#إمرأه_بلا_قلب
الكاتبه ام زهراء
جزء 1-
مع كل دقه من دقات قلبي...اعترف انني بلا قلب....فقط نبض.....
سبتمبر 1980 حرب ايران والعراق
الجوو مخبوص حروب وقتل ودمار راحت النه هواي ناس واحباب
ناس شردت من بيوتها وناس تكتلت من الصواريخ وهي داخل بيوتها
جماعه شردوو واجاهم القصف بمكانهم .... عاشوو اهلنه قبل مأساة
(محمد) يحب بنيه جارتهم من اهل بغداد..
كانت حب حياته الوحيد.... بعد الحروب والتشريد الي صار كل شخص راح لمكان ومحد يدري عن الثاني....
هواي ضحايا راحت ومن ضمنهم اخوو محمد كان اسمه رضا الي استشهد بحرب إيران
وترك وراه بنات اثنين بعمر الطفووله وزوجه شابه بعمر الورد
محمد فقد حبيبته الي كانت حب طفووولته
وانقصف بيتهم ومالكوو الهم اي اثر هيه واهلها واختفت جثثهم للاسف من الانفجار مالت الصواريخ
محمد عاش صراع طويل مأساه حقيقيه
عاش أسوه ايام حياته... فقد حبيبته رهف الي كانو متفقين بس يجهز نفسه يتقدم الها بعد شهر او اقل......
رهف كانت حلم محمد الوحيد..... حب حياته
كل الاقارب والجيران والاهل يعرفون بعلاقتهم
والكل ينتظر موعد زواجهم.....ويفرحون الهم...
بس للاسف ماكملت الفرحه وراح الحلم
بسبب الحروب
اخوو محمد بعد استشهاده زوجته طلبت تروح لاهلها.... هي وبناتها
بس ام محمد رفضت هالشئ
وطلبت من محمد يتزوج زوجة اخوووو..
.. لكن محمد رفض..... رفض قاطع.... وحته زوجة الشهيد اخوو رفضت اكثر .
كانت تعتبر محمد اخ فقط...
. كان بينهم مجرد سلام وكلام محدد. فقط.... يخص بيت او طلبات البيت ... تخجل منه لكوونه ثكيل ومحترم كلش..
لكن اصرار ام محمد زاد
وهي دوم مكابله صورت ابنها الشهيد وتبجي
وتنوح كأي ام عراقيه فاقده ابنها ... كل وقت مخليه صورته وتنعه.. وتحجي وياه ;;;ياأبني راح يتشتتن بناتك ويرحن للغرب
يمه زوجتك راح تروح منه.... هي وبناتها
وخاصه من تشوف محمد كدامها يزداد نوحها وصراخها بلكي يلين كلب محمد ويرضخ للامر الواقع
بس محمد هم مدمر علئ فراق حبيبته رهف الي راحت منه وضاع الحلم مالته
مايكدر ياخذ زوجة اخوو الوحيد... كان يشوف بيها اخو رضا.. كان متحطم .. فقد اعز اثنين عنده بيوم والليله
امه جاي تضغط عليه وابووه هم ... الي من فقد ابنه لزم وياه للضغط والسكر..... هم محد يكدر يضوجه اقل شئ يتعب وياخذوه للمستشفئ
ام محمد زادت حالتها سؤء ... حته ابنها رضا ماعنده قبر تزوره... لان ضاعت جثته ومحد يعرف وين راحت......
بس جماعته كالوو استشهد كدامنه.... بس ماكدرنه نشيله ونجيبه لسؤء الوضع
كانت بذاك الوقت جثث بكل مكان واحد وين يلحك يشيل... زين يلحك بروحه ويشرد
مرت شهرين ثلاثه اربعه.... الاوضاع تدهور بالزايد.. والحروب هم بعدهي
العراق وضعه تعبان ومن اسؤء الئ اسؤء
الحجي ابو محمد طلع بره البيت بشغل
ونفقد من هذا اليوم
محد شافه.... استشهد او اسير.....او ميت عايش.... بس الله يعلم بيه ، ام محمد جاي تتعب وتهلك زايد
وما الهم معين غير محمد
وبعد ضغوطات اضطر محمد يزوج زوجة اخوو بشرئ ... علئ الرغم من جمالها واناقتها بس محمد يعتبرها اخت ويشوف بيها صورت رضا
تزوجوو غصب عنهم ..بس لازم يعقد عليها لان صعب تبقئ وياه وحدهم
اهلها ماقبلووو ...وطلبوو تجي الاهلها واذا علئ البنات خل ياخذونهم الهم
بس بشرئ ماتحملت افراق بناتها ووافقت علمود بناتها وحجي الناس......
