#إمرأه_بلا_قلب
الكاتبه ام زهراء
جزء 4
بعد ماكالي عادل.....تقبلين تزوجيني
بقيت صافنه
ماصدكت معقووله
شنو شاف مني وبهاي السرعه قرر يخطبني... اني بعد المعناة الي شفناها والبيت الي بيه احنه والوضع.... مايسمحلي احب او افكر بالحب يمكن صارلي كم شهر اشتريت جهاز دوز ومكسوره الشاشه مالته
وكنت مرات اصعد فوك لسطح مالتنه
اكنك علئ بيت ابو سالم.... جوارينه وره بيتنه
بتهم مرات تحجي وياي من شباك غرفتنه واخذت الرمز منها
وطبعا الشبكه ماتوصل الا اذا اصعد فووك السطح
وكنت اصعد من افرغ
دائما امد راسي.علئ بنت جيرانه ابو حيدر
اشوف بيتهم من جوه احسدهم علئ بيتهم وسعادتهم ودائما اسمع الضحك والشقه مالتهم
اشوف فووك بالطابق الثاني مالتهم
شقه كامله تخبل
غرفه وصاله جبيره شباكها علئ السطح مالتنه
كامل ... مطبخ وصحيات
وبلكون ... وميز بالطارمه وغنفات بالصاله
اباوع علئ الصاله.... كلشي بيها حلوو طخم... وثريات... وثلاجه جبيره... وبراد ماي
احلئ فرش واحلئ ديكورات
هنيال الي تسكن بيه
دوم اصفن بالبيت واتخيل نفسي هنا وهاي الشقه مالتي
بالصدفه من جوارينه عرفت هاي شقه كامله لابنهم عادل لضابط
كنت مرات بالصدفه اشووفه وانزل راسي بساع
كنت اسمع صوته مرات
يخابر اوو تلفزيووونه لبلازما الي من كد حايطنه
اوووف كلشي بيه حلووو
اشوف طوله والعطر الي يخليه ويترس سطحنه ترس
بس شاءت الصدف والاقدار
التقيت بيه بوقت خطأ... وشاف كفشتي وتراكي الي البجامه لوون والتشيرت لون والحفايه لوون ....
شاءت الاقدار اتعرف عليه واشوفه ويساعدني اكثر من مره.......
ماقصر وياي
وكف النه ..وكفه.محد يوكفها الاهله
مره شفته وخليت عيني بعينه...... شفت حسن وجمال واخلاق ماشفتها بحياتي
اول مره هجي كلبي ضل يدك... حسيت بشعور اول مره احس بيه
احلئ لحضه لمن شفته بيها
ضليت الليل كله اتكلب.... وماانام... افكر بيه وبشكله.... افكر شكد ساعدنه ووكف النه
يوم لثاني تحاجينه اني وحنان
وصعدت فوك ابجي.... وارتاح .... واتنفس شوي ... لان ضاع عليه الهوئ
سمعت اغنيه .. حسيت بيها
اليه...... وعادل راسلني وبين اليه حب بطريقه غير مباشره
احلئ فرحه بحياتي......
عادل حلم اي فتاة
حلمي اني اول شئ..... ماانكر اول مره حبيت شقته ووضعه والنضافه واللمعه الي بشقته
تمنيت اكون اله.... بدون لا اعرفه
حته لوو يطلع اي شئ
بس كنت احس اتمنئ اشوفه من زمان
من اسمع يحجي اوو يغني وحده
اتمنئ اشوف شكله
بس مااكدر اخليه.... يشوفني
بس مرور ايام لمن تقدملي ... عادل برساله
مااوصف شعوري... وفرحتي
ربي هجي كون يكمل فرحتي....... واكون اله
ماعرفت شنو اجاوبه
سكتت
ضل يدزلي سمايلات نفس هذا 💔
شبيه هذا شنوو يعني هذااا
شنوو قابل اني جرحته....؟؟؟
جاوبته
😨
شبيج يحلوه
مابيه.. بس شنو معنئ هذا الاسمايل
لا هجي .... ردت ابين الج كلبي وحالته.... صدك راسليني فايبر
ماعندي اشتراك
هاج الرمز مالتنه..... وراسليني
يمه ماي بارررد ونزل علئ كلبي
دخلت الرمز.... وفتحت الشبكه عندي
وراسلني فايبر
رهف
نعم
اول مره شفتج من اجيتي النه للبيت...مااعرف شصار بيه...
شصار
مارحتي من بالي ابد
ليش
والله رهف قصتي طويله ... وتعرفينه خلال الايام الجايه.... بس اريد اعرف منج.... شئ
شنوو
موافقه عليه
بيمن
زواج شبيج
بس انت ماتعرفني
هههه اذا اني مااعرفج .. لعد منو يعرفج اكثر مني.. تره اعرف كلشي بالمنطقه بيت بيت واعرف كلشي بيه
هاي شنوو ليش
حكم عملي
عادل انت ماتعرفني.. ولا اني اعرفك
انتي اول ماشفتج دخلتي نص كلبي... مامصدك اني شفتج ... انتي هديه ربي ذبج بطريقي
بقينه نسووولف اني وعادل العصريه كولها
والليل
طبعا... رجل حنان عدنه....
الليل كله مانمت
طبعا عادل طلب مني اصعد فوك واحجي وياه بس رفضت ... وهو تعلق بيه اكثر
واعترفلي بحبه اليه اول ماشافني
بقينه اسبوع كامل لانوم ولا اكل ولا شرب بي ندردش فايبر
بهذا الاسبوع عادل صار اكبر جزء بحياتي
تعلقت بيه كلش.... لمن يروح لدوام ويتاخر عليه ساعه مايسال عني... ازعل منه
وهو يراضيني .... عبالك طفله وياه
اول مره احب .... ماتخيلت يوم احب... ومن منوو شخص كنت جيرانه 5سنوات بس لا اعرفه ولايعرفني
عايشه وياه حاليا بحلم
مااريد اصحئ منه
ضل يحجيلي كلش عنه... ماضيه
اهله.... بيتهم
علاقته وي ساره زوجة اخوو
حجالي عن قصه حبه القديمه
كان خاطب قبل وعاقدين محكمه.... بس خطيبته شاف منها شئ وخيانه وفسخ خطوبته وياه قبل زواج بفتره
يحجيلي عن وضعه
وبيته الي راح يسكني بيه الي هي شقته فووك
واعدني بأيام حلووه وسعاده لاتوصف
