الجزء الرابع
لمياء" الو علي ..
علي : هلة والله هلة بنور ونضر عيني شلونج حبيبي مشتاقتلج
لمياء" علي عوف هذا الحجي رجاءآ
اني هسة مو ملكك فميحقلك هذا الحجي تحجي وياي
علي 😱😱😱لمياء شبيج صدك تحجين شنو ميحقلي لج لمياء اني علي حبيبيج وخطيبخ بعد ايام شبيج وبعدين ليش يومين مختفية هيج الشغل مأخذ حبيبي مني
لمياء : علي اني انخطبت واليوم خابرتك حتى تبطل ملحة اتصالاتك علية يا اخي عوفني اني محبيتك ولا راح أحبك
علي: لمياء صدوك تحجين اني مو اتفقت وياج هذا الأسبوع ننخطب
لمياء " علي والله اني نخطبت شخص زنكيل وراح نسافر دول سوية اني عشت بالفقر ماريد ابقى عايشة بي وانت مو زنكيل ولا راح تكدر نسافر يومية دولة
علي : مااصدك هاي لمياء البنية الحبيتها اللي علمتني شنو الحب هسة هيج تحجي
لمياء: بابا يا حب إذا تحب حب بس الفلوس يلة جاااااوووو ..
كانت لمياء فتاة متعجرفة ومغرورة تحب المظاهر اضهرت إلى علي وجه غير وجهها الحقيقي كانت فتاة تحب المادة والمضاهر والمشاعر لا تعني لها شي
علي: بعد مارفضتني لمياء البنية اللي حبيتها من كلبي وتمنيت أعيش وياها غرني جمالها غرتني عيونها لون شعرها غرني كلامها الناعم وكل هشي طلع كذب بكذب عمرها ماحبت ولا راح تحب نصدمت صدمة عمري كمت ادخل البيت لا كلام ولا ضحك رسل تضحك وتشاقة وياي بس اني اكوم اصيح عليها واطردها كمت أروح للجبها في سبيل استشهد حقدت على كل بنية وبسبب لمياء صرت اباوع للبنات على انو نفس الشي وماكو وحدة بيهم زينة كمت اصادق وابيع عليهن الحب عقلهن والله اصغير اني اصلا ما احب وحدة بس كل همي انتقم لأن اول حب بحياتي هيج صدمني بقيت على حالتي سنة بس اهلي كمت أضحك واشاقة وياهم بس باقي اكسر قلبهم شهر شهرين واكنسلها بيوم من الأيام رجعت للبيت لكيت أمي تبجي ومقهورة
ها يمة تاج راسي شبيج منو نزل دمعج
الام: انت اكو غيرك بهذا البيت مفرفح كلبي وموتني قهر
علي: من الله يأخذني إذا أنزل بعد دمعة منج بعد روحي يمة شبيج بس كولي شمسوي اني
الأم: اريدك تتزوج واشوف جهالك
علي : يمة هم رجعتي مو كتلج ماعندي ثقة بالبنات هية كوة وقدري هيج حبيت وحدة وردتها من ضمن قدري بس مصارت وهسة بعد كل بنية ماعندي مصداقية بيها سدي الموضوع يا بعد عمري انتي
الام: لعد روح بعد لا تحجي وياي
سل: ماما كامت تلوب على علي وشلون تغير بسبب هاي البنية الحبها سنة طلعت روحنا يلة علي صار زين ماما كامت تبجي ورادت اجبرة بدموعها بس مافاد الدافع ورى ملحت ماما حتى علي يرجع مثل قبل ويشوف البنات كولها مو نفس الشي المهم رفض ممشت علية الحيلة هههههه بس ماما صدوك زعلت منة لأن رفض حجيها ..
علي: أمي زعلت كلت شوية وتقنع بس أمي بقت أسبوع متحجي وياي ومتطلع من اني بالبيت وحتى من اطلب أكل رسل ادكوم اجيبلي صعدت للجبهة ورجعت سلمت عليها هم مسلمت حسيت انو اني جرحتها رحت ووكعت على رأسها واديها وكلتلها كل التريدي يجرالج
الام: تتزوج رهف بت خالتك يمة بنية يتيمة وخوش بنية وفقيرة ويا يمة مو كل اصابعك سوة ..
علي : تنهدت وكلتلها صار يمة سوي التريدي واني وياج ..
فرحوا اهلي بس اني عندي عادي وكلت معلية بيها تجي الأمي مو آلية لأن كولش كاره شي اسمة بنية وزواج وعلاقات بس وافقت الخاطر امي
