تانى يوم جاءت هبه وحبيبه لميرا......
حبيبه بتصحى ميرا: ميرا يلا قومى حمزه جاى
هبه:يا بنتى دى خوم نوم مش هتصحى
والده ميرا:يا بنتى قومى انتى طالعه لمين بتحبى النوم
حبيبه:الله يكون فى عونه
صحية ميرا فجأه:هو مين؟
فجأه اتخضت حبيبه وهبه ووالدة ميرا :بسم الله الرحمن الرحيم بيطلعوا امتى دول
ميرا:ادينى صحيه اهو عايزين ايه
هبه :لا مش عايزين حاجه خليكى نايمه
ميرا:لا والنبي خلاص
حبيبه :احنا قولنا ايه
ميرا: معلش نسيت لا اله الا الله
حبيبه:ايوه كده اتعدلى
والدة ميرا:ربنا يهديكى يابنتى.. يلا قومى علشان الراجل اللى جاى ده
ميرا:ماشى... ودخلت الحمام وهبه وحبيبه بيجهزوا الحاجه وبيساعدوا والدة ميرا...
ميرا :ايه الواحد كان معفن خالص
حبيبه :طب ونضفتى؟
ميرا:هاهاهاها واللهى
هبه:يلا يا زفته خلصى
ميرا:حاضر...
هبه:احيه انتى بتتكسفى من دلوقتى او مال هيحصل ايه لو اتخطبتى
حبيبه:ههههههههههه واللهى عيالى فى kg
ميرا:طيب يلا اجهزى علشان الراجل اللى جاى ده
حبيبه:يلا يا اخرت صبرى
جاء المساء وحضر حمزه مع والدته السيده كريمة......
حمزه وقد رن الجرس وفتح والد ميرا الباب
والد ميرا:اتفضل يا ابنى نورتونا
حمزه:بنورك يا عمى
والده ميرا:اتفضل يا ابنى
حمزه:شكرا
وبداؤ يتكلموا
فى غرفة ميرا.......
وقد ارتدت فستان ابرز جمالها...
يا بنتى ربنا يهديكى يلا علشان تخرجى قالتها حبيبه وهى بتشد فى ميرا
ميرا:لا انا مكسوفه مش هخرج اخرجى انتى
هبه:ميرا يا حبيبتى الشبشب وحشك صح
ميرا:لااااااا
دخلت والدة ميرا:يلا يا بنتى اخرجى للناس اللى بره ابوكى عايزك
ميرا بنفز صبر:طيب
حبيبه:ايوه كده ارجعى ميرو حبيبتى
خرجت ميرا وعينها فى الارض ولاحظ حمزه دخول ميرا وفضل باصص عليها لحد ما قعدت وسلمت على والدة حمزه
ميرا :ازى حضرتك
السيدة كريمه:تعالى يا حببتى اقعدى جنبى
ميرا:حاضر
كريمه:ايه القمر ده لا بجد عرفت تختار يا حمزه
ميرا بكسوف:ميرسي يا طنط
والد ميرا:طب قومى يا حجه خودى ام حمزه وفرجيها على الشقه
ونظر لها نظره بمعنى (قومى سيبى العيال شويه مع بعض)
وفهمت ام ميرا نظرته هى وكريمه وقالت :اتفضلى يا ام حمزه هفرجك على الشقه بتاعتنا اتفضلى
والدة حمزه:اه طبعا اتفضلى
والد ميرا:طب انا بقى اقوم اجيب حاجه واجى
فهمت ميرا هى وحمزه مغزى نظره والده
خرجوا كلهم ماعدا ميرا وحمزه..
وشعرت بالاحراج
حمزه:ميرا
ميرا وعينها لسه فى الارض:نعم
حمزه:مش عايزه تتعرفى عليا
ميرا:لا اتفضل
حمزه:طيب يا ستى انا اسمى حمزه الشيخ والدى متوفى من وانا عندى ١٥سنه ووالدتى هى اللى ربتنى وعندى اخت متجوزه ومسافره دبى والباقي انتى عرفاه كلمينى شويه عن نفسك
ميرا:انا البنت الوحيده عند ابويا وامى وبحب القراءة اوووى ونفسى احقق حلمى
حمزه:هو ايه
حمزه:ميرا مردتيش عليا هو حلمك كان ايه
ميرا:اما ييجى الوقت المناسب..
وقد دخلت والدة ميرا :اتفضلوا العشاء جاهز
ميرا:اتفضل
وروح حمزه هو وامه وكان بيفكر هو ايه حلم ميرا وقطع تفكيره
كريمه:مالك يا حمزه
حمزه وهو يسوق:مفيش حاجه
كريمه:لا فيه مش على ماما
كريمه:ميرا مش كده
حمزه:ههههه ايوه
كريمه:بتحبها ياحمزه
حمزه :ايوه من ساعه ما شفتها
Flash back.
كانت ميرا وحبيبه وهبه رايحين يقدموا فى الكليه...
حبيبه:معلش يا ميرا ادعيله
هبه:ربنا يصبر مامتك
ميرا بدموع:دا انا ملحقتش اشوفه
هبه:احنا جايين نقدم فى الكليه اللى كنا بنحلم فيها دى حاجه تفرح
ميرا:ايوه هو اللى كان بيشجعنى
حبيبه:ادعيله بالرحمه
ميرا:الله يرحمك يا خالو
كان حمزه يستمع لكلامها واحس بحزن فى قلبه على هذه الفتاة
حبيبه:يلا بينا فوقى كده علشان هنعدى الطريق
ميرا :حاضر انا بقيت كويس
هبه:الحمد لله
كان فيه بنت صغير جريت فى الطريق والعربية كانت هتخبطها لولا ان ميرا جريت عليها
ميرا:حاسبى وامسكت الفتاة ولكن هى لسه فى نص الطريق لولا ان حمزه شدها من يدها
حمزه:انتى كويسة
ميرا: ايوه الحمد لله
جريت هبه وحبيبه على ميرا
حبيبه:ميرا انتى كويسه
ميرا :انتى كويسه يا توته
الطفلة :انا زى الفل
هبه:زى الفل هى دى طفله 😅
حبيبه:طب الحمد لله
ميرا لحمزه:شكرا
حمزه:الشكر لله
Back
كريمه:انتو عاملين زى الافلام ههههههههههه
حمزه:ياه
كريمه:دا انتا واقع لشوشتك
حمزه:هو باين عليا اوى كده
كريمة:جدا
عند ميرا......
هبه:مبروك يا ميرووو
حبيبه:الف مبروك يا ميرا
ميرا:الله يبارك فيكو
روحت هبه وحبيبه... وقعدت ميرا تفكر فى كل اللى حصل النهارده و اخيرا استطاعت النوم....
