#إمرأه_بلا_قلب
كاتبه ام زهراء
ج13
صار الليل .. والجوو مخبوص خبص
والبيت مكلوب علينه
عمات نجم واخواله
والشيوخ كلها طابعه طالعه . والنسوان يطبخن كله فطح
واني مااعرف بهجي امور... بس ايدي بيدهن جيبي وردي اخذي
كملنه العشه... وجابوو المواعين نغسلها...
كنت انضف وياهم
حكيمه تغسل المواعين واني اشطف
وبما ان عدنه نسوان وبنات هوواي
لبست ثوب بيت ليموني... كلش حلووه كانت بحيث اني بيضه كلش... طلعت فد شئ عليه
وكلها صافنه بوجهي
كنت مدنكه واغسل مواعين وي حكيمه
رهف
درت وجهي نجم
طفرت من مكاني ورحتله... نعم
اريد جاي مهيل.... وهس عالسريع
حاضر
ردت اروح
رهف
نعم ابو سالم
الليموني شطالع عليج...
اني ابتسمت ودنكت...سكته
عفت حكيمه تكمل غسل... وسويت جاي
وخليته علئ لطباخ
ورجعت وي حكيمه
وره دقائق... اجت ام سالم
يلا جاي وينه نجم كلساع يجي يحاجيني
خلي يتهدر ... لحضه
اها يعني يكول لزلم اوكفوو علما يتهدر الجاي
استغفر الله... ودرت وجهي عنها
كملته... وصحت لسالم يدزه
ماادري شبيه اغسل مواعين وفرحانه....مدري شبيه الله يستر
معقوله كلمه نجم هجي هزتني
شبيج رهف شنو هالتفكير الغبي
شبيج رهيفه
هههههه شنو هاي رهيفه
اي دلعج...
عزه كولي رهوووف رهفرف😨😨😨
هههههه اي كملي شكالج نجم وشكيتي حلكج بالابتسامه
عزززه ولج كالي ... الليموني يخبل عليج
عين بارده هو صحيح يخبل عليج وطالعه جنج هاي الممثله االي بفلم تركي مدري شسمها
ها اتابعين تركي....
اي والله من يروح لذيج ام الكطل اتابع هذا الفلم
هههههه ... نجم منعني اباوع
اي نجم حاد.. عبود عنده عادي بس يخاف من نجم
ها
اي
روحي اسبحي...ورتبي روحج انا اكمل
لا ماعندي شئ عادي يكلبي
فدوه لكلبج هذا
اجت ام سالم ومرت حماي ايمان
ام سالم.... ها بعدجن لهس... شطلعت مواعينيش
خيه مثل ماتشوفين هواي ... مو مال نفرين
اي ملتهيات بسوالف والكالات
كامت الها حكيمه... مو عبالج رهف واسكتلج وحك ربج اكوم واسحكج واطلع كل سحورتج
انا سحاره
اي انتي سحاره... وبسببج مخليه الرجال مايشوف دربه ولا يشوف زوجته
هو مجبور عليها ... وحته ما لامسها ابد
اي من وره سحورتج
رادن يتكامشن... واجت لمياء زوجت عمهم بالكوه سكتتهن
كملنه وطلعنه
ودخلت سبحت... ورتبت نفسي
صارت ب10 خفت الرجل وقلوو الزلم
انتظرت نجم يجي ماكوو
واسمع ام سالم
تحوس بالصاله هي وجهالها
وسمعت نجم يحجي وياها
كلت بكلبي.... بس لا يروح وياها
اهووو هم رجعنه لهذا الموضوع واذا راح شعليه بيه.... قابل احبه لوو ميته عليه
تمددت علئ الجربايه
ردت نوم يجيني وماكوو...بس اتكلب
طفل ومضيع شئ
اجه اباالي عادل
ياترئ شلون صار.....وهو معذور سوه هجي
كون اراسله من اي موبايل
بس اطمن عليه وامسح رقمه
تذكرت نجم...لا مستحيل
اني علئ ذمه رجال
صار الصبح...وانا نمت ب4
كعدت ب7 لكيتهم مكملين ريوك
ونجم ماكووو
سالت بنت نجم زنوبه.... وين بابا
نايم بابا
صارت ب11طلع عادل عينه مورمه....وحمره
ركزت عليهم شبيه
اجه يم الحجي.. شبيك بويه
والله بويه البارحه مانمت بس اتكلب
شبيك
مااعرف
بس انا اعرف...... وضحك
ونجم.. ابتسم ودنك راسه
شبيهم ذوله...... خليت ودخلت للمطبخ اريد اعجن
وضايجه ومالي خلك كلش
مدري شبيه
خل اخابر امي
رحت لنجم
نجم
كولي
اريد موبايلك اخابر ماما
هاج
دكيت الرقم...الوو ها امي شلونج يعمري مشتاقتلج
والله زينه ومرتاحه كلش
ونجم زين وياي كلش ومددللني
اي شخبار حلووومه
صدك خطيه حامل
يمه شلون ام زكي ههههههه... بعدهي تجيب اخبار الشارع
ههههه سلمي عليها الله عليج
وسلمي علئ اخواني
وديري بالج علئ نفسج
بس يتشافئ نجم اخليه يخابرج
يمه شبيج
تبجين والله زينه.... وذاك الماضي كله نسيته
ونجم صار حاضري ومستقبلي
ادعيلي ياامي
ربي يوفقني وياه... ومايجرحني
ابد ابد
ختمتها وي امي
والتفت لكيت نجم وراي....
نجم.... كملتي
اي
خابري امج اخواتج عادي" شوكت ماتردين اخذيه
يعني ماناوي ترجع جهازي
سكتت
عفيه نجم ... متعوده عليه
يصثر خير... وطلع
طلعت وراه
وام سالم تخونزر بينه.... وهو دخل غرفتها وهي دخلت وراه بساع
لكيت البنات كلهن مجمعات بغرفه زوجت حيدر. ايمان
ويضحكن ويشاقن.... رحت يمهن
وكعدنه نسولف ونضحك
بيداء... اششش اشش
شكوو
ابو سالم ومرته علكووو
وكلن احنه طلعنه بره من الصياح الي بينهم
وهي لسانها شطووله
هس اروح لاهلي ... اخواني يعلمونك
وكالتله شئ.... بس محد سمعه
وطلع نجم ...نار نار
صاح بأعلئ صوته
ررررررهف
رهفففف
خفت ولبدت وره حكيمه
منوو مو رجال رهف.....احجي منووووو
ويصرخ بعلووو صوته
تكولين لام سالم زوجج مو رجاال
انا اعلمج فوتي كدامي
اشوفج انت رجال لولا
يلااااا تعاااااالي .... بصوت عالي
للحكايه بقيه
