الجزء الثاني
خلص الأسبوعين وبديت اداوم جنت اطلع الصبح وارجع العصر لأن دوامي بغداد بقيت بدوامي لمدة 3 أشهر إلى ان اجانا أمر لازم نصعد جبهات ...
علي : مساء الخير
الام : هلة يمة الله يساعدك ارتاح راح اصبلك الغدا ..
علي" اي والله ميت جوع أروح اسبح وأنزل
صعدت الغرفتي أخذت حمامي ونزلت أكلت وضحك وسوالف ورسل متبطل سوالفها تنتضرني إلا تتغدى وياي ونتعارك على الماعون هههههههه
رسل" لك أبو بطن شكد تأكل لك مبقيتلي شي
علي" اي شسويلج إذا انتي فاهية هههههههههههههه
الام " لكم صلوا على النبي الجدر مليان راح اصبلكم بعد بس لا تتعاركون
علي ورسل ههههههههههههههه
علي" يمة بعد باجر راح نروح للجبهة نبقى سبوع ونرجع
الام" يمة ليش إجباري هشي لك يمة علاوي خطر هشي
علي : يمة احسن مني لعد اللي دا يروح والاعمار بيد الله يعمري
رسل حضري نفسج نطلع نتونس اني وياج
رسل : كول والله مرتين😲
علي : انتي مو وجه نعمة مو صوجج صوجي اني 😡
رسل :يمة فديتة للعصبي ههههههه اسفة يلة وين راح نروح
علي : جنت ضايج لأن شفت دمعة أمي وكلت أغير جو الهم أخذت رسل وأمي وطلعنا افترينا ورحنا للمول وتعشينا وجبنا عشا للوالد لأن مطلع ويانا ميحب هاي الطلعات رجعنا وصعدت فوك حضرت غراضي ونمت ثاني يوم انطونا عطلة لأن بعدها عدنا التحاق رحت البيت اخوية سلمت عليهم وتغديت يمهم ورجعت للبيت سولفت وظحكت وياهم وثاني يوم الصبح كعدت وسبحت وبدلت وأخذت الجنطة مالتي وبست رأس أمي والوالد ورسل هم ورحت المكان التجمع اباوع من ضمن الموجودين صديقي ياسر هم لأن جان دوام ياسر مو وياي جنا بس اتصالات بيناتنا
لك ياسر شسوي هنا
ياسر : دا العب لك هذا هم سؤال ينسئل انت شكل اغم هههههه
علي : لك غبي مو خابرتك البارحة اشو مكلت راح أصعد وياك
ياسر : خليتها مفاجئة ههههه
علي : صعدنا اني وياسر نفس السيارة طلعنا ب 15 سيارة مدرعات وهمرات المهم بقينا الطريق كولة نسولف
ياسر : علاوي شوكت تزوج اني ان شاءالله من ارجع أعقد على بت خالي
علي : اي وأخيرا على الخير وشغلة ثانية مع ليك بية بابا شبيك انت وجدير تريدون تورطوني بابا مدا تعجبني وحدة هية كوة
ياسر : اي توم كروز ومتعجبك كوم لك واكعة بيدك هههه
علي : وصلنا للمقر ارتاحينا وتهيئنا الباجر عدنا هجوم ثاني يوم صار الهجوم وبين الجرحة والاموات بس الحمدلله كدرنا الهم ..
رسل : صعد علي للجبهة وماما بس تدعي وتبجي تخاف علية بقة أسبوعين كل يومين يلة يتصل والحمد لله مابي شي رجع وماما إلا تسوي أكل لوجه الله السلامتة
علي : رجعت وبقيت يم اهلي 15 يوم ورجعت صعدت بس هاي المرة ياسر مو وياي بس اني جان اليوم كوة يعدي اهنا خنكة متشوف غير بس التراب وأصوات الطلق عدى كم يوم والحمد لله ماكو شي يوم من الأيام بليل سمعنا صوت رمي وانفجارات عرفنا هجم داعش علينا كل واحد أخذ اسلاحة من جوة راسة وطلعنا للمواجه جانت الدنيا ضلمة كولش بس أصوات وضوة الانفجارات نشوف جماعتي اكثريتهم ماتوا واللي تصوب اني بقيت أقاوم بس فجئة حسيت بألم بصدري وعيوني غوشت بعد مشفت وكعت بالكاع
رسل : كعدت بليل أشرب مي شفت ماما تفتر وتدعي كلتلها ها ماما شبيج كالت ولج كلبي معصور واحس علي واكع بشدة
اني بصراحة خفت لأن كلب ام ويعلم كوة هديتها ونمنا الصبح حسيت على عياط نزلت أركض لكيت حيدر يبجي وماما ادك وتلطم هية وسناء أختي وتبجي وبابا حالتة حالة وزوج أختي حاضن حيدر ويبجي
كلتلهم هاي شكو شبيكم ليش هيج تبجون صاير شي احجوا اجتي مرت اخوية ندى كالت ولج رسل علاوي مات اني من كالت هيج مكدرت ألزم نفسي شبعت بجي ولج انتي شدكولين علاوي مابي شي هسة يرجع اخوية حبيبي هسة يرجع بقينا اسبوع اندور على جثة علي بس ماكو صار عدنا امل انو عايش ورفضنا نسوي فاتحة مادام الجثة ماكو راح حيدر وسئل ناس وكالولة مادام ماكو جثة يعني جريح وعد داعش موجود بقينا ندعي وماما تقرة قرآن واصلي الليل كولة ( اوووف الام العراقية من يوم يومها مشلوع كلبها الله يساعد كلب كل ام مفجوعة باابنها ) بقينا شهرين لا حس ولا خبر اني تركت المدرسة وبقيت يم أمي على اي ساعة تتخربط يوم من الأيام دك تليفون بابا وجان اسمع بابا يكول لك علاوي وليدي انت زين والله حال أمك يبجي الصخر أخذت أمي التليفون وبقت تحجي وتبجي وتعاتبة واطمئنا علية وعرفنا وين هوة والثائر ويا .........Noor Adel
