....منقوووله
الهاربه زينه
...بالليل بقيت افكر مابين فرحانه وبين خايفه من الجاي خابرني اخويه گلي انطيت خبر لخوالي ولعمي وعمتي وصار عدهم علم بالخطبه وان شاء الله راح يجون هم ويطمانون عليج فرحت اني جتي يمي حنان بس نضراتها غريبه حسيته گتلها اني فرحانه خطيه ظلت تدعيلي الله يريح بالج ويعوضج بساعتها اني هم خفت من نضراتها گلت يا بس لاتغار مني عمري 18وراح اتزوج مره ثانيه وهي عمرها 45ولسه ماكو خطيه بقيت اضحك بكلبي هه ثاني يوم موعد العقد الصبح اجت خالتي وخالي وعمتي وعمي وابنه وكوه حصلوا العنوان كله بيت حنان خطيه مقصرت واني رحت للصالون ولبست فستان وردي حلو وتسريحه وطلعت كلش حلوه معبالك اني والعصر اجوا اهل وعد هو كال ولد عمه اثنين وخاله ونسوان اثنين كال عليهم ذول خالته ووحده بنت عمته وابو بالكعده سالوا على ابو واخوته كال الهم ابو رجال جبير ومريض وامه تعبانه ميكدرون يجون بس نتزوج نعزمكم ان شاءالله بالحله بيت اهله واتفقوا ع مهر بسيط موهواي لان وعد ع كد حاله واني مااهتميت للفلوس او اي شي اهم شي ارتاح وارتبط وي وعد حب حياتي عقدنه اجه يمي وعد شافني بهالجمال بقى يباوع عليه ويبوس بيه ع راسي وخدي كدام النسوان وكلساع يكوللهم ابوسها وهم ميتين ضحك علي واجتي بنات موضفات ويا بس نضراتههن غريبه تشبه نضرات حنان وكملت ع خير والحمدلله وكلمن رجع لمكانه حنان مقصرت ودوم اد عيلها اني هي وامها بيتهم بي مشتمل كالت مالت اخوها المتوفي كالت اخذو كعدو بي المن باقي وعد كلها راح انطيج ايجار علي هي كالت لا مااخذ منكم ايجار انتوا ممقصرين ويايه وحتى تبقى زينه تداري امي واني اروح للشغل وعد كمل المشتمل ورتبه وخله بي غراض بسيطه اني مجنت مهتمه لاي شي الي مثلي ومثل الحياة الي عشته متهتم للماده بس تريد بيت يسترها وتعيش بي بسعاده وانو الله يعوضني واجيب اطفال مكان الطفل الي خسرته الي مجان الي نصيب بي اشوفه يكبر كدام عيني وافرح بي هي جان كووله ابالي مرت الايام وكمل وعد المشتمل وكل مااكوله وعد يلا عرفني ع اهلك حتى لو ع التليفون يعصب ويكولي شتفقنه مو هسه بالوقت المناسب اعرفج واخذج للحله وتعرفين كولشي شعرف تعرفين اهلي تشوفيهم يعني شتعرفين هذا الحجي جنه كاعدين بالمشتمل ونسولف كتله ماشي تقرب عليه حضني وبده يبوس بيه واني ذبت بحضنه وهو حاول كلش يتقربلي احم بس اني دفعته كتله لا خليها من نعقد محكمه ونتزوج دفعني هو شبيج من شنو خايفه اني المن دااسوي كل هذا مو الج شنو لسه مواثقه مني اني كتله لا حبيبي موقصدي بس كل شي بوگته حلو هو عصب وظل يصيح عليه سحبته وبسته ع رقبته دفعني وطلع اووف ع اساس نتعشه سوه گتله بينما ديطلع مااريد تعشي وحدج واني دااتسول بي مقبل دفعني بعصبيه وطلع طلعت رحت لبيت حنان شفتهه كلتلي شبيكم سمعت صوت الصياح مالته كتلها ماكو شي بس هو بسرعه عصب كلتلي ميخالف لتضوجين وانت حاولي لتخليه يعصب منج وشويه ويهدا وخابري اممم ماشي حنونه ع اساس نتعشه سوه خابري بلكي يقنع يجي امم ماشي زوزو راح اخابره بس شويه خل يهدا
منقووله
