حب عائلى

الحلقه الثالثه

لقت ورقه فيها رساله محتوها " اهلان خلود انا ليا فتره نبى انكلمك بس مقدرتش نبى انكلمك و هده رقمى ............091      محمد    "
خلود قعدت تقرا فيها و اتعاود هيا فعلن كانت عندها مشاعر لمحمد بس متوقعتش انو حتى محمد ايبادل فيها نفس الشغور لدرجه انه ابكت من الفرحه و مقدرتش لا تكمل تقرا و لا ترقد و اتفكر شن ادير
.............................................................
عند اسراء او ما وصلت فتحت الفيس و الانستا و بعدين رقدت
سحر قعدت اتفكر فى سند اعلاش هكى قال له هل هو مهتم بيه ايحباها او عادى يعتبر فيها زى اختها و اتفكر اتفكر لن رقدت
محمد كان فى داره شاد فى ايد الدخان و الايد التانيه الهاتف يستنى فى اتصال من خلود و ايفكر فيها

"طبعن فكرت صلاح هى انو يكتب لى خلود رساله بما انهو مش قادر ايكلمه هكى خايف من رده فعله انو يكتب رساله كان ردت عليه كلمتها معناها حتى هى اتحبها "
.............................................................
و عند صلاح و سالم دارهم ظلام و سقع من اﻻمكيف و هم فى سبات و الدار جنبهم حوسه طبعنا دار اولاد
.............................................................
و طلع صبخ جديد و كان يوم سبت نصهم فى حوش جدهم التانى و انا و نور امشينا عند عمتى عندنا عمه وحده بس و عندها زوز بنات واحده مريم متجوزه و التانيه مرام مخطوبه و هى مواليد 90 و متخرجه دكتوره و خاطيبها يخدم امعها و ايعبو بعض
خوله : مرام كم مزال على عرسك
مرام : شهر و نص
نور : نبدو من تو انوتو فى الحويج
خوله : كملتى كل شى حجز
مرام : مازال غر الشوكلاته و الكيكه
انا :اه ساهل انشاء الله تلقى شى حلو
خوله : انشاء الله ربى ايهنيك
و قعدت هى و خوله ايهدرزو انا و نور منحبوهاش بادره بعدين اتغدينا و مع العشيه طلعت انا نور للجنان و نهدرزو
نور : درهتلى كبدى دمه بارد
انا : بارد و سكتى انا كان قعدت جنبه ساعه تانسه تلقونى قاتلتها
نور : شاده غر خطيبى و حتى خطيبى هههه
انا : صدقت روحه مسكينه خوله قطع عليع صوت الهاتف اسراء انا رديت و قعدت نهدرز و نور دخلت قعدت نتمشى بروحى و نهدرز مع اسراء و نضحك و دخل عمر و انا محسيتش بيه و هو جى طول وريا و انا كيف بنسكر
انا : هى باى حبى تو فى اليل انروح انكملو هدرزو
و اتلفتت لقيت عمر قدامى ايفنص فيه و انا قعدت مصدومه خيرها شن ايدير وريه و انا حطيت هاتفى فى جيبى و كيف ابنمشى
عمر : فى من كنتى اتكلمى
انا : اعلاش تسال مدخلكش "امشيت"
"شدنى من يدى و لفنى ليه و قعد يضغط على يدى"
عمر : بالهى واخده راحتك عندك الحق سند مش شاد عليك تقدرى تاخديها فى جنبك بكلمتين بس تولى لهده الدرجه اتكلمى فيه و صوت ضخكتك و صال للشارع انا  نعرف انوقفك عند حدك
انا "قعدت مصدومه و عيونى دمعو و ايدى يضغط عليه توجع قمت عنى لعينه "
انا : كيف هكى اتقول معقوله اتشك فيه انى انكلم فى واحد انا اسماء راهو متغيرتش
قعد ساكت و يشوفلى و انا نبكى معاش قدرت اندش ادموعى
انا : انا كنت انكلم فى اسراء و الله و كان تحكيلى على موقف ايضحك هده علاش اضحكت و الله هو يسمعلى و و يشوف لعيونى و يرخى فى ايده لن اطلقنى
باش تتاكد طلعت هاتفى و دارت السجلات و شاف الاسم و اتصلت و فتحت المايك
انا : اسراء
اسراء : اهلان شن شكلك استحشتينى مليكش خمسه دقايق امسكره
انا قعدت نشبح لعمر و هو مصدوم
انا : خلاصتو بعدين انكلمك
شفت من كنت انكلم و انت شاك فيه انا مستحيل انخوت نقه حد عطى فيه تقى و كان بنكلم اول واحد انقول له سند و انت تقدرش ادير شى و دخلت نجرى و خليتها واقف امشيت للحمام قعدت نبكى و اغسلت وجهى و عيونى حمر و اخلت قعمزت فى الدار الى فيه باقى العيله و حتى عمر امعهم اول ما دخلت طول شبحلى و انا فوتها و قعمزت قدامه و جت نور جنبى
نور : سومه خيرك عيونك حمر كنتى تبكى فى حد كلمك او ضايقك
انا : لالا عادى بس كنت نقرا فى الرويه فى جنان و كان فيه بارت حزين قعدت نبكى
"معرفتش علاش اكدبت على نور و دسيت عليه اول مره ممكن لان عمر كان قدامى و منتبه لكلامى "
نور : شن فيه البارت احكيلى عليه " هى كانت عارفه انى نكدب و فهمتنى انو عمر هو الى امضاقنى لانى نتكلم و نشبحله "
انا : هده واحد شك فى انو بنت عمه اتكلم فى واحد و قال له كلام يوجع هلبه و هى على قد ما برارت له هو مباش ايصدقه مع انو هى اتقدرها هلبه و مستحيل تدير شى من وراه
نور فهمت انو قصدى عمر
نور : اه صح مفروض مكلمهاش هكى غلط مفروض تو يعتدر منها لان مفروض ايكون وثق فيه
انا : منعرفش فى شن كان ايفكر لهده الدرجه معنداش تقه فيها و البنت امعاش نزلت بارت جديد نبى نعرف شن بيصير
كنت نتكلم من غير ما انشوف لعيون نور لا نى طول ابنبكى نضعف قدامه شفت ساعه لقيتها 9 اتصلت بسند باش انروح معاش قادره نقعد بكل
انا : الو
سند : اهلان شنجك
انا : وين ما انشوف وجهك انهج انت وين اتعالى نبى انروح
سند : انا امزرد امع الاولاد شوفى احد من اولاد عمى روحو امعاهم
انا : فى عمر بس نبيش انروح امعاه
سند : باهى تو اشويه انجى واتو روحكم
انا : باهى تمام سلام رد بالك من طريق
و روحه مع سند و نور روح بيهم عمر
امتى وصلت شفت هاتفى كان صامت و فى مكالمات فائته من خلود و رسال و اتصلت بيه طول
انا : الو
خلود : اهلين "صوتها كانه تبكى "
انا  : خيرك شن في
خلود : .......