هيثم خبلني وشاك بيه طبعا اني هناك ضبطت اموري وقررت افتح كوفي شوب جبيره وحلوه وخاصه للعراقين والعرب لان جانت سكاريا اغلبها عرب وعراقين وباقي فلوسي ضميتهم بنك بس جان اليوم الي مر عليه بسنه جنت ٢٤ساعه دموعي تنزل يوم اصعب من يوم جنت متوقعه لفلوس تسعدني وهسه العب بلفلوس لعب بس مشفت اي سعاده ويوميه دموعي على خدي وكل يوم يمر عليه بسنه بدون هيثم
هيثم .من يوم الراحت ايلاف تخبلت ومن قريت رسالتها تخبلت بالزايد
كمت احس الوكت وكف بيه جانت ناطيتني الضحكه والحب والحياة عمري منزلت دموعي بس علمودها ابجي مثل المره واعرف كلش زين روعه الكو.... وره الموضوع بس اووف اذا اشوفج ايلاف ماضيعج دقيقه اوف شكد متحمل عليج اووف لو الزمج اكتلج كتله اطلع نار كلبي
ايلاف . مر على سفرنه تسع اشهر وكان موعد ولادتي وجبت ولد وسميته محمد واتفقنه ويه دكتوره سوريه تسجله باسم اختي وزوجها وابني كبر وصار عمره سنه وشهرين كولش يشبه ابوه ونفس سماره وشعره الخشن ونفس حواجبه بس اني من القهر على هيثم حتى شيب طلع براسي وشقيقه صارت بيه وعيوني بيها قصر نضر ولبست مناظر كل اهلي يحجون عليه بس اني موذيج ايلاف نكسرت
اما هيثم . اني حياتي نكلبت شغل وبجي وتعب وحتى شرب كمت اشرب اهلي عفتهم وتعاركت وياهم لان يلحون عليه حتى ازوج بس اني حتى رجوله ماعندي يم اي مره غير ايلاف صديقي شاف حالتي كلي حضر روحك اليوم بليل طالعين الكربلاء
كتله مالي خلك روح انته اني تعبان
كلي هيثم انجب بليل طالعين وطب زور بلكي ترتاح كتله الله كريم
اجه عليهةصاحبي ورحت بدلت لبست دشداشه وطلعنه وصلنه الكربلاء طبيت زرت للامام العباس فدوه الاسمه وجلبت بشباكه وابجي مثل النسوان اكله يا ابو فاضل طلعها من كلبي واذا الي قسمه بيها دليني دربها يا كفيل زينب اريدك تتكفل بمشكلتي بجاهك عد الله العالم تسمع صوتي يا ابو فاضل طلعها من كلبي طبعا كوه طلعني صديقي ورحنه زرنه الامام الحسين وهم حلفته باخوه العباس وبجده رسول الله يريح كلبي
رجعنه البغداد ورحت للدوام طب عليه الشرطي كلي سيدي اكو شرطي رايدك اسمه باسم كتله فوته
