يمه اني موافقه ومستعده اوكف بوجه الدنيا كلها علمود ابو مصطفى
والج انتي مخبله بكد ابوج
يمه الحب مو بالعمر واهم شي الرجال جايني من الباب
جان يكول ابو مصطفى على هذا موقفج الى اعيشج اميره وام بسمه اذا وافقتو اشتريلكم هذا البيت الي كاعدين بي من ابو الملك واخلي باسم ايلاف
واني اترخص وباجر امرلكم الضهر انطوني جواب
امي من سمعت هذا الحجي شويه لانت وكعدت حجيت وياها يمه كافي انتي تعبتي من الخدمه بالبيوت واحنه تعبنه من الفكر يومه فدوه وافقي
والج بنتي جبير عليج ماريد اضيعج علمود لفلوس يمه لفلوس مضيع الفلوس اتخلي العالم تحسبلج 100حساب
وياجر تنطيهم الموافقه
صار يمه صار امي راحتةحجت الخواتي ومحد قبل واختي نور والج اتخبلتي شلون تقبيها انتي والج تتندمين
كتلها ليش اندم هاي انتي مخطوبه صارلج سنتين وماعدكم فلوس غرفه تزوجون ييها كلتلي احنه معلينه انتي تتحملين اختيارج
وثاني يوم اجه ابو مصطفى وامي نطته الموافقه وجان يطلع شده مال دولارات بيد امي كلها جهزي لبنيه بيها وهايه شده ثانيه شتريلها ذهب بيها
وعكب باجر اجي نكطع مهر بس بدون عرس
طبعا تفقنا على كلشي وجهزت كلشي
اما ابو مصطفى حضر اموره وسوه مفاجائه لعائلته سفره الدبي وكلهم راحو بس هو مراح
واجه الشيخ وعقدنه ورحنه للبيت جان مسويلي غرفه تخبل تركيه وصير مقابيل غرفه مصطفى
طبعا اني الي محد يكدرلي وجرئه من شفتها صارت صدوك ورحنه للبيت وعباس صار كبالي لعبت نفسي ياربي شلون حتقبله يله اتحمله
على غفله عباس نزع تخم مال اسنان وطلع لا سن بحلكه كلت عزه بعيني يله مومشكله
وعدت ذيج اليله المشؤمه واني رغم لعبانه نفسي منه بس شسوي لازم اتقبل الوضع لما اكون نفسي منه واضربه 100جلاق
