حب عائلى

الحلقه الحادى عشر

امشت خلود للمخزن لحقها محمد من غير ما تحس و هى طالعه لفت لقت محمد قدامها
خلود :😲
محمد : خيرك
خلود : شن ادير اهنى
محمد : نبى نكلم حبيبتى لانه زعلانه منى
خلود : محمد حول من قدامى
محمد : مش محول لن اتقولى لى خيرك لانى مفهمتكش
خلود : مش لازم تفهم    
و جت طالعه من جنبه و بتفوتها مشى محمد شدها من ايدها و جبدها قدامه
محمد : كم مره انقول ليك امتى انكلمك امعاش اتفوتينى
خلود : شن تبى نبى نمشى عندنا ناس
محمد : انتى خيرك متبيش اتردى على اتصالاتى قالت ليك و الله كنت بنكلمك يوم الى مويد دار حادت هاتفى كان فى السياره ملوح و كنت مع الاولاد اسف والله حقك عليا مفروض انكون امعاك فى موقف زى هده و نكون امعاك
خلود : باهى
محمد : باهى شن
خلود : سامحتك خلاص
محمد : صافى يالبن
خلود : حليب يا قشطه
محمد : انحبك
خلود : و انا نقدرش انعيش من غيرك تو حول بنمشى اهلك قريب بيروحو و انا قاعده مقعمزتش امعاهم
محمد : باهى امشى تو نسرهو مع بعض
خلود : تمام  
وامشت خلود دخلت و محمد ركب السياره و امشى  اليوم عادى بعد مرور يومين عاديات
....... ........ ......  .............. ............. .......
فى حوشنا كانت بابا و ماما يوتو فى روحم بيمشو لحوش خالى بيشوفو مويد و سند طالع و خوله فى دارها و انا نرسم
عند خوله شاده الهاتف و ادور فى الدار زعما انكلمه و لا لالا انا استخريت ربى و ارتحت و هو يستنى منى فى رد خلاص بنكلمه و خلاص لن هاتفها شرين احمد المتصل ردت
احمد : اهلان
خوله : اهلين القلوب عند بعضها كيف كنت انفكر فيك و بنكلمك
احمد : ههه عارف شن امديره
خوله : شى ماما و بابا امشو قعدت انا و سوما بس و ترسم خاليتها
احمد : اه شن صار امعاك
خوله : و الله شن بنقولك
احمد : مش موافقه صح عارف حظى انا خلاص ربى ايهنيك مع غيرى بس كونى واثقه انى بنقعد انحبك
خوله : هههههههه 😂😂
احمد : تضحكى مش عاجبك اكلامى
خوله : لا عاجبنى بس انتى مخليتنيش انكمل اكلام تفكيرك امشى بعيد جدا
احمد : قصدك موافقه احلفى
خوله : ههههههه و الله موافقه
احمد : دووم الضحكه الحلوه يا رب انحبك
خوله : تسلم يارب
احمد : بنقول لى ماما تخطبك و العرس بعد نتيجتك باهى
خوله : الى تشوفه عادى
احمد : خلاص تو بنكلم امى وتو نهدرزو بعدين و نقولك شن صار امعايا
خوله : تمام سلام
احمد كان فى دارها نزل لقى خالتى مقعمزه تتفرج جى قعمز جنبها و ساكت لن نطق و اخيرا
احمد : يام
خالتى فاتن : نعم
احمد : نبيك تخطبيلى و بتجوز
خالتى فاتن : حق اوليدى مبروك نخطبلك حاضر انت قول منى بس
احمد : نبى خوله بنت عمى
خالتى فاتن : زين ما اخترت مش رح تلقى غيرها مشاء الله عليها تو يروح بوك و نقول له و نحدود يوم و نمشو نلبسو
احمد : تمام خلاص بس نبى العرس بعد نتيجت خوله
خالتى : باهى خلاص غر ايروح بوك
احمد : باهى انا طالع تبى حاجه
خالتى : لا سلامتك
و طلع و نور كانت فى الكوجينا ادير فى كيكه امشت عندها خالتى و حكتلها على موضوع احمد
نور : الله خوله مرت خوى و نديىرو عرس فى حوشنا
خالتى : ايه حتى انا فرحت
نور : مازال عمر بس حتى هو شوفيه و اخطبيلهم مع بعض
خالتى : توا نشوفه كملتى انتى الكيكه
نور : اشويه بس انزينها و نجيبها عمر قاعد راقد
خالتى : ايه هى جبى حتى شاهى امعها ليا
نور : باهى
كملت نور تزين و كلو و بعتت لى حصتى و خالتى جى عمى المغرب و حكتلها خالتى
عمى : خلاص غدوه امشى عندهم و افتحى معهم الموضوع الخطبه بعد اسبوع و العرس زى ما قال بعد نتيجتها
خالتى : باهى انت بعدين امتى تمشى اتصلى العشاء
ومعاك قوله و انا تو نكلم و نقول له بنجوكم غدوه
عمى : باهى و ناض امشى للجامع  و خالتى كلمت ماما و ماما قالت لينا
...... ........ ......... ........ ....... ....... ..........
عند سالم و صلاح المختفين فى تونس عندهم مبارات الاهلى و غدوه بيروحو و فاز الاهلى و اكيد فرحنين و طبعن سالم مشى من غير علم الاء و هى قريب بتموت و صلاح عادى جدا بس عندها موضوع يبرمج فيه
............. .......... ............. ....... ....... ......
جى اليوم الى بيجو فيه لخوله و كنا انوتو فى روحنا و الحاجات و خوله كانت متوتره شويه
خوله : سوما نبى اميه
انا : سادك شن جاك السكر هده سادس طاسه راهو اهدى فما فيه شى بتكلمو بس
خوله : متحشمه مش عارفه و الله قلبى بوقف
انا : ههههه اهدى تو نجى مندير دوره شن ناقص
خوله : باهى امتى يوصلو تعالى قولى لى
نزلت للكوجينا لقيت سند راسه فى التلاجه
انا : سند
سند : اعطيك ما يرفعك اخلعتينى
انا : شن ادير 😠
سند : نبى حاجه حلوى ناكله زى كيكه مثلا
انا : هههه لا متعباش يكالو الناس و بعدين كول الباقى هى سلم خويا 😆
سند : هى سومتى واحده بس منقول لحد 😞
انا : باهى استنى نختار ابشع واحده و كوله 😒
سند : حقيره طول منك
انا : اتعلمت منك 😉
و اعطيت لسند كيكه و انا فتحت الباب سلمت عليهم و دخلهم و ماما امعاهم و احمد و سند فى المربوعه و نزلت خوله قعمزت امعاهم و انا نقدم العصير و الحاجات و بعدين جى سند ندانى باش انادى خوله ل احمد و امشت خوله قعمزت جنب سند و قعد سند يتفرج عليهم و هم ساكتين
سند : خيركم متحشمين من بعض هههه انا منوض خودو راحتكم  طلع و سكر الباب
احمد : خوله شن حالك
خوله : الحمد لله و انت
احمد : انا الفرحان لانى مع البنت الى انحبه و ربى يجمعنى بيك يا رب
خوله : انشاء الله
احمد : خوله قاعده محبيتينيش متحسى بشى اتجاهى
خوله : 😳
احمد : خوله احكى متتحشميش منى راهو انا بنبدى كل شى بنسبه ليك راهو احكيلى اى شى لا تخافى منى و لا تتحشمى باهى
خوله : باهى 
............... ......... ......... ......... ...............
نكملو غدوه انشاء الله اسفه على التاخير متنسوش اتعلقو و ديرو لايك 👋👋