حب عائلى

الحلقه الثالثه عشر

انا : الو
عمر : وينك شن قتلك امبكرى
انا : اه
عمر : اتكلمى خيرك من بكرى و انا نتصل و نستنى فيك على نار و انتى عادى انا اخر همك صح انا كنت الليله بنعترفلك بكل شى و بنسهر امعاك و نحكو طلعتى شى الباين انو عندك شخص فى حياتك ربى يهنيكم بس ادكرى انك كسرتى قلبى و امعاش بنضايقك اسف هيا سلام
انا ( صوتى مخنوق بنبكى ) : عمر استنى
عمر : تبكى
انا امتى قالى تبكى انهرت بكى قعد نبكى من قلبى لانه كلامه وجعنى بس ممكن عندها عادى 
عمر : سومه اهدى تسمعى فيا كلمينى
انا : عمر انا اسفه كان جرحتك مش قصدى بس خلينى نوضحلك انت فاهم غلط
عمر : احكى
انا : اقعدت نضم فى الحوسه و كملت طول رقدت لانى تعبانه ليا يومين من غير نوم و الله انسيتك و الله لهيت اسفه و انا عنديش حد فى حياتى راهو بكل انت ظنك بيا غلط افهمت
عمر : اه ايه فهمتك اسف لانى عيطت عليك و عصبت بس مش بقصدى
انا : سامحتك امبكرى قتلى فى كلام تبى تقوله و خايف مفهمتش خيرك
عمر : اه شن بنقولك فى هلبه كلام بس
انا : بس شن احكى عادى
عمر : اول شى اكتشفت انى انحبك مش شويه هلبه و ديمه و انا نفكر فيك بديت لدرجه نتخيل فيك امعايا ديما بديت انشوف فيك كل شى فى حياتى و نبيك ديمه جنبى و امعايا و تبدى مرتى و حلالى انا بس
انا : اه
عمر : شن ردك
انا : مش عارفه صدمتنى متوقعتش نعرفش شن بنقولك
عمر : متقولى شى خليك فكرى تو بس  مش هلبه عندك يومين بس و بعدين نبى قرارك
انا : باهى انشاء الله
عمر : تو بعد ما قلت ليك كل شى و ارتحت نستادن منك انتى كملى نوم راك تعبانه و انا بنرقد
انا : باهى تصبح على خير و احلامك سعيده
عمر : انتى اسعد باى انحبك  
وسكر الخط انا قعدت نفكر فى كلامه مصدوومه و نفكر لن رقدت
و العاشق متع العليه كام سهرنين زى احمد و خوله و محمد و خلود و الاء و سالم و سند و سحر
الصبح كل واحد امشى لشغله و فى لكليتها  انا و نور و اسراء فى الكليه شويه لن شرين هاتف نور
نور : الوو
مويد : اهلين
نور : شن جوك وينك الايام هده مختفى
مويد : قاعد كنت انفكر فى موضيع و ندور فى حلول مازال موضوع واحد بس
نور : الى هو
مويد : نتجوز و منى و خايف هى متحبنيش و انا نظلمها مش عارف
نور : باهى انت مفكر فى واحده معينه
مويد : لا انتى من تقترحى عليا بس نبى من العيله
نور : شن ريك فى اسراء
مويد : عادى تمام بس مرات مرتبطه ولا حاجه
نور : لا مش مرتبطه و انتى توا نبعتلك رقمها  احكى معها و تفاهمو شن رايك
مويد : تمام شكرا ربى يخليك ليا حق تو بعدين بنجى لحوشكم بنعطيك
نور : بكلاوه هههههه 😆
مويد : ههههههههه 😂😂 ايه
نور : تمام تو اشويه و نبعتلك الرقم باى و سكرت و شبحتلنا و ركزه على اسراء كانت قريب تبكى
نور : سمعتى مويد شن قال
اسراء : ايه 😢
نور : شن نعطيها رقمك و تفاهمو و قولى له انى انحبك من قبل و انك تعرفى انك مرتبط كنت و هو اصلن كان عرف انك اتحبيه من قبل و هو كسر قلبك قبل تو مش رح يردك و رح ايحبك و يتمسك بيك مويد حنين راهو يتفاهم و هادى احكى امعها شن تبى هو يسمعك
اسراء : تمام اعطيها
و تم يومنا و جى عمر روح بينا أنا و نور و اسراء جها محمد
فى حوش سالم و صلاح مقعمزين امع امهم العشيه و يهدرزوو
خالتى حنان : اوليداتى امتى بتفرحونى و تتجوزو و نخطبلكم زى ولد عمتكم احمد
صلاح : هههههه
سالم : انا عروستى جاهزه تخطبهالى
خالتى حنان : حق اوليدى من هيا تو نمشى نخطبها
سالم : هههههه خلاص هيا نوضى نمشو
خالتى حنان : غر منى قبل
سالم  : الاء بنت عمى
خالتى حنان : خير ما اخترت و انت صلاح
صلاح : انا نعرفش الحق انتى فى من تفكرى
خالتى حنان: انا خاطرى فى نور تولى كنتى و لا سومه
صلاح : لا نور نبها و انفكر فها قداش ليا ( سومه متطلعش من عمر عارفه انى )
خالتى حنان : خلاص تو نقول لبوكم و نتقاهموو على يوم باش نمشو نخطبووو
....................ً.........................................
عند خلود كان تكلم فى محمد فى الدار و كان هدك الوقت بوها خاطم اسمعها و فتح الدار
خالى كمال : خلود من تكلمى
خلود : حد 😔
خالى كمال : هاتى الهاتف 😠
خلود قدمت و هى خايفه و اعطتها الهاتف اخدها منها و سكرها و حطها فى جيبها
خالى كمال : صحيتى كنت حاط فيك الثقه خساره و مشى  😠
خلود طحت قعدت تبكى 😭😭 لن ركبت سحر لقتها تبكى
سحر : خيرك خلود تبكى فهمينى
خلود : بابا سمعنى نكلم فى محمد و خدى منى الهاتف     قعدت تبكى 😭😭😭😭 و سحر جنبها 😢
خلود : سحر هاتفك بسرعه
سحر : علاش
خلود : بنكلم سومه تكلم محمد مكلمنيش المده هده
سحر : باه هاك
خلود تشرين عليا طوط طوط طوط
انا : الوو
خلود: سومه 😭😭
انا : خيرك تبكى
خلود : بابا سمعنى نكلم فى محمد و خدى منى الهاتف
انا : 😱😱
خلود : اسمعى بنطلب طلب كلمى محمد او ابعتلى ليه مسج قولى ليه الى صار امعايا و قولى ليه ميكلمنيش لن انكلمه
انا : باه تو نكلمه انتى امعاش تبكى و ارقدى تو امعاس تفكرى فى الموضوع باه
خلود  : باه حاظر سلام
انا : سلام    وسكرت و انا طول اخديت الرقم و كتبت ليه مسج بكلام خلود و بعتها
عند محمد يتصل مقفل انشغل علها لن وصلها مسج و فتحه
محمد : 😨😨😨

و تمت الحلقه اسفه على التاخير جدا جدا 
                      😢😢😢