبها من اخوتها

ام ملك.. بس ابو ابراهيم بنتي بعدها صغيرة وتدرس وهاي اول مرحله الها بالكلية ، شلون تزوج مدبرها بنتي مدلله اعرفها

ابو ابراهيم.. بس هيه كالت تترك دراستها متريد تكمل

ام ملك.. شنو هاي منو كالك ؟؟

ملك  ملك تعالي

ملك.. كاعدة بغرفة ورد وأسمع امي تعيط عليه مبين معصبة ،

ورد.. شبيها عمتي تعيط عليج

ملك.. مادري ولج شو عمو ماجد اجه حجه وياها بس لا صاير شي

ورد.. ولج نزلي شوفي شكو شكلها معصبة عمتي 

ملك.. نزلت وشفت امي عيونها يتجادحن ،
هااا ماما ؟؟

ام ملك.. انتي صحيح تريدين اتركين كليتج

ملك.. 😕 شنو شأترك طبعا لا

ام ملك.. لعد عمج يكول تريدين تركين وهذا الكلام من نائل

ملك.. ماما وليش حته اترك دراستي اصلا ماصدكت طلعتلي الكلية الي احلم بيها وانتظر الدوام يجي ع أحر من الجمر

ام ملك.. هاا ابو ابراهيم هاي بإذنك سمعت الحجي ، خاف دكول جابرتها لو غاصبتها ع الدراسة

ابو ابراهيم.. والله حجية مااعرف شكولج والله فشلت منج بس هذا الناقص نائل هيج كالي

ملك.. ليش شنو صاير عمو تره كلشي مفتهمت ؟

ام ملك.. عمج ماجد يريد يخطبج لنائل و ع اساس انتي كايلتله تركين دراستج وتزوجون

ملك.. 😨 من امي حجتلي بقيت مصدومه يعني هيه هاي المفاجئة الي كالي عليها يريد يدمر مستقبلي ،، متت قهر عفتهم وصعدت يم ورد

ورد.. هااا شكو شصاير ؟؟

ملك.. والله ماعرف شكولج بس دكة من دكات اخوج المدلل