الجزء السادس
لا نستطيع تغيير قدرنا
رهف: حياتي ويا علي كولش عادية يطلع الصبح للدوام يرجع العصر يسبح ويتغدى ويطلع او مرات ينام وبليل يطلع يجي نص الليل واني مخلصتها تنضيف وترتيب واساعد خالة بالطبخ خالة ورسل حبابات كولش ..
ياسر: ها لك ناقص اشو ماكو شنو هيج الزواج غيرك اني ازوجت بس هو مثلك ..
علي: يابة دولي يازواج اني اول يومين تقربتلها وبعد متقربت لأن تعرف شنو تفكيري بالبنات ..
ياسر: علي مو كل اصابعك سوية وزين من البنية ومتحملتك
علي : مو مشكلتي يلة غير هذا الموضوع متطلع اليوم
ياسر : لا حبيبي تريدني انطرد اليوم ومااحصل شي 😉
علي: دولي شكد ملطلط يلة اني أروح لعد
ياسر: علي البنية لا اضيعها مثل مكتلك مو كل اصابعك سوية وهو كل بنية بيها لمياء ..
علي:سلام عمي العريف
رسل : حال رهف كولش قاهرني شكد حجينا ويا علي يعاملها بأسلوب يطلعون يتونسون يكعد يمها شوية على الأقل بس يحسسها هية متزوجة وميفيد والله اني من يمي طكت روحي الله يساعدها الرهف
دخلت لكيت رهف كاعدة بغرفتها وشابعة بجي حضنتها وكمت اهدئ بيها
رهف: رسل لج والله احبة مو بيدي لا اكدر اتركة ولا اكدر ابقى عايشة ويا هشكل لج ولا كانو موجودة اني بحياتة ومجاهلني فوكاها يخابر بنات كدامي
رسل : رهف تعالي انزلي جوة ماما تريدج عدنا حجي راح يساعدج وسناء هم هنا تريد تحجي وياج
رهف : اوك بس أغسل
نزلت لكيت خالة كاعدة هية وسناء ورسل هلو حبي سناء شلونج 😙
سناء: هلو رهوفة شخبارج
رهف : تمام
ام حيدر: خالة اني شايفة طريقة تعامل علي وياج ووالله ياخالة ميتة قهر وخالة فكرنا اني ورسل وسناء نخلي علي يرجع نفس قبل ولازم اساعدينا ..
رهف : شسوي يعني 😦
سناء : حبي من اليوم راح نبدي وشنكولج علية سوي وان شاءالله يباوعلج بكلبة .
رهف : اوك
سويت اني والبنات أكل من الانترنيت وخابرت خالة علي لازم يجي على العشا صعدت اني سبحت ولبست تراكسود ماروني أيدي نصها طالعة وشعري رفعتة ليفوك ودندلتة وميكب طوخ طلعت كولش حلوة سمعت صوت علي نزلت كولها علقت وكالت تخبل اباوع هوة بس رفع عينة ونزلها حسيت بالإهانة وانقهرت بس بعدين كام يطلب مني ساعة مي وساعة انطي بعد أكل تعشينا وكملنا صعدت لكيتة مدد اجى علية وقربني اله وأخذ اللي يريدة مني وتركني انقهرت بس اذكرت كلام خالتي وادنيت علية وخليت راسي على ايدى وكمت اسولف ويا وحجيتلة من ماتت ماما واصار بينا وبجيت بس من صدوك بجيت لأن محتاجة حضن ماما الحضن الدافي حضن علي بار من ناحيتي 😭😭😭 ..
علي: من سمعت كلامها على أمها وشلون بجت كولش نقهرت عليها حضنتها حيل وبست راسها ونمنا للصبح كعدت اباوع عليها نومتها تخبل كعدتها حتى أروح الدوامي حضرتلي الريوك وطلعت رحت للدوام...
رهف: طلع علي الدوامة وكملت كل شغلي والغدا ساعدت خالة ورحت سبحت وبدلت وخليت ميكب
باختصار حسيت علي صار عندة عطف تجاهي مو حب كلمة حبيبي ميكولها من كلبة كمت اسويلة جو وامنعة من الطلعة يومية بعذر نسولف ويا الأهل او نشوف فلم عائلي ومرات نلعب اني وياة ورسل وصرت يومية أبدل واخلي ميكب هوة صح يتقرب بس مو بروحة بجسدة صار يوم لازم يصعد للجبهة علي كولش ضجت لأن تعودت على وجودة تعودت اغفى على ايدى كما ابجي ودعتة وباسني برأسي وطلع اول ثلاث ايام احنا نتخابر بليل ونسولف بعدها كل مااخابرة يكول واجب مااكدر احجي عذرتة بس تفاجئت بيوم اللي رجع كولش حسيتة متغير مو علي اللي طلع منا وطبع شفايفة بكصتي ..........Noor Adel
