والج اني ملازم هيثم اقتلج وماخلي واحد ورايه يسويلج شي فتهمتي
كتله ليش كال اني بصمتي مقدسه تعرفين شنو يعني بعد حياتج كلها متنامين جوه رجال وضحك
اباوع بعيونه جسمي كوله يرجف اكول يعني صدك ايلاف تخافين من رجال
كعدت الصبح لكيته ماكو وكاتبلي بليل انتضرج اتحضريلي
نزلت جوه لكيت روعه والهام يضحكن ويشربن شاي كلولي يله دنروح طبعا نفس الشي ربطت ايدينا وغمضت عيونه عبالك طليان مو بشر وركبنه سياره رجعه لسجن كالت روعه بليل تحضري كتلها اعرف طبعا اني صفنه توديني وصفنه جيبني
الهام . اشبيج ايلاف اليوم م على بعضج كتلها ماعرف شبيه
احجيلي
والج هذا الضابط ميروح من بالي حتى من اغمض عيوني اشوف نضرته الي كلها رجوله واله جسمه لو حركاته لو من نام ويايه حسيت روحي اول مره بحياتي انام ويه رجال تدرين الهام بعمري مرتاحين ويه رجال بلفراش اول مره اعرف احس ذيج الشغله حلوه
الهام ، والج ايلاف شبيج تخبلتي ديري بالج تكولين احبه ومن هاي سوالف تره تاكلين تبن تره احنه دربنه طويل مو مال حب وخرابيط حطي عقلج براسج
كتلها اوكي
صاحو على الهام تعالي جايج زياره فرحت الهام راحت وتقريبا نص ساعه ورجعت كالتلي ايلاف جبت تلفون ضامته بصدري خابري امج وانطيها رقم الجماعه تتواصل وتلتقي بيهم علمود المستمسكات ماشي. كتلها اوكي
باوعت شافت السجينات كل وحده ملتهيه انطتني التلفون كالت هاج روحي اتصلي رحت تمشيت جان ماكو احد بالحمام دكيت على امي جاوبتني
هله يمه شونج
يمه ايلاف حبيبتي مشتاقتلج بنيتي شسويتي بيه يمه كسرتي ضهري
يمه مااكدر احجي باعي يمه راح ادزلج رقم خابريهم وكوليلهم اني من طرف الهام اني ام صديقتها ماشي وباجر خلي تجي اختي سميه رايدتها اوكي وجيب وياها ورقه من كاتب العدل مال وكاله عامه افتهمتي يمه
ولج ايلاف شعندج مصيبه بعد
يمه معليج فدوه سوي مثل ما كتلج يله باي .
يتبع
