الجزء السابع
علي: كمت انقهر على رهف وخاصتا هية ممقصرة وياي بشي بس ليش مدا اشيل لمياء وخيانتها من بالي وبيوم اللي صعدت للجبهة صرت اخابرها بليل ونسولف ونضحك ونشاقة بس بيوم من الأيام صار شي وياي خلاني انقلب 180 درجة بيوم دا نسولف اني وجماعتي وياسر وياية موجود رن تليفوني رديت الووو😱😱😱
لمياء: الوو علاوي حبيبي شلونك
علي: عرفت صوتها وحبيت انرفزها كلت الو منو العفو بس اعتقد غلطانة بالرقم ..
لمياء: علاوي اني لمياء حبيبتك الحبتك ومانست حبك ...
علي: اعتقد انتي غلطانة لمياء الاعرفها ماتت من يوم الخانتني وباعت حبي 😡😡
لمياء: حبي صدكني مبعت حبك اني انجبرت وردتك تكرهني حتى متنقهر بسببي.
علي: لا صدك امممم تدرين اني مزوج حاليا وانتي هم مزوجة يعني هذا الحجي مو بصالحنا 😠
لمياء : حبي أدري بيك تحبني والعرفتة زوجتك متحبها حتى ممرتاح وياها واني شاغلة عقلك وتفكيرك...
علي: تعرفين بسببج هشي كرهت كل بنية وكل علاقة وماعادت عندي ثقة بشخص ..
لمياء: حبيبي لا تقهرني 😭😭اني انجبرت بابا جبرني ومكدرت أرفض وبسبب حبي الك تركتة وطلكت منة انت اكثر شخص حبيتة بحياتي اذكر من عالجتك وشلون سهرت الليل لأجلك وشلون حبيتك من قبل متفتح عيونك وتشوفني علاوي حبيبي بعت كولشي على مودك انت كولشي بية .
علي: يعمري اني اسف والله مجنت اعرف بهشي بس هذا هم بسببج انتي لأن موضحتي هشي كان مصار كل هشي وكان مظلمت هالبنية وياي...
لمياء : هههههههههههه حبي اي بنية تقصد زوجتك حبيبي هاي مباقية بس عليك هاي براسك تلكاها ويا حبيبها عايشة اللحظة 😁😁😁😁
علي😡😡😡 لا مستحيل
لمياء: حبي ماكو مستحيل ازوجتك وهية تعرف بوضعك وانت ممهتم بيها ماكو وحدة هشكل التعامل وياها وتسكت يلة حبي اني أروح هسة وراح اتصل بيك بعدين علاوي حبيبي أحبك كومة😙😙
علي : اموت عليج ياعذابي وياقدري ..صحيح مااحب رهف بس مااعرف ليش أحس نار صار كلبي وكلت ممعقولة بس لازم اتاكد وكلام لمياء بخصوص زواجها ابد مو ممقنع عايش صراع كلبي يكول صدك وعقلي يكول لا اصدك .....
في مكان اخررررر....
عبير: واو مدا اصدك هاي انتي لج انتي داهية وتمثيل روعة كدرتي بدمعتين تقشمرينة وصدوك شلون خطرتلج شغلة زوجتة يجوز ميصدك
لمياء : لا حبيبتي يصدك ومتأكدة من هشي انتي هواية ساعدتيني من جبتي كل هاي المعلومات عن زوجتة وعن علي 😀😀😀😀
عبير: حبي رسل صديقتي وتشكيلي هم أخوها متعرف بية اني بت خالتج وبعدين شلون ادكولين مطلقة بلة اكتشف هاي الكذبة وعرف انتي ارملة وزوجج مات بعد ماخسرتي كل املاكة...
لمياء: ههههههههههههااااي حبيبي ميعرف لا تخافين أخذت كل احتياطاتي ...
رهف : رجع علي متغير كولش سلامة ثكيل ميباوع بوجهي رجع أكثر من ما كان علية قبل لا يروح للجبهة اااوف يربي شلون يعني ماارتاح ...
عبير: رسل اخوج شخبارة ويا زوجتة مصار زين ..
رسل : اسكتي عبير علي موتها قهر من رجع ليهسة وهوة ولا عبالك زوجتة فدوة لو تشوفيها شكد حلوة ودراستها منعها منها وهية ماعدها اعتراض ....
عبير: ليش هية دارسة
رسل : اي هاي السنة اول مرحلة كلية إدارة
عبير : خطية وآلله الله يساعدها شلون متحملة ..
رسل: كلة بسبب لمياء
(رسل ممبقية شي ممسولفتة العبير 😅😅)
عبير: مو شرط يجوز لأن حلوة صدوك مشايفة صورتها خلي اشوفها.
رسل: حبي بالتليفون من أوصل للبيت ارسلهم بس امسحيهم عفية
عبير : صار حبي 😏
ام حيدر: ماما رهف وجهج أصفر مبين عليج مريضة شبيج حبيبتي
رهف: مااعرف وآلله خالة اشو حاسة بدوخة ونفسي دا تلعب ...
ام حيدر: يمة صلوات يجوز حامل
رهف: خالة معقولة خالة ويصير طفل وعلي يكوم يحبني
ام حيدر:يلة كومي أروح للمستشفى
رهف : رحت للمستشفى أخذت تحليل
الدكتورة: مبروك ماما حامل صارلج شهر ونص
ام حيدر : يمة اللهم صل على محمد وال محمد
رهف : جنت كولش فرحانة واتمنى بااسرع وكت اكول ال علي اريدة مثلي يفرح وبالكي تتغير تصرفاتة وياي ...
رجعنا للبيت وخالتي سوت أكل وعزمت حيدر وزوجته وكانت الفرحة متنوصف وعلي حسيت بفرحتة
بس مثل ميكولون الفرحة الماتمت
علي: صارت علاقتي بلمياء كولش قوية وحتى كامت تغريني بس جنت ابتعد لأن مااريدها بالحرام ردتها بالحلال وكمت اجنبها طلبت مني الزواج وكلتلها اوك بس اصبريلي لما اشوف شلون اطلع رهف من حياتي
بس انصدمت بحمل رهف وفرحت وكلت ال لمياء انو رهف حامل وميصير هسة اطلقها..
لمياء: وانت شلون تأكدت انو هذا الطفل منك
علي: شنو قصدج لمياء ترى دا تجاوزين حدودج ..........
