#إمرأه_بلا_قلب
الكاتبه ام زهراء
ج21
عادل شلون اشترئ الكاع
ومنين اخذه.... وهذا هو يريد ينتقم منه ... وخرب كاعنه وموت زرعنه
اليوم اموووته.....اليوم ماارحم بيه.... انا مرتين اتنازل عنه اليوم اندمه
وراح للغرفه ولبس احزام وشال السلاح...... اليوم اكتله... اليوم مارحم بيه
نجم اووكف
ضلو عبد والولد يصرخون عليه وماكوو
هذا الحيوان كان يلعب بينه .... واحنه ماندري
تقرب مني
وانتي تدرين موو
تدرين وساكته
شبيك نجم شنوو ادري
اي تدرين بيه هوو اخذ كاعنه.... وتلتقين بيه بالكاع موو
انت مو صاحي
شنو التقي بيه... انا من شوكت طلعت من الباب
نجم لاتتهمني كلساع حرام عليك.... انت كرهتني بحياتي ليش كل سالفه
وكل احجايه تتهمني
اي اتهمج ....لان اعرف بيج تدرين
وجمعتي فلووس حته نشتريها بسعر اغلئ وانتم الي ربحانين
صرخت عليه . احترم نفسك
وعيب عليك
انت شنو من بشر.... يوميه اتهام .... مو كتلك عادل نسيته
عادل ماضي... كتلك انت الحاظر مالتي
ليش تدمر بيه وتعذبني حرام عليك
وروح ابويه ماادري
تصدك ماتصدك مشكلتك...... كافي يوميه عادل عادل. الله ينتقم منك ياعادل ... الله ياخذ حقي منك....
حسبي الله عليكم ..... دمرتو حياتي
شنوو ذنبي غلطت وحبيت بمراهقتي
صلوو علئ النبي شبيكم
عبد كل احجايه كالي عادل وعادل...وتحبينه وتخونيتي
خويه عبد مليت
اششش ولا كلمه... يلا عبد. حيدر ابو علي امشونه نأدبه ونعلمه الرجوله شلون تكون
ضلت تصرخ الحجيه وتبجي
وبالكوه منعته يروح......والنسوان كل وحده ضلت تبجي علئ رجلها
اني
اني شنوو
اني صدك احس نفسي بلا قلب
اني متعذبه.....
نجم ......ضل يباوع عليه وخله طلع
والنسوان والولد رجعوو للسفره وكملوو عشه
اما اني دخلت غرفتي
وبديت الم بغراضي....... ما االيه مكان هنا .... خلص تعبت يوميه تاهمني بشئ... كلساع يذكرني بعادل
انا غلطت.... بس نسيت
وهس احب نجم..... وماكدر بدونه ابد
لميت الشئ المهم كم غرض..... رحت للصاله لكيت عبد
عبد
نعم
اخذني هس لاهلي بلا زحمه عليك
خير اهلج الوالده بيهم شئ
لا اخذني......خلص اخوك ماناوي وياي علئ الزينه خلص اروح الاهلي احسن من هالعذاب
استهدي برحمان خيتي والله نجم يحبج بس هو عصبي قبل جان بالكاع يوميه يرزلني كدام العمال ويغلط
واسكت اله .....اعرفه كلبه طيب
ياريت يغلط عليه.. بس مو يتهمني بشرفي...... ليش شنو شاف مني.... وانتن بنات تقبلن احد او ازواجن يتهمجن بالشرف
مره يكول تقابلينه بالسطح.وخنتيني وياه....وسامحته
وهس يكول تقابلينه بالكاع
خلص ما اليه قسمه وياه بعد .....هذا حدي وياه.....
اصبري خل يجي ونحاجيه
خويه تاخذني منا لو اني اروح وحدي هسه
شنو هالحجي اطلعين وحدج ..... شنو ماعدج رجال
اصبري خل يجي رجلج وروحي
دخلت غرفتي
ضليت ابجي..... علئ حظي
ليش هجي يصير وياي.... شنو الذنب الي سويته اريد اعرف اني
اريد امي....اريد ابوووويه... اريد عم او خال يوكفلي لر عندي رجال وراي ماجان هجي سويت بيه نجم
اخ ياربي ليش خليتني بهجي حياة .... اختي بنت امي وماوكفتلي ولا تجي تهديني او تواسيني
شسوي وين اروح .... المن اخابر ويجي ياخذني
اختنكت كلش.... وضاع عليه الهوئ..... وبردت كلش.. رحت تمددت علئ الجربايه..... وتغطيت بالبطانيه..... واحس جسمي هم بردان
كمت علئ حيلي....ووطلعت الصوبه الكهربائيه وشغلتها.... وتمددت يمها وتغطيت ببطانيتين وهم بعني ميته برد
اون لا اراديا جسمي كله يوجعني
واني جوه الطانيه اوون
انفتك الباب قووي.... ماكدر اتحرك واشوف منوو
تردين ترحين لاهلج مووو...... تردين ترحيله مووو رهف
ماحاجيته.....مااكدر اجاوبه
احجي ..... لاتسوين نفسج نايمه
الجوو حار المن فاتحه صوووبه تخبلتي.... ومتغطيه ابطانيه
كومي احاجيج.... كومي
كووومي رهف
مااكدر احاجيه بس اون......
تسوين نفسج نايمه موووو........
رفع البطانيه مني عالسريع...... وشافني
متكرفصه وميته برد واون...... وارجف...... تقرب مني حيل
شبيج رهف .... ضل يضرب بيه
بس ماكدر احاجيه
جسمي كله يوجعني .... اباوع اله سكته
هو شافني .... وتخبل ...شالني علئ الجربايه..... وخلاني بحضنه....وجاب مي بارد.....وضل يطيني كمادات
اسف رهف اسف..... بس والله دمرتني العصبيه مو بيدي
ويسويلي كمادات
بقه الليل كله كاعد...اني اغفه وارجع اكعد والكاه كاعد... بس غفيت.... كعدت هم لكيته يسولف عليه
سويت نفسي نايمه حته اسمعه شنو يحجي
رهف سامحيني انا غلطن بحقج بس رهف عرفي شئ واحد رهف احبج وافديج بروحي واريدج بس اليه
رهق بس اسمع اسم عادل اتخبل ....اتذكر شلون كنتي تحاجينه وتقابلينه موبيدي امووت اغار حته من ماضيج
رهف اتخبل من اسمع اسمه..... ضل يدنك عليه ويشتم بشعري وركبتي بكل قوته
ويحضن بيه..... لحد مااذن الفجر
نيمني علئ المخده .... وطلع يتوضأ..... ورجع يصلي
اني كنت كاعده واحس بيه
كمل صلاته وضل يدعي ويباوعلس
ربي مايحرمني منج ياشمعتي..... بكلبي احبه واتمنئ اروح يمه واشمه واشبكه حيل
بس ماريد ابين اله اني ضعيفه
لازم اخليه..... يتعلم درس.... ومايعيد كلامه بعد
لان مال اعووفه مستحيل ماكدر
رجعت غفيت
وصار الصبح...الكل كعدوو.... لكيت نجم ماكوووو
كعدت علئ حيلي.....لكيت ورقه مكتوب بيها سامحيني
طلعت.... الكل كاعد يتريك بالصاله. اباوع الولد محد بس حيدر
كتله حيدر
نعم
كلت لنجم امس اريد اروح لاهلي وكالي خل حيدر ياخذج
توه طلع ماكالي ...
.خاف نسه.
ماشي اذا هو كالج عادي.....بس اترس بانزين واجيج
لا عادي نطلع منا ونترس بانزين من الطريق
والله من زينات هاي.... يله جهزي علما اطلع سياره من الكراج
ورحت جهزت نفسي....وطلعت
اريد اطلع من هالسجن..... والاتهامات
مليت
اريد ابين اله اني عن عم وخال وابو
اريد ابين اله.. اني فعلا عندي سند .. واني سند روحي
مليت من كلشي.....علئ الرغم اعرف بحبه وهذا الشهر من رجعت اله لحد هسه
نضراته اليه وكلامه .... متاكده بيه يحبني
هذا الشهر مافاركني ابد... احبه حيل
وعشا وياه.. ايام حلوووه...... وماتنسه.... مشت بينه هوواي السياره.... افكر بيني وبين نفسي شلون اذا اجه نجم للبيت ومالكاني بالبيت بس راح حيدر يتورط وياي
بس البنات سمعني اني الي كتله..... هو ماله ذنب
وصلنه للبيت.... وحيدر بس سلم علئ امي بالباب....ودخلت جووه..... وحجيت لامي كلشي... وضلت تحجي عليه لان ماكتله من اجيت.... بس نفس لوقت انقهرت علئ حالتي
وعلئ اتهاماته اليه
يمه اني ما اليه سند .... لذلك ياكل ويرزل بيه
يمه شسوي وين اروح....يمه ما االيه غيرج
ليش هجي تعذبت.....محرومه...... يمه كل لحضه يذكرني بعادل يمه انا نسيته وحيبيته هوو
بس مايفهم هو
يمه ساعديني .... نمت بحضنها وضلت تلعب بشعري.....وره شوي ... دك موبايل امي
رحت اله
يمه نجم
عززززه... شكوله
للحكايه بقيه
يتبببع
