حب عائلى

الحلقه التانيه

....... : اسماء اسماء
انا وقفت فى مكانى " هده صوت ارناف "
انا : نعم عمر تبى حاجه
عمر : ايه والله كان مفيهاش اتعب عليك نبى قهوى راسى يوجع فيه و كان فى شى حلو امعها اديرى معروف ليا و الله
انا مصدمه معقوله ارناف العصبى المغرور يتكلم بهدوه و قعدت انشوف له بس
عمر : اسماء وين خيرك كان تبيش عادى تو انقول لنور
انا : لا عادى هيا تو اندير لك
امشت و قعدت مصدومه و نبتسم زى الهبله اول مره انشوفه بهده الهدوه طيبت القهور دورت على البكلاوه مهناش اكيدعند نور
ارفعت له القهوى كان مقعمز فى الدروج امتع الممر انا : عمر راهو فى بكلاوه لكن عند نور تو نمشى انجبلك منها
عمر : باهى بس بسرعه
انا امشيت نديت عليه
انا : نور نوور
نور : سومه اتعالى انا هنا
انا : شن اديرو انتى و مؤيد ديما و انتم تهدرزو متملوش من بعض و خوك يبى بكلاوه اعطينى حق فاتكم " قعدت نحكى لهم شن صار امعيا اشويه سمعت صوت كانها بركان انفجر "
عمر : اسماااء و ينك هيا كملت القهوه راهو
انا وقفت من الصوت خفت
انا : هيا انا جيت و امشيت نجرى
نور و مؤيد قعدو يضحكو عليا و انا نجرى
انا : هاك و الله انسيت روحى قعدت نهدرز اسفه
عمر : باهى اعطينى توا باش ناكل
انا : باهى اتفضل
و امشيت لى اسراء و سحر وصلو
.............................................................
عند نور و مؤيد
نور : مسكينه كيف فرحت انو عمر اليوم هادى هههه
مؤيد : هو عادى غير هى واخده منه موقف بس باقى عمر طيب و اكويس
نور : ايه قالت له لكن راهو متى عمر مرات ايخاوف باهى كمل انت شن قرارت فوت جو البنات و الله انتى ابتخسر
مؤيد : و اله على قد ما كلمت ابنلت بس مفيش واحد دخلت لى قلبى قدرت تاخد امكانها مفيش و مساحيل اصلان
نور : مؤيد شوف راهو انت الى متمسك بيه و ديمه تدكر فيه و تتفكر فيه بس ربى اعطنا نعمه النسيان باش ننسو و نقدرو انكملو افتح قلبك يا مؤيد
مؤيد : عارف و الله لكن مش قادر مش بيدى منعرفش كيف
و قعدو ايهدرزو
" كان فى شخص ايرقب فيهم هو فى الاصل ايراكب فى نور "
.............................................................
قبل شويه عند الاء و سالم شن صار
الاء كانت ماشيه للمخزن بتجيب دقيق و تمشى و اتغنى و امديره جو لروحه
......: بخ
الاء : واااه عليا اخلعتنى يعطيك كيه
سالم : معقوله فى وحده اتقول لحبيبه اكيك كيه
الاء : و فى واحد يخلع حبيبتها هكى
سالم : اسف حبى
الاء : سالم
سالم : عيون سالم و روحه
الاء : منقول لى اسماء علينا
سالم : و علاش تبى اتقولى لها
الاء : امعاش نقدر اندس عليه هى تحكى لى فى كل شى و انا منقدرش اندس عليه هي خاصتنا
سالم : باهى هو ضرورى
الاء : لا عادى على راحتك
سالم : يوخيتى الى تبى راحتى
الاء وجهه احمر و حست روحه سخنت
سالم : سلمها المتحشمه
الاء : دافتها باهى خلاص حول
سالم : غر استنى انتى علاش جايه للمخزن
الاء : يح انسيت نبى دقيق نستنى حول من قدامى
سالم قعد يضحك عليه كيف متحشمه
.............................................................
عندى انا و اسراء و سحر و الاء و خلود و سالم و عمر و سند و محمد فى الدار انهدرزو
انا : ابمشى للكليه الاحد
اسراء : ايه منشوف الدكتورنبى منها شرح كان قال لى باهى
انا : ههههههه انشاء الله هو عصبى
وقعدنى نحكو
محمد اطلاع برا امقعمز ايدخن و لحقه صلاح
صلاح : خيرك يا قدر ابروحك شن فى
محمد : اهو حال لدنيا
صلاح : باهى امعاش ادخن هكى هلبه راهو تمرض
محمد : شن بندير انفرغ اعصابى فيه تبى الحق ايريح تاخد اتجرب
صلاح : لا لا ميمشيش امعايا شن كلمته
محمد : لا خايف اتردنى و اتشوف فيه خوها مش اكتر مش عارف اعصابى خلاص
صلاح : انت شوفها مرات تطلع حتى هي تبيك
محمد : و لله يا صلاح مش عارف شن الحل و الله او كيف انقول له عندك فكره
صلاح : عندى انا ابو افكار شوف .......
.............................................................
الاء و سالم شدين الهواتف شى وضح انهم ايرسلو فى بعض و عمر فاتح الفيس و الدار هدوه لن اتكلم سند
سند : سحر اقروبك فيه بنت اسمها موده فوتها امعاش اتكلمه
سحر انصدمت و بعدين قالت : علاش خيرها هى عاديه معنا مشفت منها شى
سند : انا قلت لك فوتها متصلحش مش تمام كان تبى تسمعى اكلام باش ميوصل فيك حد
سحر : باهى حاضر تو نبعد عليها و سكتو و قعدنا للعشى اتعشينا و كل واحد روح لحوشها
عندى فى الحوشلقيت خوله و بابا قعدين راقدين و ماما حتى هى رقدت قعدت انا و سند نتفرجو على tv
سند : اسماء جاعان نوض ديرى لى شى ناكله هى سلم سومتى
انا : بسم الله العظيم امتى احنا كيف وصلنا
سند : غر هيا و الله جاعان هيا سومه حبيبتى نوضى
انا : باهى امرى الى الله شن رايك انديرو مع بعض
سند : هيا باهى نخترعو اكله بس نبى حلو حار
انا : باهى هيا
ادخلنا للكوجينا دارت انا كريب و سند زين و رنا انفاص و كلينا و قعدنا نتفرجو لن اهرب الضى
انا : وااك يا ماما و غمضت اعيونى سند انت وين
سند : انا اهنى جنبك و شد ايدى و دار الفلاش علاش بس اتحافى هكى
انا : منعرفش علاش نقعد نتخيل فى وحوش
سند : وحوش هههه
انا : اسكت اسمع هاتفى طافى من غير شحن و مفيش اشمع و انا انخاف نرقد ابروحى و الضى هارب اعطينى هاتفك نرقد بيه
سند : والله باش ايتم الشحن و انا بعدين كيف اندير انقول لك حلى و تو انخلى الضى ولع لن ترقدى
انا : باهى هيا ساعه 3:30 نرقدو
و ارقدنا فى دار سند
.............................................................
و عند خلود
الاء قعدت اتكلم فى سالم فايبر لن رقدرو
و خلود كانت ساهرا تقرا عندها امتحان و ادكرت انو هاتفها فى الشنطه و امشد اخدتها و لقت ورقه و فتحتها مكتوف فيه شى اصدم خلود .......