حكايتي .....
الهاربه ......زينه...........
الجزء ...2......
گلي اي شي ابالج من الي شفتي اليوم شيلي بقيت صافنه علي شبيج مبيه جاوبته گلي لعد ليش صافنه گتله داافكر بولادتي گلي هه لتفكرين ادعي تموتين بالولاده ترحين شهيده 😉گتله اف سعد هالكد اني ثگيله عليك گلي بالله ولي نام وبقيت كاعده افكر بيهم واتعوذ من الشيطان واكول ماكو شي ومرت الايام وولدت وصار عندي ولد وجان ابني مريض من اول مجبته عنده فتحه بقلبه وبس يبجي سعد جان ينام بغرفة الخطار لان يضوج من بجي سيوفي وبليله سوده نزل نام جوه بغرفة الخطار واني غرفتي فوك ومبيهه حمام نزلت اغسل لابني سمعت صوت بغرفة الخطار ترددت اروح مره مرتين ترددت رحت خليت ابني بالهووول ورحت يم باب غرفة الخطار واسم صوت 😳منو لينا سعد خررب شصار بيه بوقتها احتاريت افووت لا تجرات شبت النار بيه من الغضب گلت مااريدهم يتمادون وننفضح وفكرت بابني ابو هيجي وسمعته شون والا هو ميهمني ابد طز بي فتت عليهم واشوفهم اثنينهم بوضع مزري يخزي 😑كتلهم تف عليكم ياوصخين هم كامو گتله ولك لو وي بنات الدنيه كلهه ميهمني بس مو وي مرت اخوك لزمني من شعري وسد حلكي گلي اذا تعلمين احد اوديج وره الشمس اذبج بفضيحه وشوفي شسوي بيج اخذني وصعدني فوك وضربني وجاب ابني وذبه عليا واخذ تليفوني مني ونزل نام جوه وقفل عليه الباب بس جان خايف الجبان ليلته متت قهر وابني مريض ويبجي صارت ساعه 5فتح الباب وعيونه تخوف گلي ولج مرت ابويه البارحه سمعت كل شي وراح تكول لاحمد اخويه امشي وين سألته 😳؟كال ننهزم تره احمد اخويه اذا عرف حتى انتي يقتلج وي ابنج صفنت خفت متت خوف رحت ويا طلعنا مثل الحراميه من البيت مماخذين غراض هواي ورحنه للكراج اجرنا سياره والطريق طويل وابني حييل تعب وكوه كام يتنفس كلش تعذبت واباوع لابني ماابيدي شي علي شعور صعب واحد يوصفه ابني ديتعذب كدامي حبيبي سيوفي ريت بيه ولابيك يروحي بعد ساعات طويله وصلنه وهو ولاكلمه بس يخابر وي واحد ماعرفه وصلنه للكراج محافضه وميته تعب وعيوني من النعس كوه افتحها وابني حالته حاله كلما اكوله سعد خلي نودي سيوفي للطبيب خلي يشوفه ميقبل تالي عرفت انو احنا بالبصره انتظرنه شويه اجه ولد سلم علي بعدين عرفته انو هالولد صديقه اسمه حامد يشتغل بالبصره گله اني مأجر شقه وي جماعتي اثنين بس هسه طالعين بإجازه تعال اكعد بيها علما يجون وانت تدبرلك مكان تكعد بي واني رايح ارجع لاهلي زوجتي مريضه وحتسوي عمليه ضروري اكون بجانبها هالمده رحنه للشقه نطانه غرفه كعدنا بيها وابني حالته تعبانه وبس يبجي بعدهه نام ونمنه وكعدنه الصبح الشقه مجان بيها احد گلي اني رايح ادور ع مكان النا وشغل وكذا ابقي لتطلعين واخذ تليفوني ويا لحتى لااخابر احد بعده ممطمأن مني 😕تاخر صار الضهر العصر هو ماكو طلعت من الغرفه بالشقه وصار بوجهي ولد شاب تقريبا عمره بنهاية العشرينات هيج 28/29ولابس كيمونه وشورت وجان شايل بيده اكل اويلي اني ميته جوع مماكله من جنت بكركوك جان يصفن بوجهي واني صافنه بوجه هو هم بين علي الخجل من لبسه گلي انتي منو گتله اني زوجة سعد منو سعد سعد صديق مرتضى اهاا وينه زوجج زوجي طلع الصبح يدورلنا ع مكان نكعد بي بوكتها اني جنت لابسه بدي نص ردن وفوكه كارديكان يصير مثل الروب وبي فتحات اثنين من الجانبين وجوا بنطرون جينز وخاله شال ع راسي بس شعري مفتوح ع طوله وطالع منا ومنا بقى يباوعلي من فوك ليجوه انتي منين كتله من كركوك كال وشجابكم هنا كتله جينا ع مود شغل زوجي شون خمو اكوله منهزميين وزوجي هي سوايته گلي محتاجه شي گتله دااسالك اذا اكو صيدليه هنا انزل اجيب لابني دوه گلي اني اروح اجيبله اني جنت ميته جوع گلت هم انزل اجيب اكل واستحي اكوله لااراديا لزمته من ايده كتله لاخويه اني انزل اجيب بقه يباوع عليه ونزل نضره يباوع ع ايدي شون لازمه ايده وخرت ايدي راساا كتله مااريد اتعبك گلي ماكو تعب اني اروح اجيبله انت امانة يمنه نطيني الوصفه گتله من يجي زوجي انطيك فلوس هسى معندي والله گلي اني طلبت منج فلوس هسه نصيت گلي يلا الوصفه لتصفنين نطيته الوصفه مااكل لبس ونزل يجيب الدوه امم ريحة الاكل بخشمي بس مااخذت من الاكل رحت للغرفه وراها اجه دك الباب فتحته انطاني الدوه وياه اكل هذا شون حس بيه جوعانه تشكرت منه 😃 حيل ورحت نطيت ابني دواه صار العصر اسعد مأجه وبقيت بحيره من امري شون بيه طلعت من الغرفه شفت الولد مبدل وشون كشخه ومرتب وانيق هو طويل وحنطاوي وكلش جذاب 😍باوعلي گلي مااجه زوجج كتله لا بقهر كلتها كلي خابريله معندي فون جاوبته معقوله گلي متفاجيئ اي اخذ تليفوني ويا ليش امم تلعثمت عاطل شگوله امم اوف نوب شيكول ليش اخذه گلي محتاجه شي اني طالع گتله سلامتك دخلت بالغرفه وابني حالته من سيئ الى اسوء متت قهر واني اشوف هيج ابني ومكدر اسويله شي نومته طلعت اغسل شفته اجه صارت ساعه 11بالليل جايب اكل گلي اكلتي .......؟؟ گتله بخجل لا مجوعانه گلي متاكده كباب يفوتج گتله لا ميتفوت هو خل الاكل وكعدت كباله اكل وميته خجل مدري خوف مدري قهر گلي اني وعد عمري 28سنه من الحله واشتغل هنا گتله اتشرف بيك گلي لتخافين مني اني امان وانتي وابنج بامانتي لحد ميرجع زوجج گتله اوك اني زينه ام سيف عمري 18سنه گلي شنو السالفه احجيلي گتله ماكو شي بس احنه معدنه احد هنا كال مااجبرج تحجين بس اذا تحجين احسن حتى اكدر اساعدج مااعرف شنو جان اباله بس اني جوعانه اكلت وتشكرت منه وكمت لابني نمت كعدت ساعه 1:00ابني تعبانه حالته حييل رحت للمطبخ اغسله وعد مجان نايم شافني شاف حالة ابني وگلي خلي نودي للمستشفى اني رفعت راسي باوعت بعينه وعيوني حمره وكلها دموع مااريد اعذبك ويايه شوف هي ياعذاب ابنج تعبان دروحي لبسي خلي نروح ونطينيا هو گلي نطيته اله ورحت لبست وجيت هي شنو لبسج معندج عبايه لا معندي جاوبته صدك تحجين والله زين لفي حجابج عدل شنو متعرفين تلبسي اي اي لفيته ردنه نطلع باوعلي اج لمي شعرج شنو لفي نفسج شبيج 😕اوكي لفيته ولميت شعري واني منهاره حييل رحنه هو راح لصديقه كعده بالليل عنده سياره وصلنه المستشفى وبقى يواسيني حسيت ويا بالامان حييل وشويه الدكتوره اجه بلغني انو ابني مات لان حالته تعبانه جايبي نهاريت تحطمت كولشي انهار بلحظه وحده سعد دمرني ورطني بقيت ابجي واندب حظي وبدون مااحس وعد بقه يواسيني ولااراديا خليت راسي ع صدره وبديت ابجي 😭.......تابع
حكايتي
زينا الهاربه
گال الدكتور باجر تستلموا اخذني وعد للبيت واني منهاره وزوجي سعد ماكو اي خبر عنه بالكوه صاررالصبح بقيت للصبح ابجي وعد مقبل يتركني بس اني گتله حابه ابقى وحدي فات نام هو وبقيت اني وحدي ابجي وملخ بنفسي واتعذب تعبت مشفت يوم زين بحياتي كضيت عمري متبهذله ومهزومه صار الصبح اجه وعد طخ الباب گلي زينه وينج طلعتله باوعلي هي شمسويه بنفسج صدك جذب بعدين هو طفل اربعين وانت بعدج زغيره تخلفين غيره اني انهاريت وكعت بالكاع وابجي كعد يمي يمسد ع راسي ويواسيني زينه كافي ارحمي نفسج فدوه گتله مبقالي شي وعد مبقه گلي اني مراح اتركج ولااتخلى عنج ثقي بيه وانطيني مستمسكات حتى اروح ادفن ابنج گتله اجي وياك گلي وانتي بهالحاله گتله اموت اذا مااشوفه اريد اشوفه لاخر مره فدوه گلي ابقي هنا ثواني واجي راح وبيت وحدي بالشقه كاعده يم باب الغرفه والغرفه هي تصير بصف الباب الرئيسي الشقه. واشوف انفتحت الباب ودخل منها ولد شاب بقى يباوعلي صفيت بمكاني گلي منو انتي اني معرفت شجاوب سكتت وكمت ادخل بالغرفه جنت تعبانه حييل مالي خلك رحت ادخل سحبني من ايدي بدخلت وعد هاا سالم شونج واخذ ايدي وخلا يتركها ووعد لزم ايدي منو هي الولد سالم سال وعد جاوبه هي تخصني معليك بيهه اي مگلنه شي سالم رد علي اني من وعد گال تخصني فرحت بداخلي ع رغم متالمه من وفاة ابني حييل ارتاحيت لوعد ع رغم اني غريبه وماالي احد وعد ابد محاول يتدنالي بغير طريقه دخل ويايه للغرفه وسد الباب طلع عبايه خليجيه ونطاني اياها گلي لبسيها اووف اريد اشوف شون حتصفا زينه ديري بالج تره سالم عينه زايغه وابو نسوان باوعتله اني خايفه لعد انت بامانتي لتخافين بس دااحذرج منه اوك دوم لبسي هي ولفي روحج ولو هو ميفيد ويا بس ديري بالج واني تره اخاف عليج باوعتله وباوعلي ديلا عيني البسي دنروح انت حتبقى بينما اللبس هه لاراح اطلع راح ابقى واكف يم الباب شكلي راح اعشعش هنا لحتى احميج ابتسمتله گلي اي هسه ابتسمي والله موجود طكيت بجي وخليت راسي ع كتفه (لااراديا) الي يادوب اوصل الكتفه ع رغم اني طويله بس هو اطول مني بهواي اووو شبيج ساعه تضحكين ساعه تبجين بعدت راسي وخله ايده ع رقبتي اخخ وعد حموت اني شنو مصيري گتله واول مره اللفظ اسمه لتخافين اني موجود وياج ومراح اعوفج وعد ع فكره اسمي حييل حلو بلسانج 😃ابتسمت مره ثانيه طلع لبست العبايه وطلعت من الغرفه بوجهي صار سالم بده يباوعلي من فوك ليجوه ويسال وعد منيلك هي الحاته رفعت راسي ميته خوف منه الله يستر بس رد وعد طمني گله ميخصك هي تخصني ودير بالك تقرب عليها طلعنه اني ووعد رحنا للمستشفى كملنه كولشي ودفنه سيوفي اخخخ اخر مره شفته يروحي متحملت انهاريت كوولش وعد هو يصبر بيا ومحتاااار بيا حكايتي
زينا الهاربه ..........رجعنا للشقه واني منهاره وماكو اي خبر عن سعد مرت ايام وعد يواسيني ومحتار بيه وبقه يسال عن سعد هواي وگلي يلا لازم اسلمج لاهللج اني جنت خايفه ارجع لكركوك لااحمد ينتقم مني هم گتله ماعندي اهل وعد عوفني هنا انت اذا ضايج مني اتركني اني اروح گلي مو ضايج منج بس اريد اطمان عليج نطيني تليفون اهلج احد لان هذا الولد مرتضى مدايجاوب ع تليفون دااخابره ع مودج حجيتله انو اني معندي احد امي وابويه ميتين مرت ابويه ماادري بيها وين واخويه بالخارج ومحافظه رقمه هو گلي اني اخاف عليج مااكدر ابقيج هنا واني اريد انزل لاهلي باوعتله گتله صدوك وتعوفني ولج مااعوفج وعدتج انزل اشوفهم وارجع عندي مريض لازم اروح اشوفه وماامن عليج يم سالم شوفي اني عندي زميله وياي عايشه هي وامها هي ممتزوجه عمرها ب45وعايشين بس نسوان راح اخليج يمهم ماشي وعد بس لتنساني ولج ماانساج وراح اجيبلج تليفون هم اطمان بي عليج اوكي كتله وابتسمت اله وهو هم باوع لعيوني وابتسملي يوم ثاني راح للشغل واني بقيت بالشقه اغسل ملابسه واكويهم وارتب اغراضه شفت باب الشقه انفتحت ركضت دااطب بالغرفه شفت سالم اجه راسا سحبني من ايدي وتقربلي شتريد صرخت علي اريدج مشتهيج عاجبتني حيييل وطاخه لراسي انام وياج خررب وخر واستحي ع نفسك اني مو هيج ماعندك شرف ماعندك. عرض لج انت دايحه متشوفين نفسج بيناتنه اني ووعد مثل متريحين وعد ريحيني تفلت بوجها دااتملص منه ماكو يسحبني واني اصرخ واضرب بي وشويه مكدرلي طب وعد وخره من عني وبده يضرب بي وتعاركو وكوه فكو اجاني وعد ضربني كف ع وجهي وصرخ عليه وطببني بالغرفه وسد الباب موگتلج متطلعين منا مو گتلج تبقين قافله الباب شبيج شبيج متاخذين حجي اباوعله وبنفسي فرحانه شون ديدافع عني وبنفس الوقت ابجي والدم من شفتي ينزل لان ضربه قويه جانت گتله متكدر تحميني عوفني اني اروح لحال سبيلي ومن هسه حروح اطلع للشارع هو سمع هيج فتح عيون تنهد وتقربلي لزمني من وجهي وبده يمسح الدم من شفتي بأصابعه وعيونه عليه وعيوني بعيونه لج اخاف عليييج ومدااكدر اعوفج لج اووف زينه اوف يلا يلا دكومي لبسي حوديج يم البنيه الكوتلج عليها جاوبته شبيك مو هسه جنت قوي علي تره اسويها واطلع لا متطلعين اسف زينه اذيتج مااتاذيت زينه اني جاوبته لعد مسامحتني هو اني اكدر ازعل منك هو بس انت باقيلي وراح ابقه يلا كومي لبست وجهزت اغراضي وطلعنه اني ووعد
40 تصويت او 10 Follow يله اكمل قراءة ممتعه
