احببت_ابن_زوجي
اليوم قصتنه تحجي على ابنيه اسمها ايلاف وانعرفكم ابطال القصه همه عائلتين جوارين
نبدي بعائله ام سميه .اسمي عفيفه ارمله زوجي مات وعاف 4بنات بركبتي اشتغل خدامه واني اليوم احجي الكم عن حياتي واسرد القصه الكم بناتي
الكبيره اسمها سميه عمرها 25سنه وتشتغل حفافه وخطيه تعاوني بالعيشه وشخصيتها هادئه تزوجت وطلقت من ابن عمها لان خطيه ماعدها اطفال ومستحيل يصير عدها وكلش مؤمنه وتصلي وهي تحف وتساعدني بل عيشه
ونور ،بعد سميه عمرها 21 خريجه معهد ومتعينه بعقد والحمدلله شايله روحها ومخطوبه
وايلاف عندي المغروره صف رابع اعدادي وهل لبنيه الي شالعه كلبي دائما تباع ليفوك ومتشبع عكس خواتها واماني الصغيره صف ثاني متوسط
عائله بيت ابو مصطفى اسمي عباس اكبر تاجر بالعراق متزوج وعمري 56سنه وزجته اسمها بهله معلمه وعمرها 45وعندي اولاد 5مصطفى الجبير كليه حقوق سنه اخيره وشخصيته ملعب وبعد محامي ومحد يكدر على السانه وانس علوم بايو ولبنيه الجبيره سادس اعدادي اسمها روى والصغار ب3 ابتدائي ريم ونسيم
بنينه بيت واليوم اول يوم بي سالنه جوارينه اكو احد اهنا يشتغل يساعد ام مصطفى كالو اي ذاك المشتمل الصغير ام سميه مره حبابه وشنو تنطوها متحجي تدخل تنضف بلبيوت
مصطفى تعال روح على ذاك البيت كوللهم احنه هنا جدد وامي تريد ام سميه محتاجه تساعدنه صار بابا رايح
رحت دكيت الباب لج اماني افتحي الباب ماماماما خلي ايلاف تفتحها يمه ايلاف افتحيها للباب اي يمه هو اني صخل فدوه مال البيت اي يمعودين اجينه خره بيكم يل نسوان شكد تحفن كبر فتحت الباب نعم منو انته موجوده ام سميه اي منو اكللها
مصطفى ،باوعت سبحان الله خالق هيج بنيه باوعت بعيونها وكتلها بيت ابو مصطفى الجدد كعدو امي تريد الحجيه هيه راسن ابتسمت كالت هله والله اجوي الطاكين كتلها شنو كالتلي اي غير الناس يكولون هيج وضحكت وهيه راسن صار عيوني هسه اكل الماما تجيكم كتلها نيالي اذا اني اعيونج
ايلاف ،ههههههه رفعتله تك حاجب من رخصتك نسيت اكولكم مواصفاتي بيضه كصيره متروسه صاحبت ورك وجهي مدور شفايفي يخبلن وعيوني سود طوال ورموشي كثيفات ويوميه اصادق واحد واقطه واعوفه لان ابد معاجبتني حياتي ويه اهلي اريد اعيش بعز اريد اركب سياره اريد خدامه جوايه مو امي تشتغل خدامه كعدو يمنه ناس جدد بنو بيتهم كولش راقي وكالو عنهم طاكين وشفت ابنهم اجه على امي خررب شلون شاب طويل ومعضل برونزي عيونه جوزيات ولحيه خفيفه كلت خوش صيده هم خلقه وهم فلوس لازم اقطه
