ضلينه كم يوم وحدنه وراها اجوي اهله وصارت الصدمه الهم ومصطفى من شافني تخبل وام مصطفى اذا مطلكها اطلع من البيت كلها عباس يعجبج ابقي ميعجبج اطلعي بره وبهله مرت عباس اجتي عليه وكلتي والكم الجلب يوكلو 3ايام مينسه وتغزر بعينه وانتو الجلب اشرف منكم واني ضليت ساكته وبهله وبناتها طلعو بس مصطفى مقبل يطلع والي فاجئني انو مصطفى محجى الي جان بيناته ضل ساكت بس مقبل يروح ويه امه
شويه خفت من سكوته واجه اليل وكلعاده احاول امثل العباس بان اني احبه واني لعبانه نفسي منه وخصوصا من اشوفه ساعهة10 اينام ويضل ايشخر اني الي عمري مباجيه اضل طاكه بجي وعفت عباس مطمور ونزلت ابجي
ومحسيت اله ايد حضنتني من خصري
شبيج تبجين
ليش تسال معليك انته
والج لولو ضمين عليه نسيتيني
احجي الي بكلبج
اني كبل طكيت بجي
هو كبل مسح دموعي وباسني من راسي
كلي احرك العالم كوله اذا اشوف دموعج
اول مره احس كلبي رجف واول مره احس نفسي حبيت كلي صعدي نامي صعدت نمت وحسيت روحي مرتاحه
مصطفى،اصبريلي ياايلاف الساقطه والله لا اخليج تبوسن رجل امي واذلج والله
ايلاف، كمت اشوف مصطفى واخلاقه وتعامله ويايه ولاعبالك نفسه الي جنت احجي ويا ويوم وره يوم اتعلق بي
وحسيت روحي محتاجته رحت الغرفته وفتحت عليه الباب تقربت عليه وردت منه يتقربلي بس هو دفعني وكلي حتى لو اعرف اموت ميت مره بليوم من اشوفج يم ابويه بس مستحيل هذا الشي يصير الى تطلكين
كتله يعني اذا اطلك تاخذني
كلي ضيعتج مره من ايدي الى اتخبل اذا ضيعتج مره ثانيه
عفته وطلعت واليل كله افكر شنو اسوي صح شتريت بيت وزوجت اختي واختي الثانيه فتحتلها صالون جبير وحدها وامي دزيتها للحج بس بعد اريد اطك واذاطلكت ما استفاد شي
للضهر اجه عباس متخربط وكلبه يوجعه واخذنا للطبيب وكله بيك بدايه ذبحه والكرسترول نسبته صاعده
ولازم تتبهرز واي شي دهين تبتعد عنه و اي ممارسه ويه زوجتك ممنوع
اني كيفت كلت همزين راح جاب مصطفى لادويه واجه للبيت
دانطي الدوه شفت من ضمن لادويه عليه بيها كبسول اخذت كبسوله وكلت مانتضر بعد الما يموت لازم اموته واعيش حياتي
اخذت علبه الادويه وفتحت الكبسوله وفرغت الطوز البيها وطلعت من الثلاجه دهن حر كمت اعبي بالكبسول دهن لان هوه نسبته عاليه وميتحمل بلكي والله واخلص
