منقووله
الجزء الاول
عنوان القصه
(الهاربه_زينه)
.سلام اني زينه عمري 18سنه رح احجيلكم قصتي اني من كركوك بس امي من بغداد توفت عمرها28سنه توفت فجأه جان ابويه بالشغل الصبح واحنه زغار اني واخويه عمري بوكتها 4سنوات واخويه 9اكيد اني مااتذكر امي هوايه جنت زغيره كلش بيبي هي جانت تحجيلي عنها مرت ايام من وفاة امي ابويه تزوج ابن خالتها لامي بيبي هي اختارتها اله الان كانت تعتقد انو هي احرص علينا مرت ايام واشهر وسنتين هي تعتني بينا اسمها هجران هي وكانت بالبدايه كلش تهتم بينا اني واخويه حسين بعدين صارت حامل ولدت بنيه سمتها زهراء وجنت اني واخويه نحبها كلش وكبرت زهراء ودخلنا مدرسه احنا بعدهه صارت زهراء سبب تعاستنا ع رغم هي اختنا بس هي جانت وكحه تسوي بلاوي تذبها براسنه تغيرت معاملة هجرران مرت ابويه النا وصارت تضوج منا تريد كولشي بس لبنتها ابوي جان يطلع الصبح يجي بالليل ميدري بحالنا اخويه خطيه جانت تطرده من البيت وتكوله يجي ابوك يلا تدخل وابويه جان يجي تعبان ماله خلك يسمع مشاكلنه كبل ياكل لكمته وينام بيبي من تجي نكوللهها ع معاملة بنت اختها النه تحاجيها وتكوللهه ديري بالج عليهم من تروح بيبي هي تظل تضربنا اخويه جان كله يگضي هاليوم بيت عمتي واني بالبيت وياها وبهالمعاناة مره من المرات زهراء كسرت مزهريه كلش حلوه وراحت گالت لامها عليه انو اني كسرتهه اجتي امها جانت بايدها سجينه واني جنت لابسه بجامه وبدي قصير وجان خصري ضاهر وبوكتها جان جو شويا حار وعمري بوقتها 11سنه خلت السجينه حاره ع خصري وحرگتني بيها واني اصلا معرفت شنو السالفه ظليت اصرخ من الالم وصار طبع بجسمي لسه باقي اثره بنهاية خصري صفح زهراء بقت صافنه وتبجي وقهوره عليه اخويه بليلتها مإجه وابوي اجه بالليل كلش جنت وحدي وعانيت وحدي من الالم ماكو احد عالجلي جرحي وبقى حد ما التهب الجرح واني اخاف اگول لأبويه خاف منها وزهراء تجي تطل عليا وندمانه واني كرهتها الزهراء حيل كل ما تجي يمي اطردها واكوللها اكرهج انتي السبب بعد ايام جتي بيبي گتلها اني ماابقى هنا اروح وياج بيبي شافت الجرح وظلت تضرب نفسها وتحجي ع هجران هي امانه عندج هيج تسوين بيها وظلت تحجي وبس اجه ابويه گالتله ابويه گلتله ابويه محرك ساكن گللهه هي وكحه شسويلها ابويه جان امره بيد هجران كوله هجران بقت مخلفت بس زهراء الله ماقسملها تخلف بعد واله حكمه بيها اكيد بيبي اصرت انو تاخذني وياهه لبغداد اخذتني وياهه بعد كم سنه صار عمري 16سنه اجا ابويه رجعني لكركوك ويا بهي السنه بيبي توفت الله يرحمها كانت هي الامان اليه بعدها كلشي راح اخويه بقه بيت عمتي وخطب بنت عمتي جان يحبها واخذها وطلع للخارج بعد ماتزوجوا .ع رغم ابويه مجان موافق يطلع بس هو ابويه متعب ويا هو كون نفسه واشتغل وتزوج وطلع .وبعمر 17سنه جنت ادرس سادس اجت مريه تعرفها هجران لبيتنا صاحتني اقدملها شي شافتني بقت صافنه عليا بعدهه گلتلي راح تخطبج لابن رجلها ديدوروله مره اني كلت ياريت اتزوج وارتاح من مرت ابويه لان من رجعت حييل شدت ويايه وكلت اول واحد يتقدم اوافق علي حددو موعد يجي يشوفني كلتلي هجران رتبي نفسج بلكي تتزوجين ونرتاح منج باوعتلها بطرف عين وكلت اني الرتاح مو انت كالت شنو كتلها ماكو كالت عبالي ممم صدوك رحت لبست فستان وردي فاتح وطويل واني طويله وفتحت شعري كولش طويل اسود اني بيضه عيوني زيتوني طوخ وحواجبي ثخان سود دخلت عليهم شفت الولد زين ينطلع بي هه اهم شي ارتاح من مرت ابويه ميهمني كلشي وافقت علي وهو هم وحددو موعد حفلة الخطبه وصارت حفلة الخطبه الولدد اسمه سعد ويشتغل بالاسواق المهم فترة الخطوبه شهرين جانت عاديه تزوجنا اتعس ليله هي ليلة الزواج سعد همجي هجم عليا مثل الوحش واذاني وابد جان ميهتملي بعد الزواج ابتعد عني عبالك مو مرته مجرد شي اني ويا بالغرفه مثل الي مل مني بعدهه ومره شاف اثر الحرق مال مرت ابويه الي حرقتني واني طفله ظل يحجي عليا ويضربني وبرغم هو اثر زغير وممبين بنهاية خصري بس هو سمعني حجي اذاني گلي لعبت نفسي منج وداني لبيت اهلي مرت ابوي وراها بكم يوم جبرت ابويه يرجعني الهم وهو گلي اني مااريدج بس استحيت من ابوج ارجعج قهرني حييل استصغرت حتى نفسي مريت بمعاناة وي مرت ابو اتعس ايام بعدها باشهر عرفت انو سعد عنده علاقات هوايه وماكو وحده مباقيه بنفسه بس اني شسوي صرت حامل المن اشكي معندي احد ابويه بهي الفتره تمرض كلش وسوه عمليه وكعد ع كرسي متحرك وزهراء صارلها حادث وفقدت بصرها بعد فتره ابويه توفه نقهرت علي كلش الاب حتى لو جان ممهتم بيه بس يبقى اب واله معزه خاصه بقلبي ابتعدت هواي عن مرت ابويه راحت لخوانها وباعت البيت وانطتني حصه منه اخذها سعد بحجة يفتح مشروع بيها ومرت ايام وتزوج اخو سعد احمد وزوجته جانت حلوه حييل ومايعه ومبينه مو راحه تصرفاتها وي زوجي سعد مو خوش جنت دائما اشوف عدها حركات وياه وجنت استغفر ربي واكول هذا لشيطان يوزني ماكو شي بينهم واني حامل اخاف افتح وي سعد الموضوع يعصب واني مالي احد اصلا اخويه نساني وحتى مفكر يشيل تليفون عليا مره من المرات جنه طالعين بعرس ابن عم زوجي جان وكتها عليه 8اشهر لمحت سعد ومرت اخو اسمها لينا داست ع رجله وهو ضربها بعكسه وواحد باوع ع ثاني بقيت صافنه عليهم سعد انتبه انو اني شفتهم من رجعنه للبيت سعد گلي....
_____
هلاو مشتاقتلجن 😉
