عشقت فصليتي

الجزء الخامس عشر والاخير ،، عشقت فصليتي

#عشقت_فصليتي

البارت ال 15 والاخير

بقلمي #ميديا_الفهد

مازن.. وصلت للبيت وفتحت المسجات واشوف صور ملك ويه واحد وكومه محادثات ملك وهذا الولد😨

اتخبلت يارب مداصدك الي اشوفه والحجي إلي بالمحادثة ،، يارب ساعدني كون يطلع كل هل شي مفبرك ومو حقيقي مستحيل ملك تعرف واحد غيري ان كان قبل او هسه ، لزمت راسي وبقيت كاعد بالسيارة ماكدر انزل واشوفها

ملك.. طايرة من الفرح اتفقت ويه اهلي انو بفلان يوم راح انسوي عرس لان طلبت من مازن الزفة من بيت اهلي تطلع، وهو وافق بس شرط انو ميشوف لا محمد ولانهى، واني حجيت لاحمد وطلبت منه وهو تفهم كال من عيوني ، #قصص_من_حياتناM&T

طبعا مازن حجزلنه بالفندق يومين ،وحجز برحله لاربيل اسبوع يعني من الفندق لاربيل، وعزم كل اصدقاءه  ، احس نفسي بحلم ،

بيوم الي وصل اهله للمطار كعدت احضر بجنطنه واشترالي بدلة بيضة اجنن ، ممصدكه نفسي لابستها وافتر بالغرفه خبالات عروس 😂

نرجع بالوكت البيت ابو إبراهيم …………

ريم .. يا نائل الكلب بعدك لهسه تريدها وتحبها وانوب يتبجبج عليها المخنث ، واني خالني بس للضرب والاهاين ، بشنو احسن مني ملك الا افضحها كاعدة بقصور ومهناية واني ويه هذا السكيير مشلوع گلبي ،،
بس شلون افضحها ، خلي يجي اليوم اسويله اجواء واعرف شسوي 😈 بقلمي ميديا الفهد

………………………………

منار.. اويلي ملك عبالج اخليج تتهنين بمازن واخليج تبقين وياه لا والله لو اني لو انتي ملك ،  ،،

خلي اشوف الفيس مال نهى بعدة لو غيرته شو مكطوعه اخبارها ،، اي والله بعده واليوم ناشرة هههههه خطية تنشر ادعية ام المصايب ،، دكيت عليها ع الماسنجر

📞لج هلو بذاته لا تسألين لادكولين بنت خالتي عايشه ميته

📞ولج هلو منار شلونج والنبي مشتاقتلج موت  شخبارج وين ماوين ؟

📞بهل الدنيا انتي شخبارج ويه رجلج وين كاعدين هسه ؟

📞وين يعني ويه عيالي قابل يطلعني بيت وحدي هل فگر بلكوه مدبرها ، ولج منار تندمت بكد شعر راسي

📞ولج ليش مو هذا الي حبيتي وعاندتي اهلج ونهزمتي وياه شنو إلي تغير

📞ولج ماعبالي هيج الزواج طيحان حظ ، ولج وين جنت وين صرت ، جنت اربع وعشرين ساعة كاعده بعز ودلال ابويه وهسه اكرب ومحد راضي ، انوب مديصير حمل راح يصير سنتين وكلشي ماكو ماخلينه دكتور يعتب علينه

📞اكول كاعده تنزلين ادعية وتوسل بالله واهل البيت ع الفيس عبالي صرتي متدينه فجئة

📞دوختج هواي بمشاكلي احجيلي انتي شخبارج ، وشلون عفتي مازن ادري بيج تحبيه